1 Kòlentìan 3:3 - To kə Kəzə̀ kə̀ Fughu ko

³ Tɔŋlo enyəa ghɛ̀ naam mùghù ko làŋà kə e mùghù kə ghì a mbī gho. Abugho ghɛ̀ mʉʉ̄n ghue zɛʼɛ zo, buu kəŋgè alo eghùe e fi mgbaŋa dèe ko enyəa ghɛ̀ lo ghî a mbī gho, ghɛ̀ yia ghəə̄ŋ sughò ghəa ghəla ghî a mbī a ghəə̄ŋ kaŋlo.

1 Kòlentìan 3:3 Iomraidhean Croise

Lumà 13:13

To sɛ̀ mô nyòʼn ghəəŋ ndùw aghəa tò ghî ghəla ghe mughu an tsə̂, mò à yò dzə̂ alo kələ̄m. Sɛ̀ ki dzə yo alendùw an lùʼu təla ghe mʉa kala lʉ̀ mò a te, ghəəŋ sùghò ghəa à nuūŋ gho fughu, ŋkāa ki sugho yo alemughu dzə̀adzə̀ kə emùghù ko, ŋkāa alebwiī baā kaaŋ tsəgha ghəa gho, ŋkāa aleki mʉ̌ʉn ko.

1 Kòlentìan 1:10

M̀ buʼu kə̀ghu â ghɛ̌ a waazə̂ ghò, an zən e Mughùbè ù sɛ̀ Yɛso Kə̀lestò, enyəa ghɛ̀ a dzəm kele tsughu dzə e mɔ̀ʼ, ghɛ̀ ka ndzughùun dòʼò dzə̀ aŋ ghùe zɛʼɛ̄, ghɛ̀ laam doʼō tsughu fəgha ko kə mɔ̀ʼ am fə̂ŋ e mɔ̀ʼ, ghɛ̀ è naaŋ ko dzughu zo e mɔ̀ʼ a lo eghəa.

1 Kòlentìan 1:11

Ŋ̀ ghəa ghən gho enyə dzàa wò â ghɛ̀ a waazə̂ ghaŋa gho bòʼ ghî à li gho an kɔn u Kəlôes ghə̀ n dzɛ̀ â mùghò enyəa ghɛ̀ zughùu zěe aŋ eghùe zɛʼɛ.

1 Kòlentìan 11:18

Ghəa e sûesʉ e lo enyəa, Ǹ zuw enyəa abugho ghɛ̀ bughò zûuŋ wô ghue zɛʼɛ zo tò dzeŋe kə ghì a Kəzə̀, ghɛ̀ n ndzughùun lò kaaŋ tsəgha alo eghùe. mùghò m fəm tò mùghò è boō mɛʼɛ̀ ghəa a te gho enyəa à lò êsəŋò.

1 Kòlentìan 3:4

Tɔŋlo enyəa abugho ghùw dzɛ̀ tsughu enyəa, “Ǹ lo ghùw ù Pôl.” Ù lòʼ wən dzɛ̀ tsughu enyəa, “Ǹ lo ghùw ù Apolòs.” E fi mgbàŋ yò ko enyəa ghɛ̀ tsô lò ko tò ghî a mbī gho a?

2 Kòlentìan 12:20

M̀ fɛ tsəŋo enyəa abugho Ǹ lo bugho fì, Ǹ lô bughò koʼò ghɛ mò ghɛ̀ yo dzə̂ fəgha kə̀là M̀ moʼò enyəa ghɛ̀ lo ghè kò, ghɛ̀ koʼ kɔʼ sugho mugho mò Ǹ yo dzə̂ fəgha kə̀là ghɛ̀ mô ləghaa enyəa mùghò è lo ghè kò. Ǹ tsəŋo enyəa Ǹ lô bughò koʼò wo mò ghɛ̌ yia zughūu, mʉnlo èghue, pfʉso nnə̀ghà alo eghùe, kùmè alo eghùe, màʼn kǎaŋ tə̀nùʼ alo èghue, màʼn kǎaŋ tə̀fom alo eghùe, kɔʼso èghue, sòʼò kǎaŋ sùghò ùtsù.

Gàlashìan 5:15

Abugho ghɛ̀ chuūwn kaāŋ ghue zɛʼɛ zo alo tədzə̀, pfʉa sùghò àsɔŋ aŋ ghùe zɛʼɛ̄, nǐ nlò ghôom zò, ŋkāa ghɛ̀ lo dzuw maʼa mɛʼɛ̄ ghue zɛʼɛ zo.

Taetùs 3:3

M̀ fɛ dzàa tɔŋlo enyəa an tì kə̀ li ko ghue e ughùe e sɛ̀, sɛ̌ fə̀ buʼ lo ghî à laʼso gho, sɛ̀ n zuuw yo â Zə̀ kò, ghəəŋ boon sùghò àghəa, ghe n sè məŋso sùghò sɛ̀, sɛ̀ m fə̀n dòʼò ndùw ùkɔ̀ a bâa fʉgha u mbī wo. Sɛ̀ m mughu aŋ kə̀f kə ebō, ki sugho kəmʉ̀nlo am fʉgha ù aghì. A m bâa ghì ghə̀n àdzə̀m, ghî ghə̀n à dzə̀m m bâa sùghò sɛ̀.

Dzɛ̂ms 3:16

Tɔŋlo enyəa abugho mʉ̌ʉn kə lô alo kəlùʼu, ghî yia a moʼn kaŋlo enyəa to à mò tsə̀ghàsə ko ghee a zəŋò ghì à li gho, luʼū kə te kə n lo waʼn kə kəlùʼu, ghə ŋ ghəəŋ kaaŋ sùghò ŋgòʼ tə aghəa tə̀ biigh tən tə̀ dzə̀m a fughu.

1 Pità 4:2

A m bùghò ù ghəŋlo êzə̀, ù n lo alemùghù mùghù è wə̄n e dzə̀m am mbī aŋghəa Zə̀ kə̀ ləghaa, mò à yò dzə̂ aŋghəa gwən e ughùe è ləghaa.