1 Kòlentìan 1:2 - To kə Kəzə̀ kə̀ Fughu ko

² Ŋ̌ mwàʼsò kən kə tɔɔ wò â dzeŋe kə ghì a Kəzə ghəla ghe lo an naʼ e Kɔ̀lênt, ghɛ̀ ghî ghəla ghe fə̀ sûw tsughu ghɛ enyəa ghɛ̀ e lo fəgha ko kə mɔ̀ʼ ghèe ghê Kə̀lestò Yɛso aŋghəa Zə̀ kə fə̀ ghəŋlo enyəa ghɛ̀ doʼo ghî a wə̄n à zɔlɔ gho, ghɛ̀ à ghê ghì ghən à dzəm an lùʼù tən tə dzəm ghe tɔɔ̄ŋ tsughuu zən e Mughùbè Yɛso Kə̀lestò zò, tɔɔŋ Mughùbè ù sɛ̀ àsùghò ù ghee.

1 Kòlentìan 1:2 Iomraidhean Croise

Kə̀fwàʼ 10:36

Ghɛ̀ kwo nû tum zəla ù fə̀ tum nduw â ghì ghə Ezə̀lɛ̂ ghò, tsʉ̀a ndùw àghì aŋ ghəa ghe lô alekele èbughunlo a te am bàm e Yɛso Kə̀lestò (ù lò Mughùbè ù ghì ghə̀n à dzə̀m).

Kə̀fwàʼ 15:9

Ù n sùw màʼà sùghò bòo tə ghee bòʼ ghe gaʼ tsughu fə̀ŋ aŋ Kə̀lestò. Ù bàa yò kpiī wo sɛ̀ à ghê Tòʼò zò.

Kə̀fwàʼ 18:1

A m bùgho ghəa ghən tsəghà tsughu, Pôl n zə̀ghaa tsùghu Atɛ̀ns, nùghu ndùw an naʼ e Kɔlèent.

Kə̀fwàʼ 22:16

Ghù sò èzəŋ e kôom lə̌əm zēe ndùw kwò à? Nùghu kɔʼɔ̀ to ghe fughuu tsughu ghû a mùghù ŋ Kə̀zə̀ mò, ghù suw maʼa tsughu bôo tə̀ghà tò, mò ghù gɔ̀ɔŋ ndùw â Mughu ù te.’ ”

Kə̀fwàʼ 26:18

Ghù kì aletsʉ̄ sə a ghee, ghù ni nughu sə wo ghee alo kələ̄m, ghù naŋa sə wo an tsə̂, ghù ni nughu tsughu sugho ghee aŋ ghu kə Satàn, ghù ni wo ghee a vʉ̀a Zə̀ kò, to abugho ghe lo gaʼ tsughu fə̂ŋ tò a zəŋò mùghò, a lo ghuūw māʼà kɔʼ bôo tə ghee, ghe nîi kɔʼ bala e ghee am bvʉa e ghì ghə̀là Zə̀ kə̀ shîaa kɔʼ.’ ”

Kə̀fwàʼ 9:13

Anànîas ŋ kuuwn bɛ̀lɛ̀ tsùghù enyəa, “Mughubè, mùghò n zwɔ̀ŋ u tûw wən u ŋge zuw am bo zəla ù lǒ mò ù n dè â ghì ghə̀a ghò an Yɛ̀lusalɛ̀m.

Kə̀fwàʼ 9:14

Ù fɛ lo mò ù daʼa kə nî wò aŋ ghùu fɔ̀e tə̀ tughu to alekwuu kɔlɔ̄ tsughuu ghî ghəla ghe fughuu ghû â kɔʼso mò.”

Kə̀fwàʼ 9:21

Dzughu zə n zûu ghì ghə̀n à dzə̀m ghe mò zəə̄n shwaʼ u wə̄n wo, ghe m bvʉ enyəa, “Wən mgbàŋ yǒ ghùw wəla ù mò ndzaŋsō kaāŋ ghî ghəla ghe tɔɔŋ tsughuu zən e Yɛso zò an Yɛ̀lusalɛ̀m à? To ù fɛ mgbaŋ bùghò enyəa e bughò kwuū kɔlɔ̀ tsughu ghee e nìi ndûw fughu â fɔ̀e tə̀ tughu to a?”

Lumà 1:7

Mwàʼsò kən kə tɔɔ wò â ghɛ̀ yì a dzə̀m a fi am mbùʼ è Lumà Zə̀ kə̀ ləghaa, tsɔʼ kɔʼ ghɛ enyəa ghɛ̀ doʼo ghî a wə̄n gho. Ŋ̀ gɔ̂ŋlò enyəa to Kə̀zə̀, Tsele ù sɛ̀ ghèe Mughu ù te Yɛso Kə̀lestò mò dê ghɛ̀ â dzɔ̀ zò, ghe fughuu sugho ghɛ̀ â bughuun zo.

Lumà 10:12

Tɔŋlo enyəa, abugho e bugho aŋ ghəa a zəa a kətuw gho, nə̀ŋònəŋ è li yo a zəŋò ghì a Tə̀dzûu ghò àsùghò Tòʼò zò. Ghe dzeŋe ki ko Mughu ù te u mɔ̀ʼ, ù lo Mughùbè ù ghee, vʉ̀a ù mwàʼa â ghì ghəla ghe gɔ̂ɔŋ nduw â wə̄n.

Lumà 3:22

Zə̀ kə̀ ghəŋlo enyəa ghî à dòʼò tsəghatsəgha a vʉ̀a wə̄n abugho ghe boō fughu tsughu â Yɛso Kə̀lestò. Zə̀ kə̀ ghəŋlo enyə â ghì ghən a dzə̀m ghe boō fughu â Yɛso Kə̀lestò, mò nəŋo nəŋ yo a te

Lumà 8:28

Sɛ̀ kwo nû enyəa alo aghəa a dzə̀m, Zə̀ kə̀ fwaʼa ko alekòʼ enyəa ghî ghəla ghe ləghaa wə̄n e mugho dzɔ̄. Ghən lò ghî ghə̀là kə̀ fə̀ tɔŋɔ̄ aleghəŋlo enyəa ghəa ghəlà kə mò fôʼ naŋa a bughò sə êzə̀.

1 Kòlentìan 1:30

Nu à lò Kəzə̀ kə fughuu ghɛ â mùghùu zəla ghɛ̀ mughu alo kəfəgha kə mɔ̀ʼ ghɛ̀ à ghê Kə̀lestò Yɛso. Zə̀ kə̀ ŋ ghəən tsughu enyəa sɛ̀ e ki tɔ wo am bàm e Yɛso. Yɛso ŋ ghəəŋ tsughu enyəa sɛ̀ e lo tsəghatsəgha a sə kə Kəzə̀ àsùghò enyəa sɛ̀ e lo ghì a Kəzə̀ à zɔlo gho, zùe sè sùghò tuw u sɛ̀.

1 Kòlentìan 10:32

Kà e ghəŋlo enyəa fəgha kəla ghù zəa doʼò tsù ù li wo â Dzûu tò ŋkāa â Tòʼò zò ŋkāa â dzeŋe kə ghì a Kəzə ghò.

1 Kòlentìan 12:27

Êzə̄ŋ ghɛ̀ fɛ lǒ tò gwən e Kə̀lestò, chìa vʉ̀a ù lò nduw ko nyùŋ kə ughùe kò kə mɔ̀ʼ aŋ gwən e te zo.

1 Kòlentìan 8:6

 sɛ̀, à lò ko Kəzə̀ kə mɔ̀ʼ, Tsele ù te, wəla fʉgha wən ù dzəm sə aŋ ghùu wə̄n, sɛ̌ yia lô sugho mò à lǒ wə̄n, àsùghò Mughu ù te u mɔ̀ʼ mò à lò Yɛso Kə̀lestò wəla Zə̀ kə fə̀ gbə̂n wo fʉgha wo u dzə̀m am bàm e wə̄n, sɛ̌ yia mughù sugho mo a lo am bàm e wə̄n.

2 Kòlentìan 1:1

À lò mugho Pôl M̀ tɔɔ̄ wo mwàʼsò kən ko, mùghò wəla Zə kə tsə̂m tsughu enyəa Ǹ doʼò tùm è Kə̀lestò Yɛso. M̀ mwàʼsò kən fɛ tɔɔ wò mò Ǹ lo ghàʼ à Timotì, wàazə̀ ù sɛ̀. Ǹ tɔɔ wò â ghɛ̀ dzeŋe kə ghì a Kəzə̀ ghəla ghɛ̀ lo fi aŋ naʼ e Kɔ̀lênt, àsùghò ghì à Kəzə ghən à dzə̀m ghe lo an naʼ e Akayà.

2 Kòlentìan 4:5

Ghàʼ fɛ kə̀aa dzə̀ yò ghəa a ghùe ghaʼā gho; ghàʼ kə̂aa wò ghəa a Yɛso Kə̀lestò, enyəa ù lò Mughù ù te, ghǎʼ yia kuūwn lo kɔ̀ɔ mɛʼɛ mò aŋ ghəa e Yɛso.

Gàlashìan 1:2

Ghî à kəzə̀ à li ghəla ghe lô fɛ ghàʼ à ghee yia fughuu wô sughò ghɛ â tɔɔŋ zo. Ŋ̀ wàʼsò kən kə tɔɔ wò â ghɛ̀ ghî yìa ghɛ̀ lo an dzweŋe u ghì a Kəzə̀ a fì èzə̀ am mbùʼ è Gàlashìa.

Efɛsùs 5:26

Ù fə̀ enyə ghəəŋ tsughu enyəa dzeŋe kə ghì a Kəzə̀ kò dòʼò fəgha kə̀ ba ko an daʼa kə shwaʼ u wə̄n aŋghəa ù fə̀ nî kɔʼ ghee sùw sə kɔʼ alo mmùghu.

1 Tɛ̀sàlonìan 1:1

À mwàʼsò kən kə tɔɔ wò mùghò Pôl, ghàʼ à ghê Timotì àsùghò Saelàs â ghɛ̀. Ghǎʼ mwàʼsò kən kə tɔɔ wò â ghɛ̀ dzeŋe kə ghì a Kəzə̀ ghò an naʼ e Tɛ̀sàlonikà; ghɛ̀ lo ghî a Kəzə̀ tɔɔŋ, Tsele ù te ghèe Mughùbè Yɛso Kə̀lestò. Gɔ̂ɔŋ zaʼa e lo enyəa, to Zə̀ kə̀ mô dê ghɛ̀ â dzɔ̀ e wə̄n zo, kə fughuu sughò ghɛ̀ â bughuun zo.

1 Tɛ̀sàlonìan 4:7

Zə̀ kə̀ ka mo sɛ̀ tɔŋɔ dzə̀ enyəa a bugho mughù mùghù è dzəa zo, à mò laam lo enyəa a bughò mughù mùghù è zɔlɔ zo.

2 Tɛ̀sàlonìan 1:1

À mwàʼsò kən kə tɔɔ wò mùghò Pôl, ghàʼ à ghê Timotì àsùghò Saelàs â ghɛ̀ yia ghɛ̀ lo mò ghɛ̀ m boo fughu â Zə̀ ko, Tsele ù te ghèe Yɛso Kə̀lestò fi an Tɛ̀sàlonikà. Ghàʼ fughuu wô ghɛ̀ â tɔɔŋ zo.

1 Timotì 2:8

Ǹ ləghaa enyəa yînû ghə̀ e gɔŋlo abugho ghî à bughò zùuŋ dòʼò tsughu an dzeŋe kə ghì a Kəzə̀, aghî mo ghe m fughu ghue e ghee zo â Zə̀ kò, mo ghe lo nû alekele kɔʼ ghu a ghee edzuŋ abugho ghe gɔ̂ŋlo mò nə̀ghà m pfʉa yo ghee ŋkāa mo ghe baaŋ yo fom to a te.

1 Timotì 3:15

abugho M̀ bûʼ loʼn ko nû mò Ŋ̀ kâ mba bùghò, ghɛ ŋ kwo aŋghəa ghɛ̀ lo alenaŋso ghuw kə ebwìi kɛʼɛ ko a te am bvʉa zɛʼɛ, ghî a Kəzə̀, mò à lò dzeŋe kə ghì a Kəzə̀, Zə̀ kəla kə mughu, nyə̀la kəla kə nyə̂n kele səŋò zò.

2 Timotì 1:9

Zə̀ kə mò bəghasə̄ sɛ̀, tɔŋɔ wò sɛ̀ enyəa sɛ̀ è mughu mùghù è zɔlɔ zo. Zə̀ kə ka fə enyə ghəəŋ dzə̀ bòʼ ghəa e è dzuŋ è li zo sɛ̀ fwaʼ â wə̄n. À fə̀ enyə lo ko aŋghəa Zə kə̀ ki fôʼ naŋa aleghəŋlo bòʼ dzɔ̀ e wən zəla kə ki â sɛ̀ mo kə tsəghà tsùghù a zəŋò Kə̀lestò Yɛso.

2 Timotì 2:19

Bəghàan kəla à kuūwn kuʼ kɔʼ Zə̀ kò, fəgha kə̀ li kə yo alenòʼsò, ghe yia tɔm naŋā a te enyəa, “Zə̀ kə̀ kwo nû ghî ghə̀là ghe lo a wə̄n gho.” Àsùghò enyəa, “Abugho à lò ko ndughoo ù kwo dzə̂ enyəa e lo wɛ ù Mughu ù te, ù ki aletiī zəghàa maʼà ghəa à biigh gho.”

2 Timotì 2:22

Zə̀gha màʼà ghəa à biigh ghəla ghâŋ fə̀ ləghaa aleghəŋlo. E dəma ko enyəa fə̀ŋ zə̀ghà e lo a zəŋò Kə̀lestò, ləgaa àghì, mùghù alo ebughunlo, lò sugho tsəghatsəgha. E fwàʼà ndùw êzə̀ ghɛ̀ à ghê ghî ghəla ghe kûu dîi dzâa nduw ghəa a ghee gho â Mughu ù te am fə̀ŋ è zɔ̀lɔ.

Hibùlù 10:10

Zə̀ kə n tsə̀m tsughu alesùuw maʼà bòo tə sɛ̀, kə ŋ ghəəŋ tsughu enyəa Yɛso Kə̀lestò fughuu kɔʼ ghue u wə̄n an tuw u sɛ̀, ù fughuu təla ko êsəŋò.

Hibùlù 13:12

Yɛso mò fɛ fala kpuw sugho a beē kə ghɔŋ wə enaʼ alesùuw maʼà tsughu bôo tə aghì aŋ kàŋ tə wə̄n.

Hibùlù 2:11

Yɛso ghèe ghê ghì ghəla ù sùw maʼà tsughu bǒo tə ghee to dzeŋe ki tsele u mɔ̀ʼ. Zən lò e ghee ù dənso yô tuw ko aletɔɔŋ nduw ghee enyəa ghe lo waazə̂.

Dzûd 1:1

À mwàʼsò kən kə tɔɔ wò mùgho Dzûd, mùghò wàazə̀ Dzɛ̂ms, yìa Ǹ lô kɔ̂ɔ fə Yɛso Kə̀lestò fò; M̀ mwàʼsò kən kə tɔɔ wò â ghî ghən a dzə̀m Zə̀ kə̀ tɔŋɔ aŋ ləgha e wə̄n, ghe yia mughù sugho a tsəlà Yɛso Kə̀lestò.

Edêe Fughu 19:16

Ghe n tɔm naŋa an ndzʉ tə wə̄n àsùghò am bì kə wə̄n enyəa, “Də̀ŋ kə udwə̀ŋ àsùghò Mughu wəla ù tsə̀ghàsə ghê Mughubè a dzə̀m.”