Biblia Todo Logo
Bìoball air-loidhne

- Sanasan -




1 Timotì 2:8 - To kə Kəzə̀ kə̀ Fughu ko

8 Ǹ ləghaa enyəa yînû ghə̀ e gɔŋlo abugho ghî à bughò zùuŋ dòʼò tsughu an dzeŋe kə ghì a Kəzə̀, aghî mo ghe m fughu ghue e ghee zo â Zə̀ kò, mo ghe lo nû alekele kɔʼ ghu a ghee edzuŋ abugho ghe gɔ̂ŋlo mò nə̀ghà m pfʉa yo ghee ŋkāa mo ghe baaŋ yo fom to a te.

Faic an caibideil Dèan lethbhreac




1 Timotì 2:8
48 Iomraidhean Croise  

Yɛso n dzɛ̀ â ghee enyəa, “Ǹ so Ŋ̀ kûu dzâa wô â ghɛ̀, abugho ghɛ̀ lò mò ghù ŋ kùm bǒo fughu, kòom sə̀əm yò, ghɛ̀ sò lɛ̌ɛn ghəəŋ ko yo ghəa ghəla Ŋ̀ ghəə̄ŋ tsughu fɛ â kâʼ fən fo. Abugho ghɛ̀ bùʼ dzɛ̂ tsughu ko enyəa, to kwâʼ wən mô nughù kɔʼ fɛ u məla nyəā tsughu alo enyʉ̀, e sô bɔɔm dòʼn sùghò èzə̀.


M̀ fɛ kuuwn dzàa wò â ghɛ̀ êzəŋ enyəa ghɛ è ləghaa nduw ghî ghəla ghe bâa ghɛ, gɔ̀ɔŋ ndùw an tuw u ghì ghəla ghe bwiī an tàaŋ tə efwe tɛʼɛ̄,


ghù ghuūw maʼa bôo taʼa to, tò ghàʼ ghuūw mâʼn ndûw sughò bòo tə ghì ghəla ghe boō a zəŋò ghàʼ,


Yɛso n nùghù dzɛ̀ tsughu enyəa, “Tsele waŋā, wuwmàʼà bo e ghee zo, nu ghe kwo dzə yo fəgha kəla ghe ghəŋlo ghè kò.” Ghe n nì dzùghù tsùghu ndzʉ̀ è wən aŋ ghùe e ghee mo ghe təm tsughu bòʼ.


Yɛso n daŋso lɔ̄ʼsō sè nùghù ndùw tsə̀təndə̄ghā tə wə̄n êzə̄ŋ aŋ kàlà tə Bɛtānì, kele kɔʼ aghu edzuŋ, bughuso tsughu ghee.


Yɛso n dzɛ̀ â wə̄n enyəa, “Êwɛ̀, zuw wò â mùghò, nəgha e bughòo nù ghɛ̀ kê kôom bugho fughu yo kɔʼso mò â Tsele ù te a fɛ aŋ ukwàʼ ŋkāa an Yɛ̀lusalɛ̀m.


À mò lo ghùw ù gaʼ fə̀ŋ aŋ ghəa e Kə̀zə̀, ghèe ghê kèndughu kə wə̄n ko kə dzə̀m m fughuu ŋkɔʼso â Zə̀ kò; ù m mwaʼà, fughuu àghì â yòsò zò, gɔ̀ɔŋ zěe sùghò â Zə̀ kò.


Ghùw vʉ mo enyəa, ‘Kɔ̀nelìus! Zə̀ kə̀ ŋ gɔ̀ɔŋ zə̀ghà è zuw, chia kə kòʼ sugho fughu kə̂a kò.


Ù n lɛɛn ko tsə̀ndə̄ghā zə alo etsə̄ŋ alo etsə̄ŋ, nùghù bvʉ tsughu enyəa “À lǒ kwò à Mughùbè?” Tsə̀ndə̄ghā zə m bɛ̀lɛ̀ tsùghù enyəa, “Zə̀ kə̀ tsoʼn nù am fwàʼ kə̀a kə̀ dzûŋ kə̀là ghù fwàʼa, chia kə zuw sughò gɔ̂ɔŋ zə̀ghà zò.


A m bùghò a bu maʼà tsughu tsùʼu mì ghàʼ à ghee, a n zə̀ghàa è tsughu, nùghù ghàʼ â luʼū to. Ghee a dzə̀m, ghèe ghê wɛ a ghee gho, à ghii a ghee gho, ghe m bùghò tə̀ma wò ghàʼ a ŋgùŋ è dzùghù, ghǎʼ n tsughu nyaʼa tsughu fughu, gɔ̀ŋlò è tsughu.


Ù n daŋso tsughu nyaʼa è tsughu nàʼà sə̀ wò kə̀bɔ̀ŋ enyəa, “Mughubè, kà bo zən nî nàŋa dzə̀ an tuw kə ghee.” A m bùghò ù dzɛ̀ tsughu èzə̀, ù n daŋso mìa è tsughu.


Ŋ̌ mwàʼsò kən kə tɔɔ wò â dzeŋe kə ghì a Kəzə ghəla ghe lo an naʼ e Kɔ̀lênt, ghɛ̀ ghî ghəla ghe fə̀ sûw tsughu ghɛ enyəa ghɛ̀ e lo fəgha ko kə mɔ̀ʼ ghèe ghê Kə̀lestò Yɛso aŋghəa Zə̀ kə fə̀ ghəŋlo enyəa ghɛ̀ doʼo ghî a wə̄n à zɔlɔ gho, ghɛ̀ à ghê ghì ghən à dzəm an lùʼù tən tə dzəm ghe tɔɔ̄ŋ tsughuu zən e Mughùbè Yɛso Kə̀lestò zò, tɔɔŋ Mughùbè ù sɛ̀ àsùghò ù ghee.


M̀ moʼò enyəa abugho ghəa ghən à dzəm mò lo aŋ ghəa ghuūghùe waŋā u lo a te to e mô dzɔ̀ɔ. À sò fɛ kuuwn lò ko enyəa chìa kì nduw ko fughu kə wə̄n kəla Zə̀ kə̀ mò namsō wə̄n a te, chìa wən ŋ ki fughu kən, ù lì ù vʉ ŋ ki sugho kə̀ nughù kò.


Ŋ̀ kuuwn fughu zɔ̀ɔŋ kə Kəzə̀; tɔŋlo enyəa aŋghəa ghàʼ doʼò ndûw fəgha ko kə mɔ̀ʼ ghàʼ à ghê Kə̀lestò, Zə̀ kə̀ mgbɛɛ sèe bwii tsə̀ghà ko ghàʼ tò ghî ghəla ghɔŋ e ghee e lo mo zə m bàŋ an zən e Kə̀lestò. Zə̀ chia kə tsəghà tsughu a zəŋò ghàʼ ghəəŋ tsughu enyəa ghàʼ zughòo ndûw tɔ wəla u lo aŋ ghəa Kə̀lestò, to u nyəŋō ŋgəaa tsughu luʼū tə̀n tə̀ dzə̀m tò zuʼù fə vʉa fə̀ ləə̄m fo.


Waazə̂ ghaŋa gho, Ǹ ləghaa enyəa ghɛ̀ kele tsughu enyəa, fəgha kəla kə sə a zəŋò mùghò ŋ kùum ŋgè yòsò aleghəŋlo enyəa to làbəlà è dzùŋ mò noō ndûuŋ ndûw â sə ko.


Ghɛ̀ ŋ ghəŋlo ghî yia a zuw shwaʼ u Kəzə̀ ŋgəa kaāŋ an naʼ e Achaìa, àsùghò an Màsèdonìa. Mbi e dzə̀m zə̀a è kele sugho boo zɛʼɛ̀ zo mò à kà ghàʼ bûʼ dzɛ̀.


Yia a bugho mugho Pôl, tsʉ̂ zaŋa e lo enyəa, to waafəghàŋ ghəla num a lo mo ghə m kpuwnlo mô kòom nîi kpeʼē ndûw ànum, dzəa ndùw àwɛ; ghe e kwo sugho alekwuū kelê ghì a ghee an ndughu tə ghee, aŋ ŋgòʼ è dzì zəla ghî a kətuw a sɛ̀ yo alekòom kele dzì zəla ghe lo alesāʼ sɛ̀ a te.


Ghəa ghə̀là Ŋ̀ kə̂a wô fɛ â ghù kùm lǒ èsəŋò. Ǹ ləghaa enyəa ghù è tughusō dzaā kweēn nduw ko ghəa ghən gho â ghee, to ghî ghəla ghe boo fughu tsughu â Zə̀ kò è ke tɔʼ lo alegaʼa tsughu fə̀ŋ aleghəəŋ ghəa à dzûŋ ghò. Ghəa a te a dzɔ̂ bùʼ nù yòsò sùghò â ghì ghə̀n à dzə̀m.


E lo enyəa sɛ̀ ki alendùw a vʉ̀a Zə̀ kò am fə̂ŋ è zɔ̀lɔ mo aŋ kùm bǒo fughu â wə̄n, am fəŋ təla a lo mo a n sùw zɔnso àsùghò alo eghùe mo a n sùw am mùghù n zɔ̀lɔ mò.


Kuʼn kəŋo ndùw nlǒ a zəŋò Zə̀ kò, Zə̀ kə̀ lo kuʼ kəŋo wô sughò a zəŋò ghɛ̀. Səso nùghu nlò ghu kɛʼɛ ko aŋ ghə̀a à biigh gho, ghî à biigh ghən. Ghɛ̀ suw maʼa sugho nlò fə̂ŋ tɛʼɛ to a ghî a kə̀bàŋàdzə̀m ghən.


À lò sugho eghəla â ghɛ̀ a num ghə ayi gho, ghɛ̀ zuwkɛlɛ tsughu alemughu ghɛ̀ à ghê yi ghɛʼɛ̄ gho, ghəa e lô enyəa yîzən a lɛɛ nù. E fughuu nduw ghee â kɔʼso mò, aŋghəa e lô enyəa ghɛ̀ à ghee kê dzèŋe kelê mùghù e doʼn təla zo a dzə̀m. Ghɛ̀ e ghəəŋ nduw enyə â ghee, to zə e lo enyəa fəgha kə̀ li kə yo aletə̀ghàsò maʼà gɔ̀ɔŋ zɛʼɛ.


Lean sinn:

Sanasan


Sanasan