1 Timotì 1:1 - To kə Kəzə̀ kə̀ Fughu ko

¹ À mwàʼsò kən kə tɔm mugho Pôl. Zə̀ kəla kə bəghaasəa sɛ̀ ghèe Kə̀lestò Yɛso wəla a chiī tùʼ è sɛ̀ a zəŋò wə̄n fə̀ fughu mughu â daʼa ko enyəa mùghò e lo tum è Kə̀lestò Yɛso.

1 Timotì 1:1 Iomraidhean Croise

Lûk 1:47

Fə̀ŋ zaŋa zə̀ èduʼnlo bòʼ Kə̀zə̀, ti usûŋ waŋa,

Lûk 2:11

Nɛ an tsuʼ u nɛ wən, ghe ŋ ghɛ̀ â tisûŋ dzə an naʼ e Dɛvìd mò à lǒ Kə̀lestò Mughu ù te.

Kə̀fwàʼ 9:15

Mughu ù te m fwə̀n dzɛ̀ â wən enyəa, “Ndùw, nu mùghò ŋ wən shîaa enyəa ù dòʼò tsughu fəgha kə kəfwàʼ kaŋa enyəa ù bòʼò ndûw zən zaŋā a vʉ̀a Tòʼò zò àsùghò a vʉ̀a dwə̀ŋ wò àsùghò a vʉ̀a wɛ ghə Ezə̀lɛ̂ ghò;

Lumà 1:1

À mwàʼsò kən kə tɔɔ wò mùghò Pôl kɔ̂ɔ fə Yɛso Kə̀lestò, à mo mugho shiāa kɔʼ Kəzə̀ enyəa Ǹ doʼò tum è Kə̀lestò Yɛso alezùghò Làbəlà e dzùŋ e wə̄n.

1 Kòlentìan 1:1

À lò mugho Pôl Ǹ tɔɔ̄ wo mwàʼsò kən ko â ghɛ̀. Zə kə̌ fə tsə̂m tsughu nû, kə n nì kɔ̀ʼ mugho enyəa Ǹ doʼò tsughu tùm è Kə̀lestò Yɛso. Ǹ lo fɛ ghàʼ à wàazə̀ waʼa Sɔ̀stɛ̂ns aŋghəa Ǹ tɔɔ̄ mwàʼsò kən ko.

1 Kòlentìan 9:17

Abugho M̀ mô fwàʼ kən kə fwaʼà enyəa à tsò tsəm kɔʼ ko mùghò, to ghe mô tsə̌a mùghò a te. Abugho à kuūwn lô enyəa à kà mùghò tsə̂m kɔ̀ʼ dzə̀, à fi lo enyəa M̀ fɛ fwàʼà fəgha kəla Mughu ù te fughu â mùghò enyəa mùgho è fwaʼā.

2 Kòlentìan 1:1

À lò mugho Pôl M̀ tɔɔ̄ wo mwàʼsò kən ko, mùghò wəla Zə kə tsə̂m tsughu enyəa Ǹ doʼò tùm è Kə̀lestò Yɛso. M̀ mwàʼsò kən fɛ tɔɔ wò mò Ǹ lo ghàʼ à Timotì, wàazə̀ ù sɛ̀. Ǹ tɔɔ wò â ghɛ̀ dzeŋe kə ghì a Kəzə̀ ghəla ghɛ̀ lo fi aŋ naʼ e Kɔ̀lênt, àsùghò ghì à Kəzə ghən à dzə̀m ghe lo an naʼ e Akayà.

Gàlashìan 1:1

À mwàʼsò kən kə tɔɔ wò mùghò Pôl, tùm è Yɛso Kə̀lestò. À kà mùghò shîaa kɔ̀ʼ dzə̀ ghî ghò ŋkāa à mùghò tum wò ghùw ù lì. À mùghò tsɔʼ sə̀ wò Yɛso Kə̀lestò ghèe Zə̀ kò, tɔɔŋ tsele ù sɛ̀ wəla ù fə̀ zôm nughù kɔʼ Yɛso alo evʉ̄.

Gàlashìan 1:11

Ǹ ləghaa enyəa ghɛ̀ kele tsughu enyəa làbəlà è dzùŋ zəla mùgho mò naʼà wo â ghɛ̀ a waazə̂ ghaŋa gho, a ka fə ghùw ù lì moʼn sə̀ kɔ̀ʼ dzə̀.

Kòloshìan 1:27

Zə̀ kə mò ləghaa enyəa ghe kele tsughu enyəa fɛ̀ɛn kə nàn kə eghəa kə wə̄n kən lò sugho â ghɛ̀ a Toʼò zò. Nàn kə eghəa kə te chia kə lo enyəa: Kə̀lestò lo ghɛ̀ à ghee. Ghəa ghən fɛ dèe enyəa ghɛ̀ lo kele sùghò nu kɔʼso mò tǒ Kə̀lestò.

2 Tɛ̀sàlonìan 2:16

Ghaʼ gɔ̂ŋlò enyəa to ghuūghùe u Mughùbè ù sɛ̀, Yɛso Kə̀lestò, ghèe Tsele ù te tɔɔŋ Zə̀ kə sɛ̀, ghe ghəla ghe mò ləgha sɛ̀, fughu tən sɛ̀ â tsə̀mso kə fə̂ŋ kəla kə doʼò tən, àsùghò moʼnlò è dzûŋ zò an dzɔ̀ e ghee,

1 Timotì 1:12

M̀ fughu kə̀zɔŋlò â Mughùbè ù sɛ̀ wəlà ù mò fughu mugho â nùŋ wò aŋ ghəa ghən, bòʼ ù maā kôʼ tsughu enyəa Ǹ lo nû tsəghatsəgha, ù n nì kɔʼ mugho alefwàʼ fwàʼ kə wə̄n.

1 Timotì 2:3

Ŋgòʼ è mùghù zən enyə; alegɔ̀ŋlò an tuw u àghì dzɔ̀ɔ nù, zəa e tsəmso sugho fə̀ŋ è Zə̀ kəla kə bəghaasəa ghî ghò.

1 Timotì 2:7

Zən lò eghee, ghe fə̀ tum sə wô mugho tǒ tum è Kə̀lestò àsughò wàdè alebwiī zoʼn wo Toʼò zo e te zo an làbəlà è dzùŋ zən àsùghò sə̀ŋò fəgha kəla kə lo êsəŋò kùu ndùw Yɛso. Ŋ̀ kaʼn yo gha gho Ǹ dzâa wò èsəŋò.

1 Timotì 4:10

Sɛ̀ dəmà nù, faan sùghò alekelê ghəa ghən bòʼ enyəa tùʼ è sɛ̀ chîi a zəŋò Zə̀ kəla kə mughu, tɔ̂ɔŋ Zə̀ kəla kə bəghaasəa ghî ghò a dzə̀m, a ka dɔ̂ɔm taŋ ghe ghəla ghe boo fughu tsughu â Wə̄n.

Taetùs 1:3

A m bùghò nəgha e Kəzə̀ è kpe tsughu, Kə ŋ ghəəŋ tsughu enyəa a kele làbəlà è wə̄n è dzùŋ zən zəla Ǹ naʼn wo. Kən lǒ fwàʼ kə̀là Zə̀ kəla kə bəghaasəa fughu wo â mùghò enyəa mùghò è fwaʼā.

Taetùs 2:10

ŋkāa kɔ̀ɔ mə̀ è ka e tsɔŋɔ sugho fʉgha u ghee wo. Ghe ki alekuūwn deē nduw mwam è dzûŋ zò an dziī zəla ghùw lò alegaʼ fə̀ŋ a zəŋò ghee, to ghî ghə̀ è koʼo tɔɔ wo mwam e ghee è dzûŋ zò, ghî a te ghə e ləghaa alezəəŋ shwaʼ u Bəghambī ù sɛ̀, Kə̀zə̀.

Taetùs 2:13

Ghàʼ ndzəmà chìi tùʼ aŋghəa ghàʼ ləə̄m tsuʼ ù ne wəla a kwo enyəa Yɛso Kə̀lestò lo bùghòo a te aŋ ghùe u kədə̀ŋ. Yɛso Kə̀lestò wən lo Zə̀ kə sɛ̀ kə̀ ghaʼa ko àsùghò Bəghambī ù sɛ̀.

Taetùs 3:4

A m bùghò ghe kuūwn dê tsughu sɛ̀ â dzɔ̀ e Zə̀ kəla kə bəghaasəa sɛ̀, à ləgha e Wə̄n zo,

Taetùs 3:6

Zə̀ kə fə̀ sɛ̀ â Zuʼ tə̀ Zɔlɔ tə te tə ŋge fughu wò bòʼ Yɛso Kə̀lestò, Bəghambī fə̀ bughò kpuw an tuw u sɛ̀,

1 Pità 1:21

À lò am bàm e Kə̀lestò e ghəŋlo enyəa ghɛ̀ gaʼ fə̀ŋ a zəŋò Zə̀ kò; tɔ̂ɔŋ Zə̀ kəla kə fə̀ zôom nughu wo wə̄n alo evʉ, naŋa kɔʼ wə̄n alo nsəghanyəgha enyəa to boo zɛʼɛ àsùghò moʼn zɛʼɛ zə e lo a zəŋò Zə̀ kò.

1 Pità 1:3

Sɛ̀ ki alefughuu zɔ̀ɔŋ ko â Zə̀ kò, Tselè ù Mughùbè ù sɛ̀, Yɛso Kə̀lestò. Bòʼ ghəa ù kwuso se zo a zəŋò sɛ̀, vʉ̀a ù ghəŋlo enyəa sɛ̀ è mughu mughù è fughu zo, aŋghəa ù fə̀ zôm nughù kɔʼ Yɛso Kə̀lestò alo evʉ. Zə̀ lò e ghee sɛ mughu, chìi tùʼ enyəa sɛ̀ lo kele mùghù è doʼn təla zo.

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.

1 Dzɔ̌n 4:14

Sɛ̀ ŋ kòʼ, yia a teso dzàa sùghò enyəa, Tsele n tùm wǒ Wɛ ù wə̄n ù nùu enyəa ù bùghò bəghāasə̄ mbī.

Dzûd 1:25

Ŋkɔʼso n dzə̀m n lò â Zə̀ kəla kə bəghasə̄ sɛ̀ am bàm e Yɛso Kə̀lestò Mughùbè ù sɛ̀. Ŋkɔʼso, udwaʼa u dzə̀m àsùghò fɔe u kədə̀ŋ ù lo u wə̄n wo alo tənə̀gha tə dzə̀m, an nəghà zən êzə̄ŋ àsùghò to mbī kê bugho mîaa. Zə e lo ko êzə̀.