1 Kòlentìan 8:3 - To kə Kəzə̀ kə̀ Fughu ko

³ Abugho ghùw kuūwn ləghaa Zə̀ kò, Zə̀ kə ŋ kwo wə̄n.

1 Kòlentìan 8:3 Iomraidhean Croise

Matìo 7:23

Ŋ̀ kê daŋso dzâa mgbaāŋ səā ndûw â ghee enyəa, ‘Ŋ̀ kwo tsəgha yo ghɛ; nùghu nlò a vʉ̀a mùghò, ghî à biigh ghən.’ ”

Dzɔ̌n 10:14

Ǹ lo bàʼàtə̀ndzì ù dzùŋ, Ŋ̀ kwo nû ndzì taŋa to, ndzì taŋa tia tə kwo sughò mugho.

Dzɔ̌n 21:17

Yɛso ŋ kòom bvʉ kpeʼe ndùw â wə̄n alendùw sə alo tənə̀gha tə təgha enyəa, “Sàemòn, wɛ ù Dzɔ̌n, ghù lə̀ghaa nù mugho a?” Tuw kə m kpuw Pità aŋghəa Yɛso mgbɛɛ̄ bvʉa ko wə̄n â ghəa è mɔʼɔ zo alekɔʼɔ sə alo tənəghā tə təgha enyəa, “Ghù lə̀ghaa nù mugho a?” Ù m bɛ̀lɛ̀ ndùw wə̄n enyəa, “Mughu ù te, ghù kwò aghəa a dzə̀m; ghù vʉ̀a ghù kwo sugho enyəa Ǹ ləghaa nù ghû.” Yɛso n dzɛ̀ ndùw â wə̄n enyəa, “E lɛnlo â ndzì taŋa to.”

Lumà 11:2

Zə̀ kə̀ kâ ghì a wə̄n ghəla kə fə̀ ki shiāa to mbī e kaʼā tsughu tue màʼà dzə̀, ŋkāa ghɛ kwo yo fəgha kə̀là mwàʼsò kə Kəzə̀ kə̀ dzaā kuu ndùw Elaedzà a, aŋghəa ù fə̀ dîi tsû u wə̄n wo a te â Zə̀ kò kùu ndùw ghì ghə Ezə̀lɛ̂? Ù n dzâa tsùghu enyəa,

1 Kòlentìan 13:12

Fəgha kəla sɛ̀ koʼò êzəŋ tsô lò ko tò vʉʉn kə kəzəŋso alo kəlùŋgɛ̀lɛ; a lo daŋso bughò koʼò dzəə̄ŋ kàʼ mə̀ esʉ̄ sɛ̀ à ghê Kə̀lestò. Fəgha kəla Ŋ̀ kwo êzəŋ kùu ndùw Kə̀lestò nǎam lò ko kəkə̂m; Abugho ù laʼà bugho ebàm, Ǹ lo bùghò kèle mɛ̀ʼn kɔ̀ʼɔ nù ghəa a te gho tò aŋghəa Zə̀ kə̀ tɔ̂ʼ kwo mugho a te.

1 Kòlentìan 2:9

Aŋghəa e bûʼ lô ko êzə̀, ghe tɔm naŋa am Mwàʼsò kə Kəzè enyəa, “Fəgha kəla sə e lo mo e kaām kôʼ, ŋkāa tuūŋ kə lo mo kə ka n zuw sùghò, ŋkāa fəŋ è ghùw lǒ mò è kaam kele, à lò fəgha kəla Zə kə naŋā â ghì ghəla ghe ləghaa wə̄n.”

Gàlashìan 4:9

Yia a kuuwn bughò êzəŋ wəla ghɛ̀ kele tsughu Zə̀ kò, ŋkāa aŋghəa Zə̀ kə̀ kwo ghɛ, ghɛ̀ lo ênzə̂n alekòom nughù ndûw èbàm a vʉ̀a bvùʼù mə̀ nzə̀a ŋ kə̀nughùnùghù məla n saʼā mbī zən a, alendùw doʼò kpeʼe ndûw ukɔ̀ u gheē a?

2 Timotì 2:19

Bəghàan kəla à kuūwn kuʼ kɔʼ Zə̀ kò, fəgha kə̀ li kə yo alenòʼsò, ghe yia tɔm naŋā a te enyəa, “Zə̀ kə̀ kwo nû ghî ghə̀là ghe lo a wə̄n gho.” Àsùghò enyəa, “Abugho à lò ko ndughoo ù kwo dzə̂ enyəa e lo wɛ ù Mughu ù te, ù ki aletiī zəghàa maʼà ghəa à biigh gho.”

Dzɛ̂ms 1:12

Dzɔ̀ lǒ â ghùw wəla ù ka tsughu zə zo abugho ghəa a mɔ̂msò kaāŋ wə̄n, tɔŋlo enyəa abugho ù ghaʼ tsughu ghəa a te gho, ù lo zə e tsɛlɛ̀ aŋghəa Zə̀ kə fə̀ to naŋā â ghì ghəla ghe ləghaa wə̄n.

Dzɛ̂ms 2:5

Waazə̂ ghaŋa gho, tiso kɔʼ nlò tuw ko edzūŋ, Zə̀ kə̀ kâ shìaa ghî ghəla ghe laā fɛ am mbī enyəa ghe e kuuwn lo ghî à kuu gho aŋghəa ghe gaʼ tsughu fə̀ŋ a zəŋò Zə̀ kò. À lǒ ghee ghe lo ki alezə fɔe wəla Zə̀ kə fə̀ to naŋā â ghì a wə̄n ghəla ke ləghaa.

1 Pità 1:8

Ghəa ghɛ̀ lo ko mò ghɛ̀ kaam wə̄n m bûʼ kòʼ, ghɛ̀ yia ləghaa wə̄n, alekòom nîi tsughu sughò, ghəa ghɛ̀ koʼò ko yo wə̄n, ghɛ̀ yia naām boō fughu ko â wə̄n. Ghɛ̀ yia ki duʼnlo è ne zo àsùghò tsoʼn zəla ghùw buw aletɔ̀ʼɔ̀ teso dzɛ̂.

1 Dzɔ̌n 4:19

Sɛ̀ ləgha e fɛ ki aŋ ghùe e sɛ̀ bòʼ Zə̀ kə̀ fə̀ ləgha wo dzə̄ sɛ̀ esə̄.

1 Dzɔ̌n 4:7

Fən ghaŋa gho, bùghò nlò to sɛ̀ è ləghaa ghue e sɛ̀ zo, nu à ghə̌əŋ tsughuu Kə̀zə̀ enyəa sɛ̀ è ləghaa ghue è sɛ̀ zò. Ghùw wəla ù ləghaa wàazə̀ kwo nù Zə̀ kò, vʉ̀a ù lò sugho wɛ ù Kəzə̀.

Edêe Fughu 2:13

“Ŋ̀ kwo nû luʼù kəla ghɛ̀ mùghù a te, a fia ndàŋ è kə̀də̀ŋ è Satàn lǒ. Ghɛ̀ těe tən tsughu ko an zən zaŋā, ghɛ̀ ŋ kè tuū maʼà boo zəla ghɛ̀ ki â mùghò aŋghəa ghe fə̀ tso bûʼ wi ko Antipàs, a fia Satàn mùghu. Antipàs fə̀ lo ghùw waŋa ù tùghu ù fə̀ teso dzâa ghəa ghaŋa gho â ghî ghò am fə̂ŋ e wə̄n e dzə̀m.

Edêe Fughu 2:19

“Ŋ̀ kwo nû ghəa ghə̀là ghù ghəəŋ ghè ghò, kwo ləgha zəla ghù ki, kwo boo zəla ghù boō fughu tsughu, kwo fwàʼ kə̀a, kwo sugho fə̀ŋ zəla ghù kɔlɔ tsughu; kùmkùm, êzə̄ŋ èbàm ghù m bùʼ fwàʼ tsə̀ghà fəgha kə̀là ghù fə̀ bûʼ fwâʼ sûesʉ.

Edêe Fughu 2:9

“Ŋ̀ kwo nû tsû wɛʼɛ wo àsùghò aŋghəa ghɛ̀ laa a te (dèe êzə̀ mò ghɛ̀ kuuwn kuu nù aŋ ghəa a Kəzə̀). Ŋ̀ kwo sugho nû shwaʼ ù biigh wəla ghî ghəla ghe dzɛ̂ enyəa ghe lo ghî a Tə̀dzûu, mo ghe yo dzə̂ kəa kaŋlō an tuw wɛʼɛ. Ghe lo ghî ndùghùne e Satàn.