1 Timotì 1:8 - To kə Kəzə̀ kə̀ Fughu ko

⁸ Aŋghəa e lô êzə̄ŋ, a kwo nû enyəa e dzɔ̂ɔ nù alezoʼnlo àghì alo kəlàŋ, abugho a kuūwn nyɔʼɔ̀ zoʼn dzə̂ ghəa ghəla lâŋ kə te deē ghè kò.

1 Timotì 1:8 Iomraidhean Croise

Lumà 12:2

Kà nlo kôom mùghù dzə̀ an dzì zəla ghî a mbī a mughū a te, zə̀ghàa tsugu nlò tò Zə̀ kə̀ kuūwn kɔʼ fə̂ŋ tɛʼɛ, tò ghɛ̀ kele moʼnlò è fughu zo. Ghɛ̀ è ke lo aledaŋso kelê fəgha kəla Zə̀ kə̀ ləghaa ghè kò — ghɛ̀ e kwo ghəa è dzûŋ zò, zəla e lô tsəghatsəgha, àsùghò zəla e lo aleghəŋlo enyəa Zə̀ kə̀ e duʼnlo a te.

Lumà 7:16

Abugho e lo enyəa Ŋ̀ ghə̂əŋ ghəa ghəla M̀ bɛ̂ buʼ, à fi lo enyəa mùghò m boo enyəa lâŋ kə̀ lo fəgha kə̀ dzûŋ kò.

Lumà 7:18

Ŋ̀ kwo nû enyəa ghəa e dzûŋ e li yo dzə̂ am fə̂ŋ zaŋa, tɔɔŋ mùghò tǒ ghùw wə nsɔ̌ɔŋnchùw. Nù Ŋ̀ ki nû moʼnlò e te zo aleghə̂əŋ ghəa e dzûŋ zò, mùghò ŋ kuuw yò aleghə̂əŋ ghəa e te zo.

Lumà 7:22

Ǹ ləghaa làŋ kə̀la à fughu wo Zə̀ kò am fə̂ŋ zaŋa e dzə̀m.

Gàlashìan 3:21

À lò enyəa lâŋ kə te kə boom dzəəŋ yo ghèe to u Kəzə̀ wò à? À dɔ̀m yò dzə̂ êzə̀! Abugho ghe mô fughuu wô lâŋ kə̀ li ko mo kə ghəŋlo enyəa ghùw dòʼò â tuw ko, to ghùw mò dòʼn nù tsəghatsəgha abugho ù naŋā tsughu lâŋ kò.

2 Timotì 2:5

Ghùw ù lì yo alenyəŋo zə kəfəgha mò ù kà nyəŋ aŋghəa lwâŋ wə enyəŋ u deē.