1 Dzɔ̌n 5:7 - To kə Kəzə̀ kə̀ Fughu ko

⁷ A lò aghəa à təgha a teso dzâa ghəa gho enyəa Yɛso lǒ Wɛ ù Kəzə̀:

1 Dzɔ̌n 5:7 Iomraidhean Croise

Matìo 17:5

Ghəa ù naām kə̂a ghəa gho, ghe mo ekôʼ fə̀màfə̀m kə nyəghaan kə mbàʼ kə̀ li kə m bvʉ̀ tsə̀n tsughu ghee, dzə̀ è lì n dzɛ̀ sə wòʼ fughu am mbàʼ enyəa, “Wən lǒ wɛ waŋa Ŋ̀ gaʼ fə̀ŋ a zəŋò wən Ŋ̀ ŋgee duʼn nù ghàʼ à wə̄n; e zuuw nduw nlò â wə̄n.”

Matìo 18:16

Abugho ù dòʼŋkè kuūwn zuw ghû, ghù n ndùw kə̀ŋ wo ghùw u mɔ̀ʼ ŋkāa a bə̀ghà enyəa mò à lò eghəa, ghî ghə̀ n ti a te a bə̀ghà ŋkāa a təgha.

Matìo 28:19

Ndǔuw ko nlò êzə̄ŋ, ghɛ̀ è ghəəŋ nduw enyəa ghî ghə̀ è doʼn wo tsə̀təndə̄ghā taŋa to an nàʼà tə̀n tə̀ dzə̀m. Abugho ghe boō fughu tsughu, ghɛ̀ è fughuu nduw ghee â mùghù ŋ Kə̀zə̀ mò an zən e Tsele ù te, àsùghò an zən e Wɛ̀ ù te, àsùghò an zən Zuʼ tə̀ Zɔlɔ to.

Dzɔ̌n 1:1

To mbī e kaʼ Shwaʼ wən fə̀ lo nû, Shwaʼ u te u fə̀ lo ghèe Zə̀ kò, Shwaʼ u te wə n lo Kəzə̀.

Dzɔ̌n 10:30

Ghàʼ à bə̀ghà lò alo kəfəgha kə̀ mɔ̀ʼ.”

Dzɔ̌n 12:28

Tsele, děe tsughu daʼa kə̂a kò.” Dzə̀ n daŋso sə̀ tsùghù wò alo kəwālā, dzàa tsùghu wò enyəa, “Mùghò n dè, Ǹ naam ki nû aledèe kpeʼe.”

Dzɔ̌n 14:17

À lǒ wə̄n Zuʼ təla tə dêe fughu səŋò zò kùu ndùw Kə̀zə̀. Ghî a mbī yo dzə̂ alekpeē nî wə̄n bòʼ ghe yo alekòʼ wə̄n ŋkāa ghe kwo yo wə̄n. Yia a bughò ghɛ, ghɛ̀ kwo nû wə̄n bòʼ ù lǒ ghɛ̀ à ghee, vʉ̀a ù kè lô a zəŋò ghɛ̀.

Dzɔ̌n 15:26

Abugho ghùw wəla ù lo dêe ghɛ â dzì lo bugho, wəla Ǹ nîi kɔʼɔ aŋ ghùu Bə̀ghà, Ǹ tuū wô â ghɛ̀, tɔɔŋ Zuʼ tə̀ Zɔlɔ to, à lǒ wə̄n ù teso dzâa wô fəgha kə̀là Ǹ lo ghè kò.

Dzɔ̌n 5:26

Nu ghəa Tsele ù te bɔɔ̄m ki mughùu zò a zəŋò wə̄n, vʉ̀a ù m boo sùghò enyəa Wɛ̀ kele tsughuu sughò èmùghùu a zəŋò wə̄n,

Dzɔ̌n 8:18

Ǹ teso dzàa wò ghəa a ughùe ghaŋa, Tsele waŋā wəla ù tum wô mugho vʉ̀a ù ti sugho ghàʼ à wə̄n.”

Dzɔ̌n 8:54

Yɛso m bɛlɛ̀ tsùghù enyəa, “Abugho M̀ mô sô Ŋ̀ kɔʼso ghue waŋā, à yò dzə̂ ghəa è li zo, à lò Bəghà ù kɔʼso mugho, wəla ghɛ dzɛ̂ enyəa à lo Zə̀ kɛʼɛ.

Kə̀fwàʼ 2:33

Zə̀ kə̀ ŋ wən kɔʼso naŋa, vʉ̀a ù lò êzəŋ aŋ kwe u Kəzə̀ ù təma wo, vʉ̀a ù mò nî kɔʼ Zùʼ tə̀ Zɔlɔ təla Zə̀ kə fə̀ to naŋā aŋ ghùu Tsele ù te. Fəgha kə̀là ghɛ̀ koʼō ezə̄ŋ à kə̀là ghɛ̀ zuūw, à kwə̀n fughu tsughu wə̄n â ghàʼ.

Kə̀fwàʼ 5:32

Ghàʼ fɛ ti aleteso dzaā wo ghəa ghən, ghàʼ à ghê Zuʼ tə Kəzə̀ tə̀là ù fughuu â ghì ghəla ghe boō tsughu â wə̄n.”

2 Kòlentìan 13:14

To dzɔ̂ è Mughu ù te Yɛso Kə̀lestò, ləgha e Kəzə̀ àsùghò Zuʼ tə Kəzə̀ təla tə təmdzəə̄ŋ sɛ̀ alo kəfəgha kə mɔ̀ʼ, mô lǒ ghɛ̀ à ghee a dzə̀m.

1 Dzɔ̌n 1:1

Ghàʼ ghəa ghən fɛ tɔɔ wò â ghɛ̀ kùu ndùw Shwaʼ u Kəzə̀ wəla u fughu mughù zò. Shwaʼ wən u fə̀ lo nû to mbī e tsoō bùghò zîi tsughu. Ghàʼ mafə̄ wə̄n kôʼ, zùw sùghò shwaʼ u wə̄n, bùʼ mɔ̀m ndùw sùghò wə̄n aŋ ghu ghaʼā.

1 Dzɔ̌n 5:6

À lǒ dzì zəla Yɛso Kə̀lestò fə̀ ni mùghù ŋ kə̀zə̀ mò a te àsùghò kàŋ tə wən təla tə fə̀ tsughu tsughu alo kədàŋlo an vʉ e wə̄n, è fə̀ dêe wo enyəa ù lo Wɛ ù Kəzə̀; à ka yo ko alo mmùghu, à lò alo mmughu àsùghò a lo təkàŋ. À lò zuʼ tə̀ Zɔlɔ to tə teso dzâa wô ghəa ghən gho, tɔŋlo enyəa Zuʼ tə̀ Zɔlɔ tə dzâa wò êsəŋò.

1 Dzɔ̌n 5:8

Ghəa ghəla Zuʼ tə Kəzə̀ tə dzɛ â sɛ, dzì zəla ù fə̀ ni mùghù ŋ Kə̀zə̀ mo a te, àsùghò kàŋ tə wə̄n təla tə̀ fə̀ tsughuun tsughu alo kədàŋlo. Ghəa a te gho a təgha teso dzàa ko ghəa e mɔʼɔ̄ zo.

Edêe Fughu 19:13

Ù dzə̀là kèle sàŋ è lì mò à ndùuw ko tə̀kàŋ a te, zən zəa ghe tɔɔ̄ŋ wə̄n a te lo “Shwaʼ u Kəzə̀.”