1 Timotì 1:12 - To kə Kəzə̀ kə̀ Fughu ko

¹² M̀ fughu kə̀zɔŋlò â Mughùbè ù sɛ̀ wəlà ù mò fughu mugho â nùŋ wò aŋ ghəa ghən, bòʼ ù maā kôʼ tsughu enyəa Ǹ lo nû tsəghatsəgha, ù n nì kɔʼ mugho alefwàʼ fwàʼ kə wə̄n.

1 Timotì 1:12 Iomraidhean Croise

Matìo 20:4

ù n dzɛ̀ â ghee enyəa, Soʼ fwàʼa sùghò nlò an sum waŋā, Ǹ sô tsə̌a nù ghɛ â fəgha kəla kə kwuū ghəa zo. Ghe n sòʼ ndùw è sugho.

Dzɔ̌n 5:23

enyəa ghî ghə̀n à dzə̀m è fughuu nduw wɛ â kɔʼso mò aŋ ghəa ghəla ghe bɔɔ̄m kɔʼso sugho Tsele ù te a te. Ghùw wəla ù fughu yo wɛ â kɔʼso mò fi kɔʼso sùghò yo Tsele wəla ù tum wo wə̄n.

Kə̀fwàʼ 16:15

A m bùghò ghe bughò fughu tsughu wə̄n â mùghù ŋ Kə̀zə̀ mò ghèe ghê nùm à wɛ a ghee gho, ù n dzɛ̀ à ghàʼ enyəa, “Abugho ghɛ̀ kôʼ tsughu enyəa — Ǹ lo nû ghûw zɔ̀lɔ an sə kə Mughu ù te, ghɛ̀ m bùghò dòʼò alô mùghò an ndughu.” Ù ŋ ghəəŋ ko êzə̀, kɔɔŋ nùghù ndùw ghàʼ.

Kə̀fwàʼ 9:15

Mughu ù te m fwə̀n dzɛ̀ â wən enyəa, “Ndùw, nu mùghò ŋ wən shîaa enyəa ù dòʼò tsughu fəgha kə kəfwàʼ kaŋa enyəa ù bòʼò ndûw zən zaŋā a vʉ̀a Tòʼò zò àsùghò a vʉ̀a dwə̀ŋ wò àsùghò a vʉ̀a wɛ ghə Ezə̀lɛ̂ ghò;

Kə̀fwàʼ 9:22

Sôol n tsôo kèle kɔʼɔ mɛ̀ʼn ndùw ko kə̀daʼa, dèe fùghuu kɔʼɔ â Dzûu təla ghe mò mughu an Dàmaskùs enyəa Yɛso lò Ù tsùʼu, komso ndùw ghee.

1 Kòlentìan 15:10

M̀ fɛ kuuwn lò ko fəgha kəla Ǹ lo ghè kò bòʼ dzɔ̀ e Kəzə. Dzɔ̂ zəla Zə̀ kə mò dê wo â mùghò, kə ka mo sâaŋ màʼà dzə̀. Mùghò ŋ kòom kuuwn biso fwàʼ tsəghà tsùghu ghee a dzəm, à mò buʼ yo mugho, à mò lo dzɔ̂ e Kəzə zəla e lo a zəŋò mùghò.

1 Kòlentìan 3:5

Apolòs fi lo ndugho a? Pôl vʉ̀a ù lò ndugho a? Ghe ŋkɔ̂ɔ ghɛ̀ mò tsəghà tsughu a bàâ ghee alebùghò boo fughu â Kə̀lestò, mò chìa fə̀ fwaʼā nduw ko fəgha kela Mughu ù te mò fughu â wə̄n enyəa ù fwàʼ.

1 Kòlentìan 7:25

Êzə̄ŋ kùu ndùw ghì ghəla ghe lo mo ghe kaām ghue zə ŋ kaam nì, Ŋ̀ ki dzə yo lâŋ kə Mughu ù te kə li ko a te, Ŋ̀ kuuwn dzàa wò kô mòʼn zaŋa tǒ ghùw Mughu ù te mò kwusō tsughu se zo enyəa ù dòʼò tsughu ghùw wəla a lô alegaʼ fə̀ŋ a te.

2 Kòlentìan 4:1

Ghəa Zə̀ kə̀ kwusō tsughu se zo a zəŋò ghàʼ, fùghù wò ghàʼ â fwàʼ kən, fəgha kə̀ li kə yo dzə̂ alebughusô fwee zaʼā a te.

Gàlashìan 3:26

Tɔŋlo enyəa ghɛ̀ a dzə̀m lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso.

Gàlashìan 3:28

Ghɛ̀ a dzə̀m èzəŋ e lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso: nəŋò nəŋ è lì kôom yò dzə̂ a zəŋò ghùw ù Dzûu ghèe Tòʼò zò, ŋkāa, kəkɔ̂ ghèe ghùw wəla ù ndzə̀m mughu, ŋkāa a zəŋò wìnû ghèe wìzən.

Fèlepìan 2:11

Àsùghò enyəa, aghî a dzə̀m e ke dzâa səa wo an dzughu e tughō zo enyəa, Yɛso Kə̀lestò lǒ Mughu ù te. Ghe kê èzə ghəŋlo, ghe sô fughuu kɔʼso mò â Zə̀ kò, Tsele ù te.

Fèlepìan 4:13

Ŋ̀ ki nû sə̂ŋ e te zo alefwàʼ aghəa a dzə̀m an daʼa kəla Kə̀lestò fughu â mùghò.

Kòloshìan 1:25

À lò bòʼ dzeŋe kə ghì a Kəzə̀ kən, Zə̀ kə̀ naŋā mùghò enyəa N̂ doʼò ghùw ù kə̀fwàʼ wɛʼɛ a te, enyəa mùghò è kuū naʼ wo shwaʼ u Kəzə̀ wò.

1 Timotì 1:1

À mwàʼsò kən kə tɔm mugho Pôl. Zə̀ kəla kə bəghaasəa sɛ̀ ghèe Kə̀lestò Yɛso wəla a chiī tùʼ è sɛ̀ a zəŋò wə̄n fə̀ fughu mughu â daʼa ko enyəa mùghò e lo tum è Kə̀lestò Yɛso.

1 Timotì 1:11

Tsʉ̂ zən sə kɔʼ an làbəlà è dzùŋ zəla Ǹ zoʼn wô ghî gho a te — làbəlà è dzùŋ zəla Zə̀ kə̀ ghaʼa kəla ghî à kɔʼso fə̀ fughu wo â mùghò.

1 Timotì 1:2

M̀ mwàʼsò kən tɔɔ wò â ghù Timotì, tɔŋlo enyəa ghù kùum lǒ wɛ waŋa Ǹ nî sə kɔʼ wo am fə̀ŋ zəla sɛ̀ dzeŋe gaʼ tsughu a zəŋò Zə̀ kò. Ŋ̀ gɔ̂ŋlò enyəa to Kə̀zə̀, Tsele ù te ghèe Mughùbè ù sɛ̀, Kə̀lestò Yɛso mò dê ghù â se ghee è kwuso zo àsùghò dzɔ̀ e ghee zo, ghe fughuu sughò ghù â bughuun zo.

1 Timotì 6:13

M̀ fɛ êzəŋ e dzâa wò nù â ghù an sə kə Kəzə̀ kəla kə fughu mughù zò à fʉgha wə̄n wo ù dzə̀m, àsùghò an sə kə Kə̀lestò Yɛso wəla ù fə̀ ndzə̂əm kə̂aa ghəa gho an sə kə Pontios Paelɛ̀t, to ghùw wəla ù kwo səŋò zò,

2 Timotì 2:2

E zoʼn nduūŋ nduw zumso tə aghì tò aŋ ghəa ghəla ghù mo zuw mùgho mò kəaa an sə kə ndə̀mà tə aghì, aŋghəa ghe lô alezoʼn nduūŋ nduw ghî à li gho a te.

2 Timotì 4:17

À ŋ kuuwn lò ko enyəa, Mughu ù te fə̀ lo ghàʼ à wə̄n. Ù n dzə̀n tsughu mugho â sə̀ŋ zò enyəa to M̀ mô lò alenaʼn mɛʼn nduw làbəlà è dzùŋ è te, enyəa to tûu təla tə fə̀ lo a fughu; mò à yò dzə̂ Tə̀dzûu è lo alezūw. Zə̀ kə̀ fi baaŋ sə tsughu nû mugho an dzughu e kəbəgha.

Taetùs 1:4

M̀ mwàʼsò kən fɛ tɔɔ wò â ghù a Taetòs, ghù kùm lǒ wɛ waŋā ù sə̀ŋò bòʼ ghàʼ à dzeŋe boo fughu â Kə̀lestò Yɛso. Gɔ̂ɔŋ zaŋa e lo enyəa to Kə̀zə̀, Tsele ù te, àsùghò Yɛso Kə̀lestò wəla ù Bəghāasəā sɛ̀, mô fughu ghû â bughuun zo, à dzùŋù mò.

Filemùn 1:9

ghəa Ǹ sô ləghaa ghû, zə lo e ghee Ŋ̀ kuūwn buʼu wô ghû â ghu ko, mùghò Pôl tò noo kə te ko, kəla kə lô sugho ezəŋ an ndùghùtsaʼ aŋ ghəa e Kə̀lestò Yɛso.