1 Timotì 1:7 - To kə Kəzə̀ kə̀ Fughu ko

⁷ Ghe dəmà aledòʼò wàdè tə kəlàŋ, an làŋ kə Musî; dèe êzə̀ mo ghe tɔʼɔ̀ zǔuwkɛlɛ yo fəgha kəla lâŋ kə te kə lo ghè kò, aŋghəa ghe buʼù tsɔ̂ɔ ko fə̂ŋ tò a te.

1 Timotì 1:7 Iomraidhean Croise

Matìo 15:14

Zə̀gha nlò ghee, ghe lo ghî à foō gho, ghe tɛ̂ɛ bwìi ghì à foō gho. Abugho ghùw ù fǒo tɛ̂ɛ bwiī ghuw ù fǒo, ghe a te gho a bə̀ghà n ndùw bvʉ̀ nyə tsughu alo kəbùʼ.”

Matìo 21:27

Ghe fi nughù bɛ̀lɛ̀ ndùw nù Yɛso enyəa, “Ghàʼ kwo dzə yo.” Ù n daŋso dzɛ̀ ndùw ghee enyəa, “À fi lo enyəa Ǹ dzâa sùghò yò ghùw wəla u fughu mugho â daʼa ko aleghəəŋ ghəa ghən gho a te.”

Lûk 2:46

Ghe ŋ kəŋ wə̄n ntsuʼu n təgha, ndùw kòʼ ndùw wə̄n am be kə̀ ne ko, mò vʉ̀a ù dòʼ am bvʉ̄a e ghê wàdè, zyə̂ən ghəa ghəla ghe kəaa, bvʉʉn sùghò ghee â ghəa gho.

Kə̀fwàʼ 15:1

Ghî à li ghə ŋ kòom ndùw nùghù tsùghù ko an Dzùdîa, bùghò kàʼ wò ghì ghəla ghe boō fughu â Kə̀lestò an Antìok a lùʼù tsʉā wo enyəa, “À gɔ̀ʼɔ̀ mo ghe sugho tigh kə̂a aŋ ghəa bughōo kə Musî kə̀ deē, ghù yò dzə̂ alezə̄ kə̄tūw.”

Lumà 1:22

Ghe dzâa enyəa ghe tɔɔ nù, dèe ezə̀ mo ghe laʼsò nùʼ.

Gàlashìan 3:2

Ghəa e lo ko e mɔ̀ʼ Ǹ so n bvʉ̀ā wô â ghɛ̀. Ghɛ̀ mò kaʼ tsughu ênzə̂n to ghe fughu â Zuʼ tə Kəzə̀ tò a? À mò lo bòʼ ghɛ̀ zuuw kə̀làŋ ŋkāa à mò lo aŋghəa ghɛ̀ mò zuw tsughu shwaʼ u Kəzə̀ wò a ghɛ̀ m boo fughu ndùw â Kə̀lestò enyəa ù kpe nû alebəghaasə ghɛ à?

Gàlashìan 3:5

Ghəa Zə̀ kə fə̀ fughu tsughu ghɛ â Zuʼ tə̀ Zɔlɔ to, dè sùghò nsə̀ghàa am bvʉa zɛʼɛ̄, ghɛ̀ moʼnlò enyəa à mò lo bòʼ ghɛ̀ mò zuūw lâŋ kò ŋkāa, à lǒ bòʼ ghɛ̀ mò zuw tsughu làbəlà è dzùŋ è Yɛso, ghɛ̀ m boo fughu ndùw â wə̄n à?

Gàlashìan 4:21

Ghɛ̀ ghəla ghɛ̀ ləghaa alemùghù a tsə̀là làŋ kə Musî kò, dzǎa wò nlò â mùghò, à lǒ mò ghɛ̀ zuuwkɛlɛ yo fəgha kəla lâŋ kə te kə dzaā?

1 Timotì 6:4

Ghùw ù te ŋ ki alekele tsughu enyəa ù tsòo ghaŋso kaāŋ tsə̀ghà sùghò ghue u wə̄n mò ù bùʼù zuuwkɛlɛ yo ghəa è li zo. Tsû u ghûw ù te e lo ko alekəŋo ŋgəaa kaaŋ tsəgha shwaʼ wo, ghəəŋ sughò enyəa ghî ghə̀ e pfʉa kaaŋ dzughu gho, zùghùu ŋgə̂aa kaaŋ tsə̀ghà sùghò, mo ghəa a te a bughò â mʉ̌ʉn ko, təfom, kə̀ghòʼ, moʼnlò è biigh zo, àsùghò ndə̀m kò.

2 Timotì 3:7

Yîzən a te a tsôo nùu tsəgha ko alezoʼn ghəa à fughu gho, mo ghe kaām zuwkɛlɛ kòʼ tsə̀ghà səŋò zò.

Dzɛ̂ms 3:1

Waazə̂ ghaŋa gho, e kwo ko ndə̀m zɛʼɛ lô so nyəa ndùw alebùghò doʼò ghe wàdè alezoʼn ghî ghò, tɔŋlo enyəa sɛ̀ ghəla sɛ̀ zoʼn ghî ghò, ghe kê sɛ̀ saʼa mo ghe tɔʼɔ̀ nyǎaŋ nyəa tsughuu nù ghəa a sɛ̀ ghò.

2 Pità 2:12

Ghiīshʉ̀ghà ghə agha ghən lò ghî à laʼso gho; ghe bɔɔm lò ko tò tənyôm. Abugho ghùw ù te ləgha tsughu dzə̂ ghəa zo aleghəŋlo, ù n tsò ghə̌əŋ ndùw ko nù. Ghe fə̂ ghee dzə ko alekwuu, ghe e winlo. Abugho ghe tɔ̂ʼ kwo ko yo fəgha ko, ghe n tsò sùuwn ko nù; ghe lô ghee wii ko tò tənyôm.