1 Dzɔ̌n 5:6 - To kə Kəzə̀ kə̀ Fughu ko

⁶ À lǒ dzì zəla Yɛso Kə̀lestò fə̀ ni mùghù ŋ kə̀zə̀ mò a te àsùghò kàŋ tə wən təla tə fə̀ tsughu tsughu alo kədàŋlo an vʉ e wə̄n, è fə̀ dêe wo enyəa ù lo Wɛ ù Kəzə̀; à ka yo ko alo mmùghu, à lò alo mmughu àsùghò a lo təkàŋ. À lò zuʼ tə̀ Zɔlɔ to tə teso dzâa wô ghəa ghən gho, tɔŋlo enyəa Zuʼ tə̀ Zɔlɔ tə dzâa wò êsəŋò.

1 Dzɔ̌n 5:6 Iomraidhean Croise

Matìo 26:28

Nu tən lò kâŋ taŋa təla Zə̀ kə fə̀ nî zə kàa mò kàa a te, ghe kwə̂n sə wo an tuw u ndə̀mà tə aghì enyəa to Zə̀ kə̀ mô ghuūw maʼà bòo tə ghee a te.

Matìo 3:16

Ghəa ghe fughu tsughu Yɛso â mùghù ŋ Kə̀zə̀ mò êzə̀, ù mo e daŋso səa kɔʼɔ wò an dzughù, wala kə n nùghù tsʉ̀ è tsughu, ù ŋ kòʼ Zuʼ tə Kəzə̀ tə̀ zəgha tsughu wô aŋ ghùe wə ebùŋu, tsùghù bùghò mǎa tsughu an tuw kə wə̄n.

Mâk 14:24

Ù ŋ kòom dzɛ̀ kpèʼe tsughu â ghee enyəa, “Tən lò kâŋ tə ŋkāa taŋa ghe kwə̂n fughu wo â ndə̀m è àghì aletsughū tsəlā tsughu Kàa ŋ Kə̀zə̀.

Lûk 22:20

Ù ŋ kòom nì kpèʼe kɔ̀ʼ sùghò wùa è nlʉ̀ an dziī è mɔ̀ʼɔ aŋghəa ghe zə kɔʼ kûun tò, dzâa tsùghuu enyəa, “Wùa è nlʉ̀ zəla Ŋ̀ kwə̂n fughu tsughu fɛ â ghɛ̀, à lǒ kàa m fughu mò â ghɛ̀; aŋ kàŋ taŋa.

Dzɔ̌n 14:17

À lǒ wə̄n Zuʼ təla tə dêe fughu səŋò zò kùu ndùw Kə̀zə̀. Ghî a mbī yo dzə̂ alekpeē nî wə̄n bòʼ ghe yo alekòʼ wə̄n ŋkāa ghe kwo yo wə̄n. Yia a bughò ghɛ, ghɛ̀ kwo nû wə̄n bòʼ ù lǒ ghɛ̀ à ghee, vʉ̀a ù kè lô a zəŋò ghɛ̀.

Dzɔ̌n 14:6

Yɛso n dzɛ̀ ndùw â wə̄n enyəa, “Ǹ lo dzì, yìa Ǹ lô səŋò zò àsùghò mùghù zò. Ghùw yo alebùghò tɛ̂ alô Bə̀ghà mò ù kà tsə̀ghà a zəŋò mùghò.

Dzɔ̌n 15:26

Abugho ghùw wəla ù lo dêe ghɛ â dzì lo bugho, wəla Ǹ nîi kɔʼɔ aŋ ghùu Bə̀ghà, Ǹ tuū wô â ghɛ̀, tɔɔŋ Zuʼ tə̀ Zɔlɔ to, à lǒ wə̄n ù teso dzâa wô fəgha kə̀là Ǹ lo ghè kò.

Dzɔ̌n 16:13

A laʼà bugho Zuʼ tə̀ Zɔlɔ tə lo bugho, tə lo e deē ghɛ â sə̀ŋò zò kùu ndùw Kə̀zə̀. Zuʼ tə te tə lô ghəa a kə̂a yò an daʼa kə wə̄n, tə lo kuuwn tèlè kə̀a kô fəgha kə̀là tə zuw ghè kò, tə lo e dzaā ziī wo sugho fəgha kəla kə ki alesə̄ â sə ko.

Dzɔ̌n 3:5

Yɛso m bɛ̀lɛ̀ tsùghù enyəa, “Kùmkùm, Ǹ dzâa wò à ghù enyəa, à gɔ̀ʼɔ̀ ko mo ghe ŋ wə̄n â mùghù ŋ Kə̀zə̀ m fughu, Zuʼ tə̀ Zɔlɔ tia tə lo mo tə wə̄n nyəə̄n sùghò a zəŋo ughùe, ù yò alenyə am fɔ̀e ù Kəzə̀.

Dzɔ̌n 4:10

Yɛso m bɛ̀lɛ̀ tsughu wə̄n enyəa, “Abugho ghù mò kwo fughu kə Kəzə̀ kò, kwo sugho ghùw wəla ù dzàa wô â ghù enyəa, ‘Fughu wò mugho â mùghù m mʉ̌a mò.’ To ghù mo nɔe tsughu, ù fughuu wô ghù â mùghù mə̀là m fughuu mughù zò.”

Dzɔ̌n 4:14

ghəla ghe lo kuūwn mʉā mùghù mə̀là Ǹ lo fughu â ghee, fə̀ŋ è m̀mùghu kê ghee kôom zùʼso kòʼ yò. Mùghù mə̀là Ǹ lo fughuu, n lo doʼò tsughu fədzughù a zəŋò ghee, fə tûuŋ səā kɔʼɔ̄, fughu sùghò ghee â mùghù è doʼn təla zo.”

Dzɔ̌n 6:55

tɔŋlo enyəa nyòm è ghùe zaŋa lo ndzə̀əm kə ufʉ̀ghàzəa, kâŋ taŋa tia tə ndzə̂əm lô fəgha kə̀ mʉa ko.

Kə̀fwàʼ 8:36

Felêp n daŋso dzɛ̀ â wə̄n enyəa, “Abugho ghù boō tsughu dzə̂ aŋ am fə̂ŋ zə̀ghà e dzə̀m, a lo nû alefughu ghû â mùghù ŋ Kə̀zə̀ mò êzə̄ŋ.” Ù m bɛ̀lɛ̀ tsùghù enyəa, “Mùghò m boo enyəa Yɛso lǒ Wɛ ù Kə̀zə̀.”

Lumà 3:25

Wə̄n wəla Zə̀ kə fə̀ nî fughu sə wo enyəa ù bùghò kpuw vʉ e kəmùwnlo to kâŋ tə wən tə sûuw maʼa bòo tə aghì ghəla ghe boō fughu â wən. Zə̀ kə fə̀ enyə ghəŋlo aledèe tsughu enyəa kə lo tsəghatsəgha. Nu â wǐiwǐi, kə mò kɔɔn tsughu fə̀ŋ, kə̀ n tsò zhə̌ən zə̀ghàa sùgho bòo tə aghì.

Efɛsùs 1:7

Tɔŋlo enyəa à fə̀ lo aŋ kàŋ tə Yɛso təla tə fə̀ tsughu tsughu alo kədàŋlo Zə̀ kə fə̀ zue sə wo sɛ̀ a te; mo e fi lo enyəa Zə̀ kə̀ mafə bôo tə sɛ̀ tə ghuuw màʼà bòʼ dzɔ̀ e wə̄n e ne zən,

Kòloshìan 1:4

Ghàʼ enyə ghəəŋ tsə̀ghà bòʼ aŋghəa ghàʼ mò zuw tsughu enyəa ghɛ̀ gaʼ fə̀ŋ a zəŋò Kə̀lestò Yɛso, àsùghò bòʼ ləgha zəla ghɛ̀ ki â ghì a Kəzə̀ ghò a dzə̀m.

1 Timotì 3:16

Ghùw ù li yo aletuū maʼà nàn kə eghəa kəla kə lo aŋ ghəa a Kəzə̀ ghən enyəa, Ù fə̀ a m mbī bugho tǒ ghuw wə̀ nsɔ̌ɔŋnchùw. Zuʼ tə Kəzə̀ tə̀ n dè wò enyəa ù lo tsəghatsəgha, Tsə̀təndə̄ghā tə Kəzə̀ tə̀ ŋ kòʼ wə̄n. Ghî ghə̀ n zoʼn ŋgə̀a wò àghì aŋ ghəa a wə̄n alo tənàʼà tə dzə̀m. Mbī e dzə̀m m boo fùghù ndùw â wə̄n. Ghe n nì nyə̀ kɔ̀ʼ ndùw wə̄n alo kəwala alo n nsəghānyəghā.

Taetùs 3:5

kə m bəghasə̄ tsughu sɛ̀. Kə ka fə bəghasə̄ dzə̌ sɛ̀ bòʼ ghəa a sɛ̀ à dzûŋ ghə̀là sɛ̀ lo mò sɛ̀ ŋ ghəŋlo, à fə̀ kuuwn lo bòʼ se e wə̄n è kwuso zo, Kə̀ fə̀ bəghasə̄ sɛ̀. Kə fə sɛ̀ bəghasə̄ aŋghəa Kə fə̀ tum wô Zuʼ tə̀ Zɔlɔ to enyəa tə bughò sûuw maʼà sɛ̀ aŋ ghəa a sɛ̀ à biigh gho, àsùghò enyəa, to sɛ̀ kuūwn kɔʼ mwam e sɛ̀, sɛ̀ kele tsughu mughù è fughu zo.

Hibùlù 10:29

Ghɛ̀ moʼò enyəa ghùw wəla ù tso kuuwn chwiilwii tsughu Wɛ̀ ù Kə̀zə̀, lɛɛn kè tsughu kâŋ tə kàa ŋ Kə̀zə̀ məla tə fə̀ sûw maʼà tsughu wə̄n, tsoʼô Zuʼ tə Kəzə̀ təla tə bughòo dzɔ̂ zò, u wən wo utsû kǔuwn tsò bòʼò lò aledòʼò ênzə̂n?

Hibùlù 12:24

Ghɛ̀ m bùghò sə a vʉ̀a Yɛso wəla ù lǒ ghùw ù fə̀ nî wo kàa m fughu mò â ghì gho, àsùghò a vʉ̀a kàŋ tə wə̄n təla tə fə̀ kwala wo aleghuūw maʼà təbòo tsə̀ghàtàʼà kàŋ tə Ɛbɛ̀l təla tə̀ fə̀ lo aledì tə̀ŋgə̀mà.

Hibùlù 13:20

Ŋ̀ gɔ̂ŋlò êzəŋ enyəa to Zə̀ kə ebughuun kəla kə mò kôom nî nughù wò Mughùbè Yɛso alo evʉ̄, wəla ù lǒ bàʼàtə̀ndzì ù ghàʼa — aŋghəa kə fə̀ nî kɔʼ kàŋ tə wə̄n to zə kɔʼ kàa məla n dòʼo tən a te,

Hibùlù 9:14

Kâŋ tə Kə̀lestò tə̀ ŋge tùghù tsə̀ghàtàʼà sə ghəa ghən a dzə̀m! Am bàm e Zuʼ tə Kəzə təla tə doʼò tən ù m fùghù ndùw ghue u wən an tuw u sɛ̀ tǒ fughu kəla kə kpe â Zə kò. Kâŋ tə wə̄n tə lo sûuw zɔnso fə̀ŋ tə sɛ̀ aŋ ghəa ghəla a nîi wô vʉ zo, enyəa to sɛ̀ e lo alefwaʼā Zə̀ kəla kə lo â tuw ko.

Hibùlù 9:7

A fə̀ kuuwn nyəa ko tuw kəfɔ̀e an dzughu e kəpfʉ̌a e kə̀bəghà zən wə̄n à nəŋ ko, ù fə̌ fughu nyəa ko enəgha e mɔ̀ʼ alo kənùm; mò ù so e nyəa fughu, ù ŋ ki təkâŋ alenyəa fughuu nduw â Zə̀ kò an tuw kə wə̄n àsùghò am tuw u ghì ghəla ghe mò ghəəŋ bôo tò mo ghe kwo yo.

1 Pità 1:2

Kə̀zə̀, tɔɔŋ Tsele ù Mughùbè ù sɛ̀ ù te n tsɔʼ kɔʼ ghɛ enyəa ghɛ̀ doʼo ghî a wə̄n gho an tə̀ŋ kəla kə fə̀ fôʼ naŋā, Zuʼ tə̀ Zɔlɔ tə ŋ ghəəŋ tsughu enyəa ghɛ̀ e lo ghî à zɔlɔ gho, enyəa ghɛ̀ e zuuw nduw â Yɛso Kə̀lestò, to aŋghəa kâŋ tə wə̄n an vʉ zəla ù kpuw ghè zò fə̀ sûw maʼà tsughu ghɛ. Ŋ̀ gɔ̂ŋlò enyəa Zə̀ kə̀ mô fughu ghɛ â bughuun zo, kə dêe sughò ghɛ â dzɔ̀ e wə zo naʼ è ndə̀m.

1 Pità 3:21

Fʉ̀ghàdzughù tən fɛ dêe mùghù ŋ Kə̀zə̀ məla ghe fughu â ghɛ̀, mìa m bəghaasəa ghɛ, mò à yò dzə̂ tǒ ghùw lò sûuw maʼn tsughu ghue wo a te; a kǔuwn lǒ dzì â ghɛ̀ aleto kətō am fə̀ŋ tə̀ zɔlɔ to â vʉ̀a Zə̀ kò. À ghɛ̀ êzə̄ŋ e bəghaasəa kpuūw kɔʼɔsə e Yɛso Kə̀lestò alo evʉ.

1 Dzɔ̌n 1:7

Abugho sɛ̀ kuūwm mughu an tsə̂, tò aŋghəa kə lo an tsə̂, à fi lo enyəa sɛ̀ a dzə̀m lò alo kəfəgha kə mɔ̀ʼ, Kâŋ tə Wɛ ù Wə̄n tɔɔŋ Yɛso, tia tə sûuw maʼn sughò bôo tə sɛ̀ tò tə dzə̀m.

1 Dzɔ̌n 4:10

Kùum kə eləgha kə yo dzə̂ enyəa sɛ̀ mò ləgha nduw Kəzə̀ esə̄, à kǔuwn lò enyəa Zə̀ kə mò sə kə ləgha wo dzə sɛ̀, tùm wo wɛ ù wə̄n ù nùu enyəa ù bùghò kpuw an tuw u sɛ̀, to kə ghuuw maʼa bòo tə sɛ̀.

Edêe Fughu 1:5

To Yɛso Kə̀lestò wəla ù dèe wô ghəa a səŋò ghəla sɛ̀ lo alenaŋa fə̀ŋ a te, vʉ̀a ù lǒ ghuw ù sûesʉ alekɔʼɔ̄sə̄ alo evʉ̄, wəla ù saʼā dwə̀ŋ wò aŋ ghueekətsə̄, mò dê ghɛ̀ â dzɔ̀ e wə̄n zo, ù fughuu sughò ghɛ̀ â bughuun zo. Ù lə̀ghaa nǔ sɛ̀, vʉ̀a ù bəghasə̄ tsughu sɛ̀ aŋ ghùu bòo tə sɛ̀ tò aŋghəa u fə̀ ù fùghù ndùw tuw kə wə̄n ko an tuw u sɛ̀ an kàŋ tə wə̄n təla tə fə̀ kwəlà sə tsughu wo alo kədàŋlo.

Edêe Fughu 5:9

Ghe n zôo zom è fughu zo, zoo tsughu enyəa, “Ghǔ ŋ kɔʼkpe alenìi kɔʼ nyəme u kəmwàʼsò u te wo, àsugho alezʉ̀mè nughù kɔʼ mə̀ŋ e te, tɔŋlo enyəa ghe maā ghû wì, ghù n nì kɔ̀ʼ kâŋ tə̀ghà zuesə tsughu aghî a te an ndùm tə̀n tə̀ dzə̀m àsùghò ghì ghən a dzə̀m ghe dzeŋe saʼā shwaʼ wo u mɔ, an tum wən ù dzə̀m, aŋ ghì ghə̀n à dzə̀m an nàʼà tə̀n tə̀ dzə̀m, ghù n nì fùghù wò â Zə̀ kò.

Edêe Fughu 7:14

Mùghò m bɛ̀lɛ̀ kɔ̀ʼ enyəa, “Ŋ̀ kwo yo a Mughùbè, à lǎam kwo ghû.” Ù n daŋso dzɛ̀ â mùghò enyəa, “Ghən fɛ lo ghî ghəla ghe lo mo ghe m fala an ndə̀mà tə aghəa fəgha lə ŋ kè kuūwn nomso ghee, ghe yia sûw maʼà tsughu dàlà tə ghee to aŋ kàŋ tə Tsʉ u Ndzì u te wo, tia tə fə̂m tsughu fùuŋ.