1 Timotì 1:9 - To kə Kəzə̀ kə̀ Fughu ko

⁹ A kwo sugho nû enyəa ghe kâ lâŋ kə̀ naŋa dzə̀ â ghî à dzûŋ ghò; kə kuuwn lò â ghì ghəla ghe bvuʼū lâŋ kò àsùghò ghəla ghe ghəə̄ŋ fɛ̀ɛn tə aghəa tə̀ biigh to, â ghì ghəla ghe moʼò enyəa Zə̀ kə̀ yo, ghəla ghe ghəə̄ŋ dzə̀adzə̀ tə aghì təla tə ki yo fəgha fwàʼ kə̀ li ko, àsùghò â ghì ghəla wiī maʼn tsughuu tsele ŋkāa zə̂, ŋkāa ghe gbôo ghùw.

1 Timotì 1:9 Iomraidhean Croise

Matìo 10:21

Chìa lo e feēn fughuu nduw wàazə̀ enyəa ghe wī, tsele m fèe fùghù ndùw wɛ̀, wɛghêtùghu a kê nughù kɔʼ an tuw u ghê tsele àsùghò ghê zə̀, ghe ŋ wiin ghee.

Lumà 1:30

Ghe m maʼn kǎaŋ tə̀nùʼ, baa Kə̀zə̀, ki dzughu e biigh zo, kɔʼso eghue, dèe eghue, ghî a te a kəŋo utsù, bùʼù zuuw sùghò yo â ghê tsele.

Lumà 4:13

To kəla Zə̀ kə fə̀ to naŋa â Abə̀làhâm ghèe ghê waawɛ a wə̄n gho, enyəa à kè mbī e dzə̀m ki ghee fə̀ yo dzə̂ bòʼ Abə̀làhâm fə̀ zuūw lâŋ kò. À fə lo bòʼ fə̀ŋ zəla ù fə̀ gaʼ tsughu a zəŋò Zə̀ kò, Zə̀ kə̀ n nì ndùw wə̄n an tāŋ enyəa ù lò ghûw ù tsəghatsəgha.

Lumà 5:20

Ghəa lâŋ kə bugho am mbī, bo zə n kôom fəghan dùw e tsughu. A m bùgho bo ŋge dûw tsughu am mbī, dzɔ̂ e Kəzə̀ zə ŋ kuuwn tsə̀ghàsə̀ è tsughu.

Lumà 6:14

Bo e lo kòom kì yo daʼa kə̀ li ko a zəŋò ghɛ̀, mbuu ghɛ̀ kôom yò dzə a tsəlà làŋ kò, nu ghɛ̀ êzəŋ kuuwn mùghu an dzɔ̀ e Kəzə̀.

Gàlashìan 3:19

Lâŋ kə̀ è kən màʼà bugho bòʼ kwò à? Ghe fə̀ lâŋ kən kə səso wo aledèe fughu ghəa à biigh ghəla ghî à ghəə̄ŋ ghè ghò; lâŋ kə te kə fə̀ lo ko alefwàʼà bughô tâa wô an zəla wɛ̀ ù Abə̀làhâm fə̀ ki alebùghò a te, tɔɔŋ ghùw wəla to kə te kə fə̀ kə̂a ghəa a wə̄n gho. Tsə̀təndə̄ghā tə Kəzə̀ tə̌ fə̀ lâŋ kə te kə fughu tsughu â Musî, wəla ù fə̀ lo ghùw ù fə̀tsə̀tèʼè ù Kə̀zə̀, ù m fùghù ndùuŋ wò â ghì ghə Ezə̀lɛ̂ ghò.

Gàlashìan 5:18

À fi lo enyəa lâŋ kə̀ ki dzə yo daʼa ko a zəŋò ghù abugho à ghuw kə e bwìi kə̀a kə̀ naŋsô Zuʼ tə̀ Zɔlɔ to.

Gàlashìan 5:21

sə à səa gho am fʉgha u aghì, lʉ̀ m mʉ̀aa kala mò, dzweŋe ù biigh wo. Àsùghò ghəa à biigh à li gho. M̀ maa ghɛ bùʼ kwɛ̀ɛn dzə̀ tò aŋghəa Ǹ naām kwɛ̂ɛn wô ko sughò ghɛ êzə̄ŋ, enyəa ghùw wəla ù mùghu ŋgòʼ è mùghù zən zo yǒ tò ù e zə fɔ̂e u Kəzə̀.

Gàlashìan 5:23

zʉ̀ kə emùghù àsùghò ghuw kə ebwìi kə̀ naŋso ko; abugho ghəa ghən enyə lǒ a zəŋò ghùw, làŋ kə̀ li yo dzə̂ alekɔlɔ̄ wə̄n.

2 Tɛ̀sàlonìan 2:8

Ghe lo daŋso dêe fughu səā wô ghùw wəla ù zuūw yo lâŋ kò, Yɛso lo daŋso wiī maʼa wə̄n mò ù fò ndùw təzuʼ a zəŋò wə̄n. Yɛso lo daŋso dzûuw màʼà sugho wə̄n daʼa kə səghanyəgha ŋ wə̄n ù bùghò â ghe kò.

1 Timotì 4:7

Tue màʼa zə̂azə̂a ŋ ghə̀a kwu mò to məla dwə̂n wə aghì zən u kə̂a seē. E zoʼn tsughuu nlò ghue zɛʼɛ zo aŋ dzǐi tə Kəzə̀.

1 Timotì 6:20

Timotì, tɔ̀ʼɔ kwo kelē fəgha chìa Zə̀ kə̀ fughu naŋā wo â ghù. Ka è zəən dzə ghəa ghə̀là à buw shwàʼ u Kəzə̀ wò, àsùghò zɔ̀ʼ tə aghəa təla ghî à li a gaām tɔŋlo enyəa à lò utɔ.

2 Timotì 2:16

Kà è boom naaŋ shwaʼ ù laʼso wo, tɔŋlo enyəa shwaʼ ù laʼso u te gbôo sɛ̀ɛ sə̌a wò aghì aŋ ghəa e Kəzə̀, fəghaan sèe məŋso nyəa ndùw àghì aŋ ghê.

2 Timotì 3:2

Ghî ghə̀ ke e bɔɔm kwo tsughu ko ghue e ghee zo, ghe e ŋge ki sə a ukʉ̄a gho, ghe e ke chwiilwii ghî ghò, ghaŋso kaaŋ sùghò èghue, ki dzughu à biigh gho, zuuw yo â ghê tsele, fughuu yo zɔ̀ɔŋ ko â ghì ghəla ghe yoso ghee, ghe ke e niī yo ghəa a Kəzə̀ ghò tò ghəa è li zo.

Taetùs 1:10

Ŋ̀ ghəa ghən kə̂aa bòʼ ndə̀mà tə aghì tə̀ lo nû ghe tuū mâʼn êsəŋò, ghî ghəla ghe kə̂aa kaāŋ zuum tə aghəa to, fɔɔ kaaŋ sùghò tɔ u aghì an làʼsò zəla ghe kəaa ghè zò, a ka dɔ̂m tàŋ ghî ghəla ghe teē tən tsughu ko am bùghoo kə Tə̀dzûu kən enyəa to ghe mô tèlè sùghoo tsughûu tiigh kə ghûw.

Taetùs 1:16

Ghe dzâa wò alo edzughu enyəa ghe ŋge kwo Kəzə̀, ghe yia kuūwn tuū maʼn Zə̀ kò aŋ ghəa a ghee à ghəəŋ gho. Mwam e ghee e dzəa nù, ghe zuuw yo â Zə̀ kò, ghe tsô bùʼ yò sughò aleghə̂əŋ ghəa è dzûŋ è li zo.

Taetùs 1:6

Tsoʼ è ndùghù è Kə̀zə̀ ki alelō ghùw wəla ù ki mwam ù dzûŋ wò, mò ghùw yò alesɔ̀ʼ kə̀ghu a zəŋò wən enyəa ù mò ghə̌əŋ bonlo èghəa, mò ù kì ko wi u mɔ̀ʼ, mo wɛ a wə̄n ghə m boo fùghù sùghò â Yɛso, tughuu sùghò yò â tuw ko, mo ghe kâ sə̀ bò sùghò.

Taetùs 3:3

M̀ fɛ dzàa tɔŋlo enyəa an tì kə̀ li ko ghue e ughùe e sɛ̀, sɛ̌ fə̀ buʼ lo ghî à laʼso gho, sɛ̀ n zuuw yo â Zə̀ kò, ghəəŋ boon sùghò àghəa, ghe n sè məŋso sùghò sɛ̀, sɛ̀ m fə̀n dòʼò ndùw ùkɔ̀ a bâa fʉgha u mbī wo. Sɛ̀ m mughu aŋ kə̀f kə ebō, ki sugho kəmʉ̀nlo am fʉgha ù aghì. A m bâa ghì ghə̀n àdzə̀m, ghî ghə̀n à dzə̀m m bâa sùghò sɛ̀.

Hibùlù 11:31

À fə̀ lo bòʼ kpàlà kəla ghe fə̀ tɔŋlo enyəa à lǒ Lahàp fə̀ boo fughu tsughu â Zə̀ kò, e fə̀ ghəŋlo ù ŋ kè kpuūw dzəŋlo ghèe ghê ghî ghəla ghe fə̀ naaŋ yo tuuŋ ko aŋ ghəa e Kəzə̀, bòʼ enyəa ù fə̀ kuuwn ni naŋā ghì ghə Ezə̀lɛ̂ ghəla ghe fə̀ bugho aletsè tə̀ luʼū aŋghəa naʼ e fə̀ lo a te.

Hibùlù 12:16

Dəma tsughu nlò enyəa ghùw wɛʼɛ ka e nuŋlo, ghùw wɛʼɛ ka doʼò mò ù kwò yo Zə̀ kò to Esàu, wəla ù fə̀ fêe tsughu dwaʼa u wə̄n wəla ù fə̀ sə wo â ghè wo am mwěe bòʼ dzughu è zəa zo.

1 Pità 2:7

Tia zən lò kɔ kə etiā kə̀ səŋò kò â ghɛ̀ ghəla ghɛ̀ boō fughu â ghè zò. Yia kuūwn bughò ghî ghəla ghe taʼkè boo fughu, “Tia e mɔʼɔ̄ zəla ghî à bəgha a fə̀ tue maʼa enyəa e yo fəgha ko, zə ŋ kòom bùghò dòʼò tia zə ebuw zo.”

1 Pità 3:20

Tɔ̂ɔŋ zwəŋso wəla u fə̀ tsughòsò maʼa dzə̀ è Kə̀zə̀ alebùghò tâa wô an tsuʼ fəla Nôa fə̀ bəgha kwə̀n ko. An ti kə̀ è chì, à fə̀ lo ko aghî èfaa ghe fə̀ zə tuw ko aŋ ghùu fʉ̀ghàdzughù tò, aŋ kwə̀n kə te ko.

1 Pità 4:18

Mwàʼsò kə Kəzə̀ kə̀ dzɛ̂ enyəa, “Abugho e tughu alebəghaasə ghùw ù dzùŋ, à lô yia boʼò sə̌a kə̀ kwò â ghì biigh ghəla ghe kwo yo Zə̀ kò a?”

Dzûd 1:15

Ù kè bùghòo ghèe ghee alebùghò saʼ aghî a dzə̀m, àsùghò alebùghò fɔesô ghì ghə̀n a dzə̀m ghe kwo yo Zə̀ kò aŋ ghəa a ghee ghela ghe ghəŋlo mo a dzɔ̂ɔ yò an sə̀ Kəzə̀, àsùghò an shwaʼ u biigh wəla ghî ghəla ghe doʼkè boō fughu â Zə̀ kò kə̀a bonlo an zən e wə̄n.”

Edêe Fughu 21:8

Yia a bugho ghê mgbêbvʉ̄, ghî ghəla ghe taʼkè boō fughu, ghî a dzəa gho, ghəla ghe wiī ghî ghò, àsùghò à nuūŋ gho, ghî a uvùŋ, ghəla ghe kɔʼso zʉ̀ ù li wə̄n, àsùghò ghî ghə agha a dzə̀m, luʼu ke ghee kê lǒ fɛ̀ɛn fɛ̀ɛn kə wə̀n kəla zuʼ kə biigh kə səa wo àsùghò nyoʼ ko ghe tɔŋlo enyəa à lò sulfò, mò à fi lò e kpuūw kuenlò.”

Edêe Fughu 22:15

Ghî ghəla ghe yo dzə an naʼ e te fo lo ghî ghela ghe ghəə̄ŋ dzə̀adzə̀ tə aghəa to, àsùghò ghì a uvùŋ ghò, ghəla ghe nûuŋ kaŋlo àsùghò ghəla ghe wii ghî gho, ghəla ghê kɔʼso mùʼù mò àsùghò ghəla ghe kaʼn gha gho aŋ ghəa ghee kə̀a gho àsugho aŋ ghəa a ghee à ghəəŋ gho.