1 Timotì 1:5 - To kə Kəzə̀ kə̀ Fughu ko

⁵ Ghəa è səŋò zəla M̀ fughuu wô ghû â làŋ kən ko lo enyəa to kə mô lò aleghəŋlo ghî a Kə̀lestò ghə̀ e ləghaa ghue ghee zo; ŋgòʼ è ləgha zəla e səā wo am fə̂ŋ è zɔ̀lɔ, à mòʼnlò è dzuŋ zò, Abugho ghe ləghaa ghue e ghee zo enyə, e fi dêe nù enyəa ghe ŋ kùm bǒo fughu â Kə̀lestò.

1 Timotì 1:5 Iomraidhean Croise

Matìo 12:35

Ghùw ù dzùŋ bɔ̌ɔm ghəəŋ wò kô ghəa à dzûŋ ghò an ndə̀m è èdzɔ̀ zəla ù ki am fə̂ŋ è wə̄n. Ghùw ù biigh bɔɔm ghəəŋ wò ko è bo an ndə̀m zə̀ ebo zəla ù ki am fə̂ŋ è wə̄n.

Matìo 5:8

Dzɔ̀ lò â ghì ghəla ghe ki fə̂ŋ tə̀ zɔlɔ to, tɔŋlo enyəa ghe lo kòʼò nǔ Zə̀ kò.

Kə̀fwàʼ 15:9

Ù n sùw màʼà sùghò bòo tə ghee bòʼ ghe gaʼ tsughu fə̀ŋ aŋ Kə̀lestò. Ù bàa yò kpiī wo sɛ̀ à ghê Tòʼò zò.

Kə̀fwàʼ 23:1

Pôl n sɔʼ lɛɛn ko ghì a kaŋsì enyə, dzɛ̀ â ghee enyəa, “Waazə̂ ghò, fə̀ŋ zaŋa ŋgee zɔlɔ nù an dziī zəla M̀ mughùu kɔʼ wo a te an sə kə Kəzə̀ alebùghò sə nɛ.”

Kə̀fwàʼ 24:16

Zən lò e ghee M̀ bughōo mùghò Ǹ nì kɔ̀ʼ mbāŋ kə te ko enyəa mùghò è ki ko fə̀ŋ è zɔ̀lɔ a zəŋò Zə̀ kò àsùghò a zəŋò ghì ghò.

Lumà 10:4

Tɔŋlo enyəa Kə̀lestò mafə bughò fwàʼ mɛ̀ʼɛ̀ fəgha kəla lâŋ kə fə̀ ki alefwàʼ, zən fə̀ lo aleghəŋlo enyəa mò à lò ko ndughoo ù boō fughu tsughu dzə̄ â wə̄n, Zə̀ kə n nì ghùw u te aŋ ghûw u tsəghtsəgha.

Lumà 12:9

E kuūm deē nduw nlò ləgha zo â ghì ghò. E baā nlò ghəa ghəla a dzɔ̂ɔ yo, tughu ndùw aleghəəŋ ghəa à dzûŋ ghò.

Lumà 14:15

Abugho e lo enyəa fəgha kəla ghù zəa kə fəmso wàazùghù, a fi lo enyəa ghù dèe yò ləgha zo â wə̄n aŋghəa ghù naam zəa ko fʉghazəa u te wo. Kà e ghəəŋ dzə enyəa fəgha kəla ghù zəa boōn maʼà ghùw mò Kə̀lestò maā bugho kpuw an tuw kə wə̄n

Lumà 9:1

Ghəa ghə̀là Ŋ̀ kə̂aa wo yò dzə agha, Ŋ̀ kə̂aa êsəŋò, tɔŋlo enyəa ghàʼ à Kə̀lestò lò kəfəgha kə̀ mɔ̀ʼ. Zuʼ tə̀ Zɔlɔ təla tə lo am fə̂ŋ zaŋa teso dzàa wò nù enyəa Ŋ̀ kaʼn yo gha gho.

1 Kòlentìan 13:1

Abugho Ǹ saʼ kaāŋ wô saʼà tə tənàʼà tò, bùghò sàʼ ndùw sùghò shwaʼ u tsətəndə̄ghā tə Kəzə̀, mò Ŋ̀ kuuwn ki yo ləgha zo a zəŋò ghì ghò, M̀ fi tsôo bùʼn sùghò mbɔ̀ŋ to mbəŋlo ŋkāa ŋgòm lò kuū.

2 Kòlentìan 1:12

Ghàʼ ghue e ghaŋso bòʼ enyəa fə̂ŋ taʼa tə zɔlɔ nù am mùghù zəla ghàʼ mughù fɛ a te am mbī aŋghəa ghàʼ ghəə̄ŋ sughò â ghɛ̀ an dziī è zɔ̀lɔ zəla Zə̀ kə̀ ləghaa, à yò dzə̀ an tɔ u ghì a mbī gho, à lò an daʼa kə dzɔ̀ e Kəzə̀.

Gàlashìan 5:22

Twam wəla Zuʼ tə̀ Zɔlɔ tə mʉā wo lò, eləgha, ebughunlo, ghue ù zumso wo, mwam ù dzûŋ wò, edzɔ̂ àsùghò səŋò zò,

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

1 Timotì 1:18

Timotì, ŋ wɛ, zuw lâŋ kə̀là M̀ fughu wô fɛ â ghù, tɔŋlo enyəa kə boom dzəəŋ nù ghèe fəgha kəla ghiīshʉ̀ghà a Kəzə̀ a fə̀ kə̂a naŋa kùu wò ghù. Nǐi kɔʼ tsʉ̂ e te zo tò ghɔŋ zə̀ghà an dzɔ̀ɔdzɔ̀ kə tsam chìa ghù ki aletə̄m.

1 Timotì 1:19

Tɔ̀ʼɔ teme tsughu ko aŋghəa ghù boo fughu a te â Yɛso, ghù kele tsughu sughò fə̀ŋ è zɔ̀lɔ. Ghî à li a lo nû ghe kôom buʼù kɔʼɔ̄ shiāa yo aleghə̂əŋ ghəa zəla e lô tsəghatsəgha, ghəa a te yia a ghəŋlo, ghe yia kôom yo aleboō fughu â Zə̀ kò.

1 Timotì 3:9

Ghe ki alekele tsughu fə̂ŋ tə̀ zɔlɔ to aŋghəa ghe boo fughu tsughu an tsʉ̀ zəla Zə̀ kə fə̀ nî dê fughu wo a ghee.

2 Timotì 1:3

M̀ fughuu kə̀zɔ̀ŋlò â Zə̀ kə̀là M̀ fwaʼā a tsəlà wə̄n am fə̂ŋ è zɔ̀lɔ, tò aŋghəa ghê bə̀ghà fə̀ ghəə̄ŋ tsəgha. M̀ fughuu zɔɔŋ kə wə̄n nəgha tən tə̀ dzə̀m abugho M̀ moʼn tsughu ghû aŋ gɔ̀ɔŋ zaŋa.

2 Timotì 1:5

Ǹ tâa mòʼn nù fə̀ŋ zəla ghù kùm gaʼ tsughu a zəŋò Kə̀lestò, tò aŋghəa zughù ù nǒo, tɔɔŋ Lōis ghèe zughùu, tɔɔŋ Yunìs fə̀ gaʼ sugho fə̀ŋ a te a zəŋò Kə̀lestò, yìa Ŋ̀ kwo enyəa ghù gàʼ sùghò fə̀ŋ êzə̀ a zəŋò Kə̀lèstò.

2 Timotì 2:22

Zə̀gha màʼà ghəa à biigh ghəla ghâŋ fə̀ ləghaa aleghəŋlo. E dəma ko enyəa fə̀ŋ zə̀ghà e lo a zəŋò Kə̀lestò, ləgaa àghì, mùghù alo ebughunlo, lò sugho tsəghatsəgha. E fwàʼà ndùw êzə̀ ghɛ̀ à ghê ghî ghəla ghe kûu dîi dzâa nduw ghəa a ghee gho â Mughu ù te am fə̀ŋ è zɔ̀lɔ.

Taetùs 1:15

Ghî ghə̀là ghe ki fə̂ŋ tə̀ zɔlɔ to, ghəa ghə̀n à dzə̀m zɔ̀lɔ nù â ghee. Yia a bughò ghəla ghe fwəlà luʼū to, boom fughuu ndùw sùghò yò, aghəa a dzə̀m â ghee lo à dzəa gho; tɔŋlo enyəa moʼnlò e ghee e bûʼ fwə̀n lò sugho nû, àsùghò fə̀ŋ tə ghee to.

Hibùlù 10:22

E lo enyəa sɛ̀ ki alendùw a vʉ̀a Zə̀ kò am fə̂ŋ è zɔ̀lɔ mo aŋ kùm bǒo fughu â wə̄n, am fəŋ təla a lo mo a n sùw zɔnso àsùghò alo eghùe mo a n sùw am mùghù n zɔ̀lɔ mò.

Hibùlù 13:18

E gɔŋlo nlò an tuw waʼā, nu ghàʼ kwo enyəa fə̂ŋ taʼa tə zɔlɔ nù, ghǎʼ yia dəma enyəa to ghàʼ mô zumso ghəəŋ ndùw ghəa ghəla a lô tsəghatsəgha aŋ ghəa ghən à dzə̀m.

Hibùlù 9:14

Kâŋ tə Kə̀lestò tə̀ ŋge tùghù tsə̀ghàtàʼà sə ghəa ghən a dzə̀m! Am bàm e Zuʼ tə Kəzə təla tə doʼò tən ù m fùghù ndùw ghue u wən an tuw u sɛ̀ tǒ fughu kəla kə kpe â Zə kò. Kâŋ tə wə̄n tə lo sûuw zɔnso fə̀ŋ tə sɛ̀ aŋ ghəa ghəla a nîi wô vʉ zo, enyəa to sɛ̀ e lo alefwaʼā Zə̀ kəla kə lo â tuw ko.

Dzɛ̂ms 4:8

Kuʼn kəŋo ndùw nlǒ a zəŋò Zə̀ kò, Zə̀ kə̀ lo kuʼ kəŋo wô sughò a zəŋò ghɛ̀. Səso nùghu nlò ghu kɛʼɛ ko aŋ ghə̀a à biigh gho, ghî à biigh ghən. Ghɛ̀ suw maʼa sugho nlò fə̂ŋ tɛʼɛ to a ghî a kə̀bàŋàdzə̀m ghən.

1 Pità 1:22

Ghəa e lô êzə̄ŋ enyəa səŋò zəla ghɛ̀ zoʼn kele kɔʼ ghɛ̀ yia bwiī a te ŋ ghɛ̀ sûw màʼà, ghɛ̀ yia ləghaa ghue zɛʼɛ zo tò waazə̂, e kuū ləghaa nlò ghue zɛʼɛ zo am fə̂ŋ è mɔ̀ʼ.

1 Pità 3:16

Kele tsugho nlò fə̀ŋ tə̀ zɔlɔ to, to enyəa abugho ghî a sûuwn ko ghɛ, ŋkāa teso bǒon mwam zɛʼɛ è dzûŋ zò am fwaʼ kɛʼɛ â Kə̀lestò, ghe n lo kelê tuw kə̀ dəla ko.

1 Pità 3:21

Fʉ̀ghàdzughù tən fɛ dêe mùghù ŋ Kə̀zə̀ məla ghe fughu â ghɛ̀, mìa m bəghaasəa ghɛ, mò à yò dzə̂ tǒ ghùw lò sûuw maʼn tsughu ghue wo a te; a kǔuwn lǒ dzì â ghɛ̀ aleto kətō am fə̀ŋ tə̀ zɔlɔ to â vʉ̀a Zə̀ kò. À ghɛ̀ êzə̄ŋ e bəghaasəa kpuūw kɔʼɔsə e Yɛso Kə̀lestò alo evʉ.

1 Pità 4:8

Ghəa è səŋò zəla e lo ghè zò lò enyəa, e ləghaa nlò ghue zɛʼɛ zo am fə̂ŋ e mɔ̀ʼ, bòʼ kwò enyəa à lò eləgha e tsəla nàlà ndə̀mà tə tə̀bòo tò.

2 Pità 1:7

Tò aŋghəa ghɛ̀ ki mwam e ghì a Kəzə gho, ghɛ̀ ki aleləghāa nduw kə̀chìa tò waazughù. Tò aŋghəa ghɛ̀ ləghaa kə̀chìa tò waazughù, ghɛ̀ ki aleləghāa ghî ghò a dzə̀m am fə̂ŋ e mɔ̀ʼ.

1 Dzɔ̌n 3:10

Zən lǒ ghəa zəla è dêe tsughuu enyəa wɛ a Kəzə̀ à lo nəŋo nəŋ a zəŋò wɛ a Satàn ghò: enyəa ghùw wəla ù ghə̂əŋ yò ghəa zəla e lô tsəghatsəgha, vʉ̀a ù ləghaa sughò yo wàazə̀, ù fi yo dzè wɛ u Kə̀zə̀.

1 Dzɔ̌n 3:23

Kən lo lâŋ kə̀là ù tsəghàsò tsughu enyəa: Aleboo fughu an zən e Wɛ ù wə̄n ù nùu, Yɛso Kə̀lestò, àsùghò enyəa sɛ̀ e ləghaa ghue e sɛ̀ zo, aŋghəa Kə̀lestò fə̀ dzɛ̂ naŋa.

1 Dzɔ̌n 3:3

À fi lo enyəa ghùw wəla ù chǐi tùʼ a zəŋò Yɛso, ù fi sūw zɔ̀nso tsughu ghue u wə̄n, tò aŋghəa Kə̀lestò zɔlɔ̄ a te tsɛʼɛ̀tsɛʼɛ̀.