1 Kòlentìan 4:2 - To kə Kəzə̀ kə̀ Fughu ko

² Ghəa zəla ghe ləghaa â ghì ghəla ghe naŋa tsughu enyəa ghe e lɛnlo â ghəa ghən gho lo ko enyea, ghe ki alefwàʼ â Mughùbè ù ghee am fə̂ŋ e ghee a dzə̀m.

1 Kòlentìan 4:2 Iomraidhean Croise

Matìo 25:21

Mughùbè ù wə̄n n dzɛ̀ â wə̄n enyəa, ‘Ghù n nyɔ̀ʼ fwàʼ, ghù lǒ ghùw ù kə̀fwàʼ ù dzùŋ to a e naŋa aŋ ŋgòʼ; ghù n sə fən kwu kele dzɔ̀, Ǹ naaŋ ghù êzəŋ tò ghù e lɛnlo â ndə̀m. Nyə wò tò ghɛ̀ à mughùbè wùa saŋlo.’

Matìo 25:23

Mughùbè ù wə̄n n dzɛ̀ à wə̄n enyəa, ‘Ghù n nyɔ̀ʼ fwàʼ, ghù lǒ ghùw ù kə̀fwàʼ ù dzùŋ to a e naŋa aŋ ŋgòʼ; Ǹ naaŋ nù ghû êzə̄ŋ, ghù è lɛɛn ndə̀m, tɔŋlo enyəa ghù n sə fən fə kwu kele dzɔ̀; nyə wò tò ghɛ̀ à mughùbè wùa saŋlo.’

Lûk 12:42

Mughu ù te fi dzɛ̂ nù enyəa, “À kǔuwn lò kɔ̂ɔ fə̀ dzûŋ fə̀ ghɛ fo, fə ti an tɔ u wə̀n à, mughùbè u wə̄n lo alenìi naŋā tsughu wə̄n tò kə̀tuw an ndughu enyəa ù è bɔɔm fughuu nduw kɔ̀ɔ n lì mən â fʉ̀ghàzəa wo an nə̀gha e ghee è zəa zo a?

1 Kòlentìan 4:1

Ghî à ki aleniī ghaʼ tǒ ghî a kəfwàʼ a Kə̀lestò ghe naŋā tsughu enyea ghe e teso dzaā wo səŋò zəla a nân dòʼò aŋ ghəa a Kəzə.

1 Kòlentìan 4:17

Zən lò e ghee Ǹ dzɛ̂ enyəa Ǹ tuu wò nù Timotì, wɛ waŋā ù tsùʼu wəla ù gaʼ fə̀ŋ a zəŋò Mughu ù te, ù zə̂əŋ wô ghɛ̀ an dzìi taŋā tə ghəəŋ tə aghəa to aŋ ghəa M̀ fwaʼa â Kə̀lestò, aŋ ghəa Ǹ zoʼn kaŋlo an luʼū ten tə dzəm an ndzweŋe u ghì a Kəzə̀ wən u dzə̀m.

1 Kòlentìan 4:3

Yia a bugho mugho, Ǹ dòʼò nǎaŋ yo tuūŋ ko enyəa ghɛ̀ saʼa mùghò, ŋkāa à lo ghî à nughù gho e ghe saʼā mugho; m buʼù saʼa sùghò yò ghue waŋa wo.

1 Kòlentìan 7:25

Êzə̄ŋ kùu ndùw ghì ghəla ghe lo mo ghe kaām ghue zə ŋ kaam nì, Ŋ̀ ki dzə yo lâŋ kə Mughu ù te kə li ko a te, Ŋ̀ kuuwn dzàa wò kô mòʼn zaŋa tǒ ghùw Mughu ù te mò kwusō tsughu se zo enyəa ù dòʼò tsughu ghùw wəla a lô alegaʼ fə̀ŋ a te.

2 Kòlentìan 2:17

Ghàʼ yo dzə̄ tò ndə̀m è ghì a mbòʼkùm ghəla ghe nî shwaʼ u Kəzə̀ wò zəa a te, ghəa Zə̀ kə̀ kuūwn tum sə wô ghaʼ, ghàʼ kə̂aa wò shwaʼ waʼa ù səŋo wò an sə kə wə̄n tǒ kɔ̀ɔ ŋ Kə̀lestò n sə̀ŋò mò.

2 Kòlentìan 4:2

Ghàʼ n tùe màʼà ghəa à dəla a kətūw gho àsùghò ghəa a kələ̄m gho, ghàʼ tue nû alebəla kaŋlo an tɔ u aghì, ghàʼ fwəlà sùghò yò shwaʼ u Kəzə̀ wò. Ghəa ghàʼ laām kə̂aa səā wô êsəŋò enyə an ndɛ, ghàʼ ghəŋlo an sə kə Kəzə̀ enyəa ghî ghə̀n à dzə̀m kele tsughu enyəa ghàʼ ki nû kɛɛ wo.

Kòloshìan 1:7

À mò ghɛ â Dzɔ̀ e Kəzə̀ zən teso dzɛ wo Epafəlàs. Ù lǒ ghùw ù kə̀fwàʼ wəla ghàʼ à ghee dzeŋe fwaʼà a dzə̀m a ŋgeē ləghaa. Ù lǒ ghùw, ù fwàʼa â Kə̀lestò am fə̂ŋ è wə̄n e dzə̀m an tuw u sɛ̀.

Kòloshìan 4:17

Ghɛ̀ dzɛ nduw â Achippùs enyəa, ù ghəəŋ tsughu, ù kùum fwaʼ mɛʼɛ̄ fwàʼ chia Mughu ù te mò fughu â wə̄n enyəa ù e fwaʼā.

Kòloshìan 4:7

Tàekikùs, tɔɔŋ wàazə̀ waʼa wəla a ŋgeē ləghaa, wəla ghàʼ a ghee dzeŋe fwaʼa â Mughu ù te fɛ, vʉ̀a ù gaʼ sugho fə̀ŋ am fwàʼ kə wə̄n, lo teso dzàa mɛ̀ʼn wò nù ghɛ̀ â ghəa gho a dzə̀m kùu ndùw mughù zaŋa fɛ.