1 Dzɔ̌n 5:21 - To kə Kəzə̀ kə̀ Fughu ko

²¹ Wɛ ghaŋa gho, nǐi nùghuu nlò fə̂ŋ tɛʼɛ to a zəŋò mùʼù mo! Nu à lô zʉ̀ wə agha.

1 Dzɔ̌n 5:21 Iomraidhean Croise

Matìo 6:13

Kà boo sùghò enyəa ghəa e tsoom ghàʼ, laam bəghasə̄ ghaʼ nû aŋ ghùu fəgha kə̀ biigh ko.’

1 Kòlentìan 10:14

Waazə̂ ghaŋa ghəla Ŋ̀ ŋgeē ləghaa, ghɛ̀ zəghaa maʼa tsughu alekɔʼsô mùʼù mò.

1 Kòlentìan 10:7

Kà nlò doʼò ndùw ghî ghəla ghe kɔʼso mùʼù mò tò aŋghəa ghee à li a fə̀ ghəŋlo. Ghe tɔm naŋa am Mwàʼsò kə Kəzə̀ enyəa, “Ghì a te ghə̄ n tsùghù dòʼò tsughuu alezə, ghe mo è mʉ, daŋso nùghù kɔ̀ʼ â bən zo.”

1 Tɛ̀sàlonìan 1:9

Ghì a te gho a dzə̀m ndòʼò tèso kaaŋ nǔ dzì zəla ghɛ̀ mò kpenî ghaʼ a te, aŋghəa ghǎʼ mò bugho alô ghɛ̀, àsùghò aŋghəa ghɛ̀ zəghà maʼà tsughu mùʼù ŋ kɔʼso mò, kàʼ ndùw alefwàʼ â Zə kə̀ səŋò kəla kə lô â tuw ko.

1 Dzɔ̌n 2:1

Ŋ̀ ghəa ghən fɛ tɔɔ wò â ghɛ̀ a wɛ ghaŋā gho, enyəa e kwo ko ghùw wɛʼɛ lô so e ghəŋlo èbo. Abugho ghùw ù mɔʼɔ̄ kpaʼ ghəəŋ tsughu bo zo, a ki nu ghùw wəla ù buʼū ghu ko an tuw u sɛ̀ a vʉ̀a Tsele ù sɛ̀, tɔɔŋ Yɛso Kə̀lestò, ghùw ù tsəghatsəgha.

Edêe Fughu 14:11

Nyoʼ kə uwə̀n kəla kə fəmso ghee lo e kɔʼɔ ndùw edzuŋ, kɔʼɔ təla ndùw ko êsəŋò. Ghee ghəla ghe kɔʼso nyòoŋgwən è te àsùghò mùʼù fəla fə fweēn wə̄n àsùghò chìa wəla ghe tso fughu tsughu wə̄n â tsə̌a e wə̄n, ghe a te a kê tsò yò alezʉ̀nlò eghue â tsə̀ tò ŋkāa â tsuʼ wo.”

Edêe Fughu 9:20

Ghî à li ghəla ghe fə nɔsə tsughu an zəŋ ten, ghe ŋ kè zəghàa maʼà ghəa à kɔʼso à mmùʼù ghee mən, ŋkāa ghəa à kɔʼso a zʉ̀ ù biigh gho, àsùghò mə̀ ètsɛ mò àsùghò n Silvà mò, m bəlôns mò, mə̀ n tia mo, mə̀ ŋkàʼ mò, mò ŋ kòʼò yò luʼū to, zuuw yo ghəa gho, bwìi sùghò yò.