1 Timotì 2:4 - To kə Kəzə̀ kə̀ Fughu ko

⁴ Zə̀ kəla kə ləghaa enyəa tò aghî a dzə̀m am mbī mô zə kətuw ghe kele sughò èsəŋò.

1 Timotì 2:4 Iomraidhean Croise

Matìo 28:19

Ndǔuw ko nlò êzə̄ŋ, ghɛ̀ è ghəəŋ nduw enyəa ghî ghə̀ è doʼn wo tsə̀təndə̄ghā taŋa to an nàʼà tə̀n tə̀ dzə̀m. Abugho ghe boō fughu tsughu, ghɛ̀ è fughuu nduw ghee â mùghù ŋ Kə̀zə̀ mò an zən e Tsele ù te, àsùghò an zən e Wɛ̀ ù te, àsùghò an zən Zuʼ tə̀ Zɔlɔ to.

Mâk 16:15

Ù n daŋso dzɛ̀ tsùghù â ghee enyəa, “Nyə ndǔw nlò am mbī e dzə̀m, ghɛ̀ naʼa nduw tùm è dzûŋ zən â ghì ghò a dzə̀m.

Lûk 1:77

Ghù kè ndùuw alendùw tsʉ̂a naŋâ ghì a wə̄n enyəa ghe kele tsughu enyəa ghe lo ko alezə̄ kətuw abugho Zə̀ kə̀ kê zə̂ bôo tə ghee to.

Lûk 14:23

Mughùbè vʉ̀ n dzɛ̀ â wən enyəa, ‘Ŋgəa nyə̀ ndùw ghɔ̀ɔŋ wə enaʼ wo, lùʼu mən an dziī à məla n sɔʼ doʼò nduw n dzə̀m, ghù è tɔɔŋ wo ghî ghò, to ndughu zaŋā luū tsughu.

Lûk 24:47

Àsùghò enyəa, ghe kê kì alenaʼn nduūŋ nduw an zən e wə̄n, â nàʼà tə̀n tə̀ dzə̀m alenìi nughù tsughu an Yɛ̀lusalɛ̀m, enyəa ghî à tiī kuwnlo am bòo tə ghee, tò Zə̀ kə̀ ghuūw maʼà bòo tə̀ ghee.

Dzɔ̌n 14:6

Yɛso n dzɛ̀ ndùw â wə̄n enyəa, “Ǹ lo dzì, yìa Ǹ lô səŋò zò àsùghò mùghù zò. Ghùw yo alebùghò tɛ̂ alô Bə̀ghà mò ù kà tsə̀ghà a zəŋò mùghò.

Dzɔ̌n 17:17

Ghəəŋ tsughu ghee enyəa ghe e zɔlɔ an səŋò zəghà zəla ghù zoʼn ghee a te, tɔŋlo enyəa shwaʼ wʉ̀a ù lo êsəŋò.

Dzɔ̌n 6:37

Ghî ghə̀n a dzə̀m Tsele ù te fughu â mùghò, lo bùghòo a vʉ̀a mùghò, ghùw wəla ù tso məghàa doʼò wô dzə ghàʼ à wə̄n, Ŋ̀ kê wə̄n dzûm nùghù yò;

Lumà 11:14

Zə enyə lò enyəa waazə̂ ghaŋa tɔɔŋ Tə̀dzûu lô kpaʼa ghoʼò ghəa a te gho, to ghəa a te a ghəŋlo ghee a li a zə kətuw.

1 Timotì 4:10

Sɛ̀ dəmà nù, faan sùghò alekelê ghəa ghən bòʼ enyəa tùʼ è sɛ̀ chîi a zəŋò Zə̀ kəla kə mughu, tɔ̂ɔŋ Zə̀ kəla kə bəghaasəa ghî ghò a dzə̀m, a ka dɔ̂ɔm taŋ ghe ghəla ghe boo fughu tsughu â Wə̄n.

2 Timotì 2:25

Ù kì alemaʼn tsughuu ghue wo alezoʼn ghì ghəla ghe kee təghasò shwaʼ wə̄n wo, kwo tən am fə̂ŋ e wə̄n enyəa Zə̀ kə̀ lo nû aleghəŋlo ghe tiī maʼà ghəa a ghee à biigh gho, ghe bugho zuūwkɛlɛ kɔʼ êsəŋò.

2 Timotì 3:7

Yîzən a te a tsôo nùu tsəgha ko alezoʼn ghəa à fughu gho, mo ghe kaām zuwkɛlɛ kòʼ tsə̀ghà səŋò zò.

Taetùs 1:1

À mwàʼsò kən kə tɔm mugho Pôl, kɔ̂ɔ fə Kəzə̀, àsùghò tum è Yɛso Kə̀lestò. Ghe mugho tùm wò alebùghò tughusô boo e ghì ghəla Zə̀ kə̀ mò shîa kɔʼ enyəa e noo, àsùghò â ghee alekelê tsʉ̀ è səŋò zəla e lo, aleyòsò ghee enyəa ghe e mughu an dziī zəla Zə̀ kə̀ ləghaa.

Taetùs 2:11

Tɔŋlo enyəa Zə̀ kə̀ n dè wò dzɔ̂ e wə̄n zo â ghì ghò a dzə̀m, aŋghəa Kə lo bəghasəā ghe a te.

Hibùlù 10:26

Abugho sɛ̀ kele tsughu êsəŋò, sɛ̌ yia naām ndzə̂m ghəə̄ŋ ndûw ko ghəa à biigh gho, fəgha kə̀ li kə kôom yò a lo alesàa fughuu ndûw â Zə̀ kò alesùuw maʼà bòo tə te to a te.

Dzɛ̂ms 3:14

Abugho à kuūwn lô enyəa ghù ki kəmʉ̀nlo â ghì à loʼ gho. ghù vʉ̀a ghù mòʼò sugho enyəa ghù tsə̀ghàsə̀ aghî a dzə̀m, e kwo ko ghù lò so e tsɔ̂ɔ fə̀ŋ enyəa ghù kwo ghəa è li zo — mo abugho ghù ghəŋlo êzə̀, ghù fi nîi kɔ̀ʼɔ êsəŋò fə̀nsò nǎaŋ wò alo agha.

2 Pità 3:9

E kuuwn lò enyəa, Mughu ù te lɛso dzə̀ yo alelueso to kə wə̄n tò aŋghəa ghî à li a môʼnlo. Ù ləghaa yo enyəa to ghùw mò kwəlà sâŋlò. Ù kuuwn ləghaa enyəa to ghî à mô maʼà bòo tə ghee, ghe tiī kuwnlo.

2 Dzɔ̌n 1:1

Mùghò, Tsoʼ an ndughu e Kə̀zə̀, Ǹ tɔɔ wò mwàʼsò kən â ghù a Wìzən wəla Zə̀ kə̀ shîaa kɔʼ ghɛ̀ â ghê wɛ ghə̂a ghò. Ŋ̀ kûum ŋgěe ləghaa nù ghɛ, à kà yo ko mugho, ghî ghə̀n à dzə̀m ghe kwo səŋò zò lə̀ghaa sùghò nù ghɛ.

Edêe Fughu 14:6

Mùghò n daŋso nùghù kòʼ kpèʼe ndùw tsə̀ndə̄ghā è lì è zəghāa kaŋlo edzuŋ, mò ù kǐ làbəlà e dzùŋ zəla è dòʼò tən alenàʼà â ghì ghən a dzə̀m ghe mughu aŋ ghueekətsə̄, â nàʼà mə̀n n dzə̀m, â ndùm tə̀n tə̀ dzə̀m, â tùu tə̀n tə̀ dzə̀m, àsùghò â ghì a sàʼà tə tənàʼà tən tə dzə̀m.