1 Kòlentìan 2:3 - To kə Kəzə̀ kə̀ Fughu ko

³ Mùghò n lo sɛ̀, tsəəŋ təla ko enyəa aŋ ghùu tsəŋ zo enyəa Ǹ lo tɔ̀ʼɔ̀ fwàʼà dzɔ̀ɔ yǒ fwàʼ kaŋa ko.

1 Kòlentìan 2:3 Iomraidhean Croise

Kə̀fwàʼ 17:1

A m bùghò Pôl ghèe Saelàs tsə̀ghasə wo Amfipolès àsùghò Àpòlonìa, ghe n sə̀ wò an Tɛ̀sàlonikà, mò ndùghùne è ghì a Dzûu lǒ fughu.

Kə̀fwàʼ 18:1

A m bùgho ghəa ghən tsəghà tsughu, Pôl n zə̀ghaa tsùghu Atɛ̀ns, nùghu ndùw an naʼ e Kɔlèent.

Kə̀fwàʼ 18:12

A n ndùw bùghò Galìo bùghò doʼò tsughu tuw ko am mbùʼ è Àkaeyà, Dzûu tə̀ n nùghù maŋkwu kɔʼ Pôl, sè wò wən aŋ kaŋsì,

Kə̀fwàʼ 18:6

A m bùghò ghe sô komso wə̄n a fughu, sùuwn sùgho wə̄n a fughu, ù n zə̀ghàsò màʼà tsùghù kəgbə̂n an ndzʉ tə wə̄n, aledèe tsughu enyəa e fɛ nyuʼu dzə̀m â ghee. Ù n dzɛ̀ â ghee enyəa, “Vʉ zɛʼɛ e lɛɛn ko ghɛ̀, ghu kaŋa kə yo a te. Alenùghù tsughu êzə̄ŋ ndùw â sə ko, Ǹ lô ghəa gho êzəŋ nduw kəaa â Tòʼò zò.”

2 Kòlentìan 10:1

À lò ghuūghùe waŋā Pôl, Ǹ zumso buʼū wô ghu ko â ghɛ̀ an zən e Kə̀lestò wəla ù bughunlō, zʉ̀ lò sugho; mùghò wəla ghî a li a kə̂aa kaŋlo enyəa, abugho Ǹ ti an sə kɛʼɛ̄ mùghò n tsəŋlo, mùghò ŋ kuuwn ki fə̀ŋ abugho Ǹ nughù nduw!

2 Kòlentìan 10:10

Ghî à li a dzɛ̀ enyəa, “Shwaʼ wəla ù tɔɔ̄ am mwàʼsò u wə̄n u dəlà nù, tɔɔn sùghò, abugho ù kuūwn ti aŋ ghùe u wə̄n an sə kə sɛ̀ ù n tsəŋlo, shwaʼ u wə̄n wə ŋ kwuu yo ghəa zo.”

2 Kòlentìan 13:4

Aŋghəa ghe mò bûʼ təghàa ko Kə̀lestò mò ù kì yo daʼa ko, vʉ̀a ù kuuwn lô â tuw ko an daʼa kə Kəzə̀. Ghàʼ ki sugho yo daʼa ko aŋghəa ghàʼ lo alo kəfəgha kə mɔ̀ʼ ghàʼ à ghee, yia a bugho aŋ ghəa zɛʼɛ̄, ghàʼ lo doʼn wò â tuw ko ghàʼ à ghee an daʼa kə Kəzə̀.

2 Kòlentìan 13:9

Tɔŋlo enyəa ghàʼ duʼn nù abugho ghàʼ lɛɛ̄ ghɛ̀ yia kuūwn tughūu. Fəgha kə̀là ghàʼ gɔ̂ŋlo a te lo enyəa to ghɛ̀ mən tsughu aŋ ghəa e Kə̀lestò.

2 Kòlentìan 4:1

Ghəa Zə̀ kə̀ kwusō tsughu se zo a zəŋò ghàʼ, fùghù wò ghàʼ â fwàʼ kən, fəgha kə̀ li kə yo dzə̂ alebughusô fwee zaʼā a te.

2 Kòlentìan 4:16

Zən lò e ghee fəgha kə̀ li kə yo dzə̂ alebughusô fwee zaʼā a te. Ghəa ghue waʼa wə̄n fɛ a beē laā nduw, Zə̀ kə̀ tsôo kǔuwn fughuu tsə̀ghà ko ghàʼ â mùghù e fughu zo tsuʼu mən n dzə̀m n dzə̀m.

2 Kòlentìan 6:4

Ghàʼ kuuwn kɛɛ kô ghue zaʼa tǒ kɔ̀ɔ ŋ Kə̀zə̀ aŋ ghəa ghaʼā à ghəəŋ gho a dzə̀m; am fə̂ŋ zəla ghàʼ kɔlɔ tsughu ghè zò an tsù wəla ghàʼ koʼ, kòʼ ghəa à tughu gho, kòʼ à bìigh gho,

2 Kòlentìan 7:15

Ləgha zəla ù ki a zəŋò ghɛ̀ e noom ndùw nù aŋghəa ù mòʼn dzə̂ ghəa ghə̀là ghɛ̀ mò bɔɔ̄m ləə̄m ko alezūw â wə̄n àsùghò aŋghəa ghɛ̀ mò kpenī wə̄n a te aŋ ghùe è tsəəŋ zo.

2 Kòlentìan 7:5

Ghəa ghǎʼ fə bûʼ nyə wô ko am Màsɛ̀donìa, a ka fə dɔ̀m zʉ̀ʉn ghue zo, tsû wə̀ n tsô lò kaaŋ ko a zəŋò ghàʼ bâa tə̀ dzə̀m — ghàʼ n nuum ndùw èghue an ushwāʼ a fɛ a beē, ki etsəŋ alo təfə̀ŋ.

Efɛsùs 6:5

 ghɛ a kɔ̂ wò, e zuuw nduw nlo â ghê mughùbè ghɛʼɛ ghəla ghɛ̀ ki fɛ aŋ ghueekətsə̄, ghɛ̀ e tsəŋo ghee, fughuu sughò ghee â kɔʼso mò, fwàʼà nduw â ghee am fə̂ŋ è zɔ̀lɔ̀ tò ghɛ̀ fwaʼa â Kə̀lestò.