1 Kòlentìan 1:1 - To kə Kəzə̀ kə̀ Fughu ko

¹ À lò mugho Pôl Ǹ tɔɔ̄ wo mwàʼsò kən ko â ghɛ̀. Zə kə̌ fə tsə̂m tsughu nû, kə n nì kɔ̀ʼ mugho enyəa Ǹ doʼò tsughu tùm è Kə̀lestò Yɛso. Ǹ lo fɛ ghàʼ à wàazə̀ waʼa Sɔ̀stɛ̂ns aŋghəa Ǹ tɔɔ̄ mwàʼsò kən ko.

1 Kòlentìan 1:1 Iomraidhean Croise

Lûk 6:13

Ghəa tsuʼ u zuw tsughu, ù n tɔŋɔ tsughu tsə̀təndə̄ghā tə wə̄n, shìaa sə̀ wò ghee eghə̄m à ghè ghò a bə̀ghà. Ù ŋ ŋgɔ̄m tsughu tə te to enyəa à lò tətsoʼ.

Dzɔ̌n 15:16

À kà nùghù ghɛ shîaa wò mùghò, à kǔuwn laam lò mugho n shîaa kɔʼ ghɛ, fughu tsughu ghɛ̀ a daʼa ko enyəa ghɛ̀ nduw fwaʼ nduw fwaʼ kə̀ dzûŋ kò, àsùghò enyəa fwàʼ kɛʼɛ kə lo doʼò tən, to zə e lo enyəa mò ghùw wɛʼɛ bvʉ ko kə̀ kwò aŋ â Tsele u te an zən zaŋā, Tsele ù te mò è fughu.

Dzɔ̌n 20:21

Yɛso n dzɛ̀ kpèʼe ndùw â ghee enyəa, “Bughuun zə e lo ghɛ̀ à ghee. Ghəa bəghà mò tum wô mugho, à lò sugho eghala Ǹ tuū səaa ndûw ghɛ.”

Kə̀fwàʼ 1:15

An tsùʼu n te mò ko, ghəa ghe zûuŋ wô tsuʼ ù li wo (ghe fə̀ dzeŋe lo bɔm fə aghì à ghì ghò ghuūghûw), Pità n nùghù těe è kɔʼ, dzɛ̀ tsùghù enyəa,

Kə̀fwàʼ 1:2

bùghò tɛ̀ wò tsuʼ fəla ghe mò nî kɔʼ nduw wə̄n alo kəwālā, mo daʼa kə Zuʼ tə̀ Zɔlɔ kə ŋ wən ghəəŋ tsughu ù m fùghù tsùghù dzə̀ ètsʉ̀ â tum tə wə̄n təla ù fə̀ shîaa kɔʼ.

Kə̀fwàʼ 18:17

Ghe m fwə̀n nùghù kwu kɔʼ Sɔ̀stɛ̂ns, tûw wəla ù mò lô tuw ko an ndùghùne fughu, bu wən fughu an sə kə kaŋsì. Galìo ŋ kè tsoō naŋā kə̀tuŋlō a te.

Kə̀fwàʼ 22:21

Mughu ù te n dzɛ̀ â mùghò enyəa, ‘Nùghu ndùw, nu Ǹ so Ǹ lɔʼsō tuū nùghù ndûw ghù a vʉ̀a Tòʼò tò.’ ”

Lumà 1:1

À mwàʼsò kən kə tɔɔ wò mùghò Pôl kɔ̂ɔ fə Yɛso Kə̀lestò, à mo mugho shiāa kɔʼ Kəzə̀ enyəa Ǹ doʼò tum è Kə̀lestò Yɛso alezùghò Làbəlà e dzùŋ e wə̄n.

Lumà 1:10

Yìa Ŋ̀ gɔ̂ɔŋ zeē sughò enyəa to Zə̀ kə̀ mò ghəəŋ tsughu enyəa Ŋ̀ ŋgəmso bughò tɛ̂ fi a vʉ̀a ghɛ̀.

Lumà 1:5

À lò am bàm e wə̄n Zə̀ kə̀ mò dê mughò â dzɔ̀ e wə̄n zo, nì kɔ̀ʼ mugho an tum e wə̄n aŋ ghəa e Kə̀lestò, aleghəŋlo enyəa aghî an nàʼa ten tə dzə̀m, am mbī mô boo fughuu ndûw â Kə̀lestò, ghe e zuuw sugho â wə̄n.

1 Kòlentìan 15:9

Nu am fwàʼ kə tum tə Kə̀lestò, Ǹ lo wɛ̂ɛtùghuu a zəŋò tum to tə dzəm, mò Ŋ̀ kâ bùʼ kɔ̀ʼkpē to ghe e tɔŋɔ enyəa à lǒ tum è Kə̀lestò, bòʼ mùgho mò ndzaŋso kaaŋ tsəgha dzeŋe kə ghì a Kəzə̀.

1 Kòlentìan 3:9

Tɔŋlo enyəa ghàʼ lo ghî a kəfwàʼ ghàʼ dzeŋe fwaʼā â Zə kò, ghɛ̀ yia kuūwn lô sum u Kəzə wò. Ghɛ̌ yəa lô sugho ndughu è Kəzə.

2 Kòlentìan 1:1

À lò mugho Pôl M̀ tɔɔ̄ wo mwàʼsò kən ko, mùghò wəla Zə kə tsə̂m tsughu enyəa Ǹ doʼò tùm è Kə̀lestò Yɛso. M̀ mwàʼsò kən fɛ tɔɔ wò mò Ǹ lo ghàʼ à Timotì, wàazə̀ ù sɛ̀. Ǹ tɔɔ wò â ghɛ̀ dzeŋe kə ghì a Kəzə̀ ghəla ghɛ̀ lo fi aŋ naʼ e Kɔ̀lênt, àsùghò ghì à Kəzə ghən à dzə̀m ghe lo an naʼ e Akayà.

2 Kòlentìan 11:5

Ghî ghəla ghe toō ko num enyəa à bìso lǒ ghee tum tə Kə̀lestò to, Ŋ̀ kwo dzə yo enyəa ghə̂an fə̀ li fə lo nû ghe tsə̀ghàsə mugho a te.

2 Kòlentìan 12:12

Ghəa mùgho mò lo fì sɛ̀, mùghò n zumso tsughu ughue, dè wò tə̀tsə̌a, nsə̀ghàa, fwàʼ sùghò kɔ tə aghəa aledèe tsughu enyəa Ǹ lo tùm è Kə̀lestò è sə̀ŋò.

2 Kòlentìan 8:5

Ghe ŋ ghə̂əŋ ghəa ghən an dziī zəla ghǎʼ mò buʼù moʼn yo ghe zò, fùghù ndùw dzə̀ ghue e ghee â Mughu ù te, daŋso fùghù wò â ghàʼ, aŋ ghəa Zə̀ kə̀ ləghaa.

Gàlashìan 1:1

À mwàʼsò kən kə tɔɔ wò mùghò Pôl, tùm è Yɛso Kə̀lestò. À kà mùghò shîaa kɔ̀ʼ dzə̀ ghî ghò ŋkāa à mùghò tum wò ghùw ù lì. À mùghò tsɔʼ sə̀ wò Yɛso Kə̀lestò ghèe Zə̀ kò, tɔɔŋ tsele ù sɛ̀ wəla ù fə̀ zôm nughù kɔʼ Yɛso alo evʉ̄.

Efɛsùs 1:1

À mwàʼsò kən kə tɔɔ wò mùghò Pôl, mùghò tum è Kə̀lestò Yɛso zəla Zə̀ kə̀ mò tsɔʼ kɔʼ. M̀ mwàʼsò kən kə tɔɔ wò â ghɛ̀ ghî a Kəzə̀ ghəla ghe gaʼ tsughu fə̂ŋ tɛʼɛ to â Zə̀ kò am mùghù zɛʼɛ àsùghò aŋghəa ghɛ̀ lo alo kəfəgha kə mɔ̀ʼ ghɛ̀ à ghê Kə̀lestò Yɛso an naʼ zə Efɛsùs.

Efɛsùs 4:11

À lǒ wə̄n ù fə̀ fughu dwaʼa u te wo â ghì ghò enyəa, ghî à li gho e lo tum to, à li gho e lo ghiīshʉ̀ghà a Kəzə̀ ghò, à li gho e lo ghê èfɔɔŋgele, à li ghə̀ e lo ghî ghəla ghə lɛnlo à ghî a Kəzə̀ ghò lò sugho ghê wàdè.

Kòloshìan 1:1

À mwàʼsò kən kə tɔɔ wò mùghò Pôl tum è Kə̀lestò Yɛso zəla Zə̀ kə̀ mò shîaa kɔʼ. M̀ mwàʼsò kən kə tɔɔ wò mò Ǹ lo ghàʼ à wàazə̀ ù sɛ̀ Timotì.

1 Timotì 1:1

À mwàʼsò kən kə tɔm mugho Pôl. Zə̀ kəla kə bəghaasəa sɛ̀ ghèe Kə̀lestò Yɛso wəla a chiī tùʼ è sɛ̀ a zəŋò wə̄n fə̀ fughu mughu â daʼa ko enyəa mùghò e lo tum è Kə̀lestò Yɛso.

1 Timotì 2:7

Zən lò eghee, ghe fə̀ tum sə wô mugho tǒ tum è Kə̀lestò àsughò wàdè alebwiī zoʼn wo Toʼò zo e te zo an làbəlà è dzùŋ zən àsùghò sə̀ŋò fəgha kəla kə lo êsəŋò kùu ndùw Yɛso. Ŋ̀ kaʼn yo gha gho Ǹ dzâa wò èsəŋò.

2 Timotì 1:1

À lò mughu Pôl, tùm è Kə̀lestò, Ǹ tɔm wo mwàʼsò kən ko. À mò tsəm tsughu Kəzə̀, kə n tsɔʼ kɔʼ mugho enyəa Ǹ doʼò tùm è Kə̀lestò Yɛso. Kə n tùm sə̀ wò mùghò alezùghò naʼà wô to kəla kə fə̀ to naŋā â sɛ̀ enyəa sɛ kê kelê mùghù è doʼn təla zo aŋghəa sɛ̀ lô fəgha ko kə mɔ̀ʼ sɛ̀ â ghê Kə̀lestò Yɛso.