1 Dzɔ̌n 5:19 - To kə Kəzə̀ kə̀ Fughu ko

¹⁹ Sɛ̀ kwo nû enyəa sɛ̀ lo wɛ a Kəzə̀, aŋghəa mbī e dzə̀m tso bûʼ lo ko an daʼa kə avʉatsə̄a.

1 Dzɔ̌n 5:19 Iomraidhean Croise

Lûk 4:6

dzɛ̀ â wə̄n enyəa, “M̀ fughuu nù ghû a daʼa ko alesaʼa naʼà tə̀n tə̀ dzə̀m àsùghò kɔʼso n te mò, nu ghe mò â mùghò fughu nû, to m fughu â ghùw abugho Ǹ tsəm.

Dzɔ̌n 12:31

Nəghā zə m kpē, zəla ghe lo saʼa mbī a te àsùghò aŋghəa ghe lo dzûu maʼn səā Satàn a te.

Dzɔ̌n 14:30

Ŋ̀ kôom ki yo ndə̀m è aghəa à kəaa gho sɛ̀, bòʼ enyəa ghùw wəla ù saʼā mbī zən bughò nù. Ù kì ki yo daʼa kə li ko a zəŋò mùghò.

Dzɔ̌n 16:11

Ù lo dêe ndûw â ghee enyəa Zə̀ kə̀ lo saʼā ghee, nu ghe ghùw wəla ù saʼā mbī zə saʼ tən.

Dzɔ̌n 17:15

Gɔ̂ɔŋ zaŋa e yo dzə̂ enyəa ghù ni nughu sə kɔʼ ghee am mbī, e kuuwn lò enyəa ghù ni nan naŋa ghee am ghùu ghùw ù bǐigh.

Lumà 8:16

Zuʼ tə Kə̀zə̀ àsùghò fə̀ŋ tə sɛ̀ tə̀ ŋ ghəŋlo sɛ̀ yia a kele tsughu enyəa sɛ̀ lo wɛ a Kə̀zə̀.

2 Kòlentìan 1:12

Ghàʼ ghue e ghaŋso bòʼ enyəa fə̂ŋ taʼa tə zɔlɔ nù am mùghù zəla ghàʼ mughù fɛ a te am mbī aŋghəa ghàʼ ghəə̄ŋ sughò â ghɛ̀ an dziī è zɔ̀lɔ zəla Zə̀ kə̀ ləghaa, à yò dzə̀ an tɔ u ghì a mbī gho, à lò an daʼa kə dzɔ̀ e Kəzə̀.

2 Kòlentìan 4:4

Aŋ ghee ghən, ghəa ghe doʼŋkè boō fughu, zʉ̀ u mbī wə n tɔ u ghee u sâʼ màʼà, enyəa ghe lô koʼō dzɔ̀ɔdzɔ̀ tə aghəa təla tə lo an səghanyəgha mə̀là n lò an Làbəlà è Dzûŋ è Kə̀lestò wəla ù lǒ tò Kəzə̀.

2 Kòlentìan 5:1

A kwo nû enyəa abugho ghe sâʼ maʼà tsughu pfʉ̌a kəla sɛ̀ mughu a te fɛ aŋ ghueekətsə̄, tɔ̂ɔŋ gwən e ughùe e sɛ̀, sɛ̀ ki nû ndughu Zə̀ kə̀ naŋā â sɛ̀, ndughu mò à kà bɔ̀m dzə̌ ghùw nsɔ̌ɔŋnchùw, ndughu mò è dòʼò tə̀n nû alo kəwālā.

Gàlashìan 1:4

Yɛso Kə̀lestò wən fə̀ zuw nduw â Tsele ù sɛ̀ tɔɔŋ Kə̀zə̀, ù m boo tsughu alekpuw an tuw u sɛ̀ bòʼ bòo tə sɛ̀, alebəghaasə sɛ̀ aŋ ghùu mwàm è biigh zən fɛ am mbī.

Efɛsùs 2:2

aŋghəa ghɛ̀ mò boʼ mughù tsəgha a te to ghî a mbī gho, ghɛ̀ m bwîi an lwàŋ u də̀ŋ kə zʉ̀ u biigh wəla u lo kaŋlo edzūŋ alo kəkwɛ̌ɛ, də̀ŋ kən lo zʉ̀ ù biigh wəla u fwaʼā ezəŋ a zəŋò ghì ghəla ghe tsughòsò maʼn Zə̀ kò.

2 Timotì 1:12

Zən lò e ghee M̀ fanlo enyə a fɛ an ndùghùtsāʼ. Ghəa M̀ buʼù faan ko enyə, Ǹ tsoo də̀nsò yò tuw ko, Ǹ sô kwo ghùw wəla M̀ boō fughu â wə̄n; yia Ŋ̀ kûum kwo sughò enyəa ù lo kwuu kele nù fəgha kəla ù mò fughu â mùghò, alendùw tâa ndûw an tsuʼ fəla ù lo bughoo a te ebàm.

Taetùs 3:3

M̀ fɛ dzàa tɔŋlo enyəa an tì kə̀ li ko ghue e ughùe e sɛ̀, sɛ̌ fə̀ buʼ lo ghî à laʼso gho, sɛ̀ n zuuw yo â Zə̀ kò, ghəəŋ boon sùghò àghəa, ghe n sè məŋso sùghò sɛ̀, sɛ̀ m fə̀n dòʼò ndùw ùkɔ̀ a bâa fʉgha u mbī wo. Sɛ̀ m mughu aŋ kə̀f kə ebō, ki sugho kəmʉ̀nlo am fʉgha ù aghì. A m bâa ghì ghə̀n àdzə̀m, ghî ghə̀n à dzə̀m m bâa sùghò sɛ̀.

Dzɛ̂ms 4:4

Ghɛ̀ ghî à səa ndzaŋa gho, ghɛ̀ kwo yo enyəa ghî ghəla ghe bwîi fwən wo ghèe ghê fʉgha u mbī wo lo ghî a kətuw a Kəzə̀ a? À fi lo enyəa, ghùw wəla ù mòʼnlo alebwiī fwən wo ghèe fʉgha u mbī wo fi doʼò dzə ghùw ù kə̀tūw ù Kə̀zə̀.

1 Dzɔ̌n 3:14

Sɛ̀ kwo nû enyəa sɛ̀ n sə̀ nùghùu wò aŋ kɔ̀n kə evʉ̄, tsə̀ghà wò am mùghù zəla e doʼò tən, bòʼ enyəa sɛ̀ ləghaa nù waazə̂ a sɛ̀ ghò. Ghùw wəla ù ləghaa yo waazə̂ ghò, ù fi nǎam lò ko am fàŋa kə evʉ̄.

1 Dzɔ̌n 3:24

Ghî ghəla ghe naaŋ lâŋ kə Kə̀zə̀ kò lò alo kəfəgha kə mɔ̀ʼ ghèe ghê Zə̀ ko, Zə̀ chia kə lo sugho ghèe ghee. Ghən lò sugho aŋghəa sɛ̀ kele a te enyəa Zə̀ kə̀ lo sɛ a ghee. Sɛ̀ ghəa ghən fɛ kele bò Zuʼ təla kə fughu â sɛ̀.

1 Dzɔ̌n 5:10

Abugho ghùw boo fughu tsughu â Wɛ u Kəzə̀, à fi lo enyəa ù n nì nàŋa shwaʼ u te wo am fəŋ è wə̄n. Ghùw wəla ù taʼkè boo fughu shwaʼ wən wo, nîi ndùw enyəa Zə̀ kə̀ kaʼnlo àgha bòʼ u kà bǒo dzə̀ fəgha kəla Zə̀ kə̀ teso dzâa wo kùu ndùw Wɛ ù Wə̄n.

1 Dzɔ̌n 5:13

Ŋ̀ ghəa ghən fɛ tɔɔ wò â ghɛ̀ ghəla ghɛ̀ boō fughu tsughu an zən e Wɛ ù Kə̀zə̀ tò ghɛ̀ kele tsughu enyəa ghɛ̀ ki mughù zəla e doʼò tən.

1 Dzɔ̌n 5:15

Abugho sɛ̀ kwo sughò enyəa Zə̀ kə̀ zuuw nù â sɛ̀, abugho sɛ̀ bvʉ ko kwò kò â wə̄n, sɛ̀ ŋ kwo tən am fə̂ŋ enyəa ù sò fùghuu nù fəgha kəla sɛ̀ bvʉā nduw â wə̄n.

1 Dzɔ̌n 5:18

A kwo nû enyəa wɛ ù Kə̀zə̀ ù li yo ù ki aleghə̂əŋ ndûŋlò èbo, bòʼ enyəa Wɛ ù Kə̀zə̀ chìin nǔ wə̄n. Daʼa kə avʉatsə̄a chia kə yo sugho alemɔ̀m wə̄n.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.

Edêe Fughu 12:9

Ghe nì màʼà tsughu faŋkwu kə ŋgə̄m chì, zùghù è wǐiwǐi è te, ghe tɔŋlo enyəa à lò avʉatsə̄a àsùghò Satàn, wəla ù nɔɔ̄m kaāŋ ghî gho am mbī e dzə̀m — ghe m màʼà tsùghù wò wən aŋ ghueekətsə̄, màʼà tsùghù wò sùghò tsə̀təndə̄ghā tə wə̄n ghèe ghee.

Edêe Fughu 20:3

Ù n nì màʼà nyə̀ tsùghù ndùw wən fughu alo kəbùʼ, dzʉ̀a fè nàŋa ndùw wə̄n fughu, enyəa e kwo ko ù lò kôom sè mə̀ŋso sugho naʼà tò am mbī, mò a gɔ̀ʼɔ̀ ko mo kam è tə̀nùu zən bùghò tsəghà nughù. Abugho nəgha zən lo tsəghà tsughu, ghe lo ki aletsʉā zəghà tsugho wə̄n aŋ kə̀mà fə enəgha.