1 Timotì 2:3 - To kə Kəzə̀ kə̀ Fughu ko

³ Ŋgòʼ è mùghù zən enyə; alegɔ̀ŋlò an tuw u àghì dzɔ̀ɔ nù, zəa e tsəmso sugho fə̀ŋ è Zə̀ kəla kə bəghaasəa ghî ghò.

1 Timotì 2:3 Iomraidhean Croise

Lûk 1:47

Fə̀ŋ zaŋa zə̀ èduʼnlo bòʼ Kə̀zə̀, ti usûŋ waŋa,

Lumà 14:18

Abugho ghùw fwàʼa â Kə̀lestò an dziī zən, zə ŋ ghəŋlo Zə̀ kə̀ n duʼnlo, ghî ghə ŋ kɛɛ ghùw ù te.

Fèlepìan 1:11

Yɛso Kə̀lestò kè ghə̌əŋ sùghò nù mughù zɛʼɛ zə e ke lo è dzûŋ zò, zəla e ki kɔʼso mò à kəma mò â Zə̀ kò.

Fèlepìan 4:18

Mugho n namso kaŋa kə kele kpenlo, bùʼ tsə̀ghà èsə. Mùghò n zə kuw ko, am fʉgha wəla ghɛ mò tum wo â Èpàfə̀loditùs enyəa ù bùgho fughu à mùghò, ufʉgha mo ù lə̂əm dzɔ̀ɔ nù, mò Zə̀ kə̀ boom nù, ghue u wə̄n vʉa u ghɛ̂ɛn sugho alekòʼ.

Kòloshìan 1:10

Ghàʼ yia gɔ̂ɔŋ sugho enyea ghɛ̀ è mughu mùghù zəla e kɔʼso Mughu ù te, mughù zəla e ghəŋlo Mughu ù te n tsoʼnlo, ghɛ̀ e ghəəŋ ghəa à dzûŋ ghə̀n a dzə̀m, ghɛ̀ ke biso bugho kele tsughu Zə̀ kò, ghɛ̀ tsəgha taʼa.

1 Tɛ̀sàlonìan 4:1

Alendùw â sə ko a waazə̂ ghaʼa gho, ghàʼ toon wò ghɛ̀, dzàa wò sùghò â ghɛ̀ an zən e Mughubè Yɛso enyəa ghɛ̀ è mughu nduw ko ŋgòʼ è mùghùu zəla ghǎʼ mò zoʼn ghɛ a te, tò aŋghəa ghɛ̀ nyɔʼɔ ghəəŋ dzə̄ ezə̄ŋ, àsùghò enyəa ghɛ̀ è naam mughu nduw ko mughùu e te zo êzə̀.

1 Timotì 1:1

À mwàʼsò kən kə tɔm mugho Pôl. Zə̀ kəla kə bəghaasəa sɛ̀ ghèe Kə̀lestò Yɛso wəla a chiī tùʼ è sɛ̀ a zəŋò wə̄n fə̀ fughu mughu â daʼa ko enyəa mùghò e lo tum è Kə̀lestò Yɛso.

1 Timotì 4:10

Sɛ̀ dəmà nù, faan sùghò alekelê ghəa ghən bòʼ enyəa tùʼ è sɛ̀ chîi a zəŋò Zə̀ kəla kə mughu, tɔ̂ɔŋ Zə̀ kəla kə bəghaasəa ghî ghò a dzə̀m, a ka dɔ̂ɔm taŋ ghe ghəla ghe boo fughu tsughu â Wə̄n.

1 Timotì 5:4

Zə e sô kuuwn lô enyəa abugho wìikpuw ki wɛ gho ŋkāa wɛ awɛ gho, ghəəŋ tsughu enyəa ghe kele tsughu enyəa ghe ki alebùʼù kaʼ tsughu alefwàʼ fwàʼ kə Kəzə̀ a lǒ ghee an ndughu, enyəa ki alelɛnlo â ghè tsele ghèe ghê zə̀, tɔŋlo enyəa ghən lò ghəa ghəla a dzɔɔ̄ an sə kə Kəzə̀.

2 Timotì 1:9

Zə̀ kə mò bəghasə̄ sɛ̀, tɔŋɔ wò sɛ̀ enyəa sɛ̀ è mughu mùghù è zɔlɔ zo. Zə̀ kə ka fə enyə ghəəŋ dzə̀ bòʼ ghəa e è dzuŋ è li zo sɛ̀ fwaʼ â wə̄n. À fə̀ enyə lo ko aŋghəa Zə kə̀ ki fôʼ naŋa aleghəŋlo bòʼ dzɔ̀ e wən zəla kə ki â sɛ̀ mo kə tsəghà tsùghù a zəŋò Kə̀lestò Yɛso.

Hibùlù 13:16

E kwo ghɛ̀ ke bughuu doʼò kôʼ aleghəəŋ dzɔ̂ zò àsùghò aleteen dzəəŋ fʉgha wo, tɔŋlo enyəa fə̀ŋ è Kə̀zə̀ zɔ̀lɔ nù aŋ ŋgòʼ è ufughu vʉ̀.

1 Pità 2:20

Namso kə̂a kə̀ kuuwn lǒ kwò a te à, abugho ghe buū ghû alo eghəa mò ghù ŋ ghəəŋ bonlo, ghù vʉ̀a ghù dzə̀n tsughu fə̀ŋ a te a, lò ko nû a. À sò fɛ kuuwn lò enyəa abugho ghù fanlo an dzɔ̀ zəla ghù ghəŋlo, ghù vʉ̀a ghù dzə̀n tsughu fə̀ŋ, Zə̀ kə n bughuso ghù.

1 Pità 2:5

Bùgho nlò a vʉ̀a Mughu ù te tò tia ghəla a ki mughù zò, ghe nîi kɔʼ ghɛ ghe bəghāa tiso kɔʼ ndùghù è shʉghà e Kə̀zə̀ a te, ghɛ̀ e ke fwaʼ tǒ fɔ̀e tə̀ zɔlɔ to alekɔʼɔ fughuu fughu kə̀ ushʉ̀ghà kəla kə kpe â Zə̀ kò am bàm e Yɛso Kə̀lestò.