1 Timotì 2:5 - To kə Kəzə̀ kə̀ Fughu ko

⁵ E lo êzə̀ bòʼ, Zə̀ kə̀ lo ko kə mɔ̀ʼ, yìa à lô sugho ghùw ù mɔ̀ʼ ù nìi təmadzəə̄ŋ wô ghî ghò ghèe ghê Zə̀ kò, ghùw wə̄n lo Kə̀lestò Yɛso.

1 Timotì 2:5 Iomraidhean Croise

Matìo 1:1

Kən lǒ mwàʼsò kəla kə taŋso sə tsughu wô ghê tsele a tselè Yɛso Kə̀lestò a te, Yɛso Kə̀lestò wəla ù fə̀ lo wàawɛ̀ ù Dɛvìd. Dɛvìd fə̀ lo wɛ ù Abə̀làhâm.

Matìo 1:23

“Kòʼ ma, ŋgɔ̀e è lì kê bɔ̀ŋɔ kɔʼɔ nù mò ù kǎam kwo yo wìnû; ù kè dzəā wô wɛ ù nùu, ghe kê tsʉ̂a tsughu ezən a te enyəa à lǒ Emanùɛɛl: Mo e moʼnlò enyəa: Zə̀ kə̀ lo sɛ̀ à ghee.”

Lûk 14:22

Kɔ̂ɔ fi fə n ndùw bùghò ebàm bùghò dzɛ̀ â wə̄n enyəa, ‘Mughùbè, mùghò m fwàʼ ghəa ghə̀là ghù mò tum mugho a te, bûʼ chia kə naam lo.’

Dzɔ̌n 1:14

Shwaʼ u te wə n ndùw bùghò ghùw, tsùuŋ mùghùu tsughu sɛ̀ à ghee, Ù n dêe mɛ̀ʼn wò èsəŋò e dzə̀m aŋ ghəa a Kəzə̀, ŋgee dèe sùghò ghàʼ â ləgha zo. Ghàʼ a dzə̀m ŋ kòʼ daʼa kə wə̄n ko, daʼa kəla ù ki tǒ sɔ̀ʼ kə Wɛ kəla kə nughù wo a vʉ̀a Tsele.

Dzɔ̌n 17:3

Mughù e doʼn təla zən lǒ â ghee alekwō ghû, Zə̀ kə̀ səŋo kən kə mɔ̀ʼ, kwo sugho Yɛso Kə̀lestò wəla ghù mò tum wô fɛ am mbī.

Kə̀fwàʼ 4:12

Tuw kə̀ zəa kə kôom yò dzə̂ aŋ ghûw ù lì, tɔŋlo enyəa zən è li e kôom yò aŋ ghueekətsə̄ ghe fughu â ghùw fɛ am mbī sɛ̀ ki alezə̄ kətuw a te.”

Lumà 1:3

Làbəlà e dzùŋ zən teso dzàa ghəa a Wɛ ù wə̄n, Yɛso Kə̀lestò Mughùbè u sɛ̀, ù fə̀ sə wo an tigh kə Dɛvìd.

Lumà 10:12

Tɔŋlo enyəa, abugho e bugho aŋ ghəa a zəa a kətuw gho, nə̀ŋònəŋ è li yo a zəŋò ghì a Tə̀dzûu ghò àsùghò Tòʼò zò. Ghe dzeŋe ki ko Mughu ù te u mɔ̀ʼ, ù lo Mughùbè ù ghee, vʉ̀a ù mwàʼa â ghì ghəla ghe gɔ̂ɔŋ nduw â wə̄n.

1 Kòlentìan 8:4

Yia a bugho ghəa à fʉ̀ghazəa ghəla ghe fughu nduw â mùʼù ò, a kwo nû enyəa, “Mùʼù mən biso tɔ̀ʼ kì yo fwàʼ kə̀ li ko fɛ am mbī.” Àsùghò enyəa, “A lò ko Kəzə̀ kə mɔ̀ʼ, kə li kə kôom yò dzə̂.”

1 Kòlentìan 8:6

 sɛ̀, à lò ko Kəzə̀ kə mɔ̀ʼ, Tsele ù te, wəla fʉgha wən ù dzəm sə aŋ ghùu wə̄n, sɛ̌ yia lô sugho mò à lǒ wə̄n, àsùghò Mughu ù te u mɔ̀ʼ mò à lò Yɛso Kə̀lestò wəla Zə̀ kə fə̀ gbə̂n wo fʉgha wo u dzə̀m am bàm e wə̄n, sɛ̌ yia mughù sugho mo a lo am bàm e wə̄n.

Gàlashìan 3:20

Ghùw ù fə̀tsə̀tèʼè kǔuwn ki dzə yo fwàʼ kò abugho à lò ko ghùw u mɔ̀ʼ lò alo eghəa. Zə̀ kə̀ lo ko kə mɔ̀ʼ, kə m tò sùghò to kə te ko â Abə̀làhâm wə̄n à mughu ko.

Efɛsùs 4:6

Zə̀ kə̀ lo ko kə mɔ̀ʼ, mo kə lo Tsele â ghì gho a dzə̀m, mo kə tsəghà sə̀ ufʉgha u dzə̀m. Kə ghəəŋ nù sɛ̀ a dzə̀m m fwaʼà ghəa ghəla kə ləghaa, chia kə mughù sugho am fə̂ŋ tə sɛ̀ a dzə̀m.

1 Timotì 6:13

M̀ fɛ êzəŋ e dzâa wò nù â ghù an sə kə Kəzə̀ kəla kə fughu mughù zò à fʉgha wə̄n wo ù dzə̀m, àsùghò an sə kə Kə̀lestò Yɛso wəla ù fə̀ ndzə̂əm kə̂aa ghəa gho an sə kə Pontios Paelɛ̀t, to ghùw wəla ù kwo səŋò zò,

Hibùlù 12:24

Ghɛ̀ m bùghò sə a vʉ̀a Yɛso wəla ù lǒ ghùw ù fə̀ nî wo kàa m fughu mò â ghì gho, àsùghò a vʉ̀a kàŋ tə wə̄n təla tə fə̀ kwala wo aleghuūw maʼà təbòo tsə̀ghàtàʼà kàŋ tə Ɛbɛ̀l təla tə̀ fə̀ lo aledì tə̀ŋgə̀mà.

Hibùlù 7:25

Zən lò e ghee ù lò alebəghaasə aghî nəgha tən tə̀ dzə̀m, ghî ghəla ghe kuʼso nduw Zə̀ kò mo ghe tsəgha am bam e wə̄n, ghəa ù lǒ mò ù tso mughu tsəgha ko nû alebuʼ kəghu an tuw u ghee.

Hibùlù 8:6

E fɛ kuuwn lò enyəa Kə̀lestò bùghò kele kɔʼ fwàʼ kə fɔ̀e kəla kə dzɔ̂ tsəgha fwàʼ kə fɔ̀e tə wii to, tò aŋghəa kâa məla ù nì wo aŋ ghùu Zə̀ kò bùghò â ghè mo â ghì gho n dzɔ̂ tsəghà taʼa n sûesʉ mò, bòʼ enyəa ndə̀mà tə aghəa a dzûŋ tə̀ lo səa wò a te.

Hibùlù 9:15

À fi lo enyəa Kə̀lestò lǒ ghùw ù nî wô kàa m fughu mò enyəa ghî ghəla Zə̀ kə mò tɔŋɔ ghee e lo alekele fəgha kəla ghe mo to naŋa enyəa ghe lo kele tə̀n. Ghəa ghən lo səa nù bòʼ Kə̀lestò mafə kpuw alezuū səa wô tuw u ghee am bòo tə ghee təla ghè ghəə̄ŋ tsəgha tì kəla kàa n sûesʉ m fə̀ naām ki daʼa ko a zəŋò ghee.

1 Dzɔ̌n 2:1

Ŋ̀ ghəa ghən fɛ tɔɔ wò â ghɛ̀ a wɛ ghaŋā gho, enyəa e kwo ko ghùw wɛʼɛ lô so e ghəŋlo èbo. Abugho ghùw ù mɔʼɔ̄ kpaʼ ghəəŋ tsughu bo zo, a ki nu ghùw wəla ù buʼū ghu ko an tuw u sɛ̀ a vʉ̀a Tsele ù sɛ̀, tɔɔŋ Yɛso Kə̀lestò, ghùw ù tsəghatsəgha.

Edêe Fughu 1:13

A m bvʉa e te zo, mùgho ŋ kôʼ fəgha kə̀ li ko tǒ ghùw mò ù dzəlà kele dàla e dà tsughu kûm nduw alo tə kə̄ŋlō, à kwùu fə etsɛ̀ fò, mò ù n wa tsughu alo kəchīchī.