Bìoball air-loidhne

1 Timotì 1:16 - To kə Kəzə̀ kə̀ Fughu ko

¹⁶ Zə̀ kə̀ ŋ kuuwn kwuso tsughu ese a zəŋò mùghò wəla mùgho fə̀ bûʼ bo tsəghà ko ghî à biigh gho a dzə̀m, aŋghəa Yɛso Kə̀lestò fə̀ kǔum maʼà tsughu ghue wo alebəghaasə mugho am bòo taŋa tǒ tsə̌a â ghî ghəla ghe naām ki aleboō fughu â wə̄n to ghe lo kelê mùghù èdoʼntəla zo.

Faic an caibideil Dèan lethbhreac

dol air ais ⬆

1 Timotì 1:16
37 Iomraidhean Croise

Lûk 15:10

M̀ fɛ dzàa wò nù â ghɛ̀ enyəa à bɔ̌ɔm lò sugho êzə̀ Tsə̀təndə̄ghā tə Kəzə̀ tə̀ duʼnlo abugho ghùw ù bǐigh u mɔ̀ʼ ti kuūwn kɔʼ am bòo tə wə̄n.”

Faic an caibideil

Lûk 23:43

Yɛso n dzɛ̀ ndùw â wə̄n enyəa, “M̀ fɛ kùum dzàa wò nù â ghù, nɛ, ghàʼ à ghù sò lò a dzə̀m alo Kəwālā.”

Faic an caibideil

Lûk 7:47

Zən lò e ghee, Ǹ so Ǹ dzâa wô â ghù an tə̀ŋ kə̀ è chi enyəa, ndə̀mà tə təbòo tə̀là ù tso bûʼ ki ko fɛ, mùghò n nì zə̀, zuŋufia, ù ŋge dê ləgha zo. Yia a bugho ghùw wəla ù dè mbeʼe fə eləgha fo, Zə̀ kə̀ bôo tə wə̄n tə zə̂a sùghò mbəs.”

Faic an caibideil

Dzɔ̌n 20:31

ghe ghəa ghən fɛ kuuwn tɔm naŋa aleghəə̄ŋ tsughu enyəa ghɛ̀ boo fughu enyəa Yɛso lǒ Kə̀lestò, Wɛ u Kə̀zə̀, àsùghò enyəa, am boo zɛʼɛ̄ to ghɛ̀ mo kele mughù zò an zən e wə̄n.

Faic an caibideil

Dzɔ̌n 3:36

Ghùw wəla ù boō fughu nduw â wɛ̀ ù te, ù ki mughù è doʼn təla zo, wəla ù zuūw yo â Wɛ̀ ù te, ù kè zə̀ yo tuw ko; nʉghà u Kəzə̀ ù pfʉa u kê kǔuwn dòʼn tə̀là an tuw kə wə̄n.”

Faic an caibideil

Dzɔ̌n 5:24

Kùmkùm, aŋghəa Ǹ dzâa wô fɛ â ghɛ̀, ghùw wəla ù zuw shwaʼ waŋa wo, boo fùghù ndùw â wə̄n wəla ù mò tum wô mugho lo kele nù mughù è doʼn təla zo, ghe kê dzùuw màʼn yǒ wə̄n; tɔŋlo enyəa ù n nùghù sə̀ wò alo evʉ̄, dòʼò wò â tuw ko.

Faic an caibideil

Dzɔ̌n 6:37

Ghî ghə̀n a dzə̀m Tsele ù te fughu â mùghò, lo bùghòo a vʉ̀a mùghò, ghùw wəla ù tso məghàa doʼò wô dzə ghàʼ à wə̄n, Ŋ̀ kê wə̄n dzûm nùghù yò;

Faic an caibideil

Dzɔ̌n 6:40

Tɔŋlo enyəa, kən lǒ to kə Bəghà, enyəa, ghùw wəla ù kôʼ tsughu Wɛ ù wə̄n ù nùu, vʉ̀a ù boō fughu nduw â wə̄n lo kele mùghù è doʼn təla zo, Ŋ̀ kê nîi nùghùsò kɔ̀ʼ wə̄n an tsuʼ fəla fə doʼò gûŋsò tsughu.”

Faic an caibideil

Dzɔ̌n 6:54

Ghùw wəla ù pfʉ nyòm è ùghùe zaŋā, mʉ̀ sùghò kàŋ taŋa ki mughùu zəla e doʼò tən, Ǹ lo ghəŋlo ù kpuūw kɔʼɔ̄sə̄ alo evʉ̄ an tsuʼ fəla fə doʼò gûŋsò tsughu;

Faic an caibideil

Kə̀fwàʼ 13:39

àsùghò enyəa ghùw wəla ù boō fughu tsughu â Zə̀ kò, Zə̀ kə m bəghasə tsughu wə̄n aŋ ghùu bòo tə̀n tə̀ dzə̀m lâŋ kə Musî kə̀ mò yô alezèe zəghàa wən a te.

Faic an caibideil

Lumà 15:4

Ghəa ghəla ghe fə̀ ki tɔm naŋa am Mwàʼsò kə Kəzə̀ fə̀ lo alefughuu sɛ̀ â tsʉ̀ zò, enyəa to tsʉ̀ e te e mô lo aleghəŋlo sɛ̀ e lo alekaā tsughu ezə, e dzəlà tsughu sugho fə̀ŋ tə sɛ̀ aŋghəa a chiī tùʼ a te am fəgha kəla Zə̀ kə fə̀ to naŋa â sɛ̀.

Faic an caibideil

Lumà 6:23

Ghɛ̀ kele tsughu enyəa, namso kəla ghùw kele am bo zəla ù ghəə̄ŋ tsughu lò evʉ, Zə̀ chia kə kuuwn tsôo ndzə̂əm fughuu ko mughù è doʼn təla zo am bàm e Kə̀lestò Yɛso, Mughùbè ù sɛ̀.

Faic an caibideil

1 Kòlentìan 7:25

Êzə̄ŋ kùu ndùw ghì ghəla ghe lo mo ghe kaām ghue zə ŋ kaam nì, Ŋ̀ ki dzə yo lâŋ kə Mughu ù te kə li ko a te, Ŋ̀ kuuwn dzàa wò kô mòʼn zaŋa tǒ ghùw Mughu ù te mò kwusō tsughu se zo enyəa ù dòʼò tsughu ghùw wəla a lô alegaʼ fə̀ŋ a te.

Faic an caibideil

2 Kòlentìan 4:1

Ghəa Zə̀ kə̀ kwusō tsughu se zo a zəŋò ghàʼ, fùghù wò ghàʼ â fwàʼ kən, fəgha kə̀ li kə yo dzə̂ alebughusô fwee zaʼā a te.

Faic an caibideil

Efɛsùs 1:12

To sɛ̀ ghəla a fə̀ lô ghî a kəsə gho alechiī tùʼ a zəŋò Kə̀lestò Yɛso è fughuu Zə̀ kò â kɔʼso mò bòʼ an səghanyəgha ŋ wə̄n.

Faic an caibideil

Efɛsùs 1:6

Sɛ̀ ki alefughuu Zə̀ kò â kɔʼso mò an dzɔ̀ e wə̄n e ne zəla ù ndzə̀əm dê wo â sɛ̀ am fwàʼ kəla Wɛ ù wə̄n ù tsuʼu fə̀ fwaʼ ghè kò.

Faic an caibideil

Efɛsùs 2:7

Zə̀ kə fə̀ ènyə ghəəŋ tsughu enyəa an tì kəla kə ki alebùghò, kə ke e lo aledè dzɔ̀ e wə̄n e ne zo an ləgha zəla kə lo mo kə n dè â sɛ̀ aŋghəa ù fə̀ ghəə̄ŋ tsughu enyəa sɛ̀ doʼò kə̀fəgha kə mɔ̀ʼ sɛ̀ à ghê Kə̀lestò Yɛso.

Faic an caibideil

2 Tɛ̀sàlonìan 1:10

Abugho ù kè bugho am tsuʼ fə tēfō, dzughu ghə e ke zuu ghî ghə̀n à dzə̀m ghe lo mo ghe m boo fughu à Zə̀ kò, ghe e fughuu wə̄n â kɔʼso mò. Ghuūghùe zɛʼɛ e ke lo aŋ bvʉa e ghee, ghɛ̀ sô lo mò ghɛ̀ maā boo fughu shwaʼ wəla ghǎʼ mò bughò dzɛ wo â ghɛ̀ kùu ndùw wə̄n.

Faic an caibideil

1 Timotì 1:13

Zə̀ kə̀ maā se zo a zəŋò mùghò kwuso aŋghəa e bûʼ lô ko enyəa M̀ mafə̄ wə̄n bûʼ sùuwn tsə̀ghà dzə̀, dzaŋso kaaŋ tsə̀ghà sùgho tsə̀təndə̄ghā tə wə̄n, bùʼ nòmso sùghò à liʼ gho, tɔŋlo enyəa kə mafə kele enyəa mùghò fə̀ ghəa ghən ghəŋlo an tuw kə e làʼsò.

Faic an caibideil

Hibùlù 7:25

Zən lò e ghee ù lò alebəghaasə aghî nəgha tən tə̀ dzə̀m, ghî ghəla ghe kuʼso nduw Zə̀ kò mo ghe tsəgha am bam e wə̄n, ghəa ù lǒ mò ù tso mughu tsəgha ko nû alebuʼ kəghu an tuw u ghee.

Faic an caibideil

1 Pità 3:20

Tɔ̂ɔŋ zwəŋso wəla u fə̀ tsughòsò maʼa dzə̀ è Kə̀zə̀ alebùghò tâa wô an tsuʼ fəla Nôa fə̀ bəgha kwə̀n ko. An ti kə̀ è chì, à fə̀ lo ko aghî èfaa ghe fə̀ zə tuw ko aŋ ghùu fʉ̀ghàdzughù tò, aŋ kwə̀n kə te ko.

Faic an caibideil

2 Pità 3:15

Kele tsughu nlò enyəa Mughu ù te naam ləmlo â ghɛ̀ enyəa ghɛ̀ boo fughu wo â wə̄n tò ghɛ̀ zə tuw ko. Ghəa ghən bɔɔm lò eghəla aŋghəa waʼāwāʼ Pôl fə̀ tɔm wô ghɛ̀ â mwàʼsò kò an tɔ wəla Zə̀ kə mò fughu â wə̄n.

Faic an caibideil

2 Pità 3:9

E kuuwn lò enyəa, Mughu ù te lɛso dzə̀ yo alelueso to kə wə̄n tò aŋghəa ghî à li a môʼnlo. Ù ləghaa yo enyəa to ghùw mò kwəlà sâŋlò. Ù kuuwn ləghaa enyəa to ghî à mô maʼà bòo tə ghee, ghe tiī kuwnlo.

Faic an caibideil

Lean sinn:

Ceanglaichean taic

Sanasan

Sanasan