1 Dzɔ̌n 5:18 - To kə Kəzə̀ kə̀ Fughu ko

¹⁸ A kwo nû enyəa wɛ ù Kə̀zə̀ ù li yo ù ki aleghə̂əŋ ndûŋlò èbo, bòʼ enyəa Wɛ ù Kə̀zə̀ chìin nǔ wə̄n. Daʼa kə avʉatsə̄a chia kə yo sugho alemɔ̀m wə̄n.

1 Dzɔ̌n 5:18 Iomraidhean Croise

Matìo 5:37

Mò ghù bǒo èghəa, ghù mo enyəa, Òo! Ŋkāa mò ghù tùe nû, ghù mo enyəa Ɛ̂ŋgaŋ — mo ghəa e kôom bàʼso wò a te, e fi sə aŋ ghùu Vʉatsə̄a gho.”

Matìo 6:13

Kà boo sùghò enyəa ghəa e tsoom ghàʼ, laam bəghasə̄ ghaʼ nû aŋ ghùu fəgha kə̀ biigh ko.’

Dzɔ̌n 1:13

Ghe ka fə doʼò dzə̀ wɛ a Kəzə̀ ghò mò Zə̀ kə̀ dzə tsughu ghee tò aŋghəa ghùw lò aletsə̀mà tsughu aledzə̄ wɛ a te, à fə̀ ləgha tsughu Kəzə̀ enyəa ghe doʼò wɛ a ghee.

Dzɔ̌n 14:30

Ŋ̀ kôom ki yo ndə̀m è aghəa à kəaa gho sɛ̀, bòʼ enyəa ghùw wəla ù saʼā mbī zən bughò nù. Ù kì ki yo daʼa kə li ko a zəŋò mùghò.

Dzɔ̌n 15:4

Ghɛ̀ məghaa doʼo wo a zəŋò mùghò, Ǹ lo doʼò wô alo kəfəgha kə mɔ̀ʼ sɛ̀. Kwèe kə fəkàʼ kə̀ yo alemʉ utwam mo kə kâ nyùŋ dòʼò alo fəkàʼ, à lò sugho eghala ghɛ̀ yo aleghə̂əŋ ghə̀a è li zo abugho ghɛ̀ doʼŋkè məghàa doʼò wô a zəŋò mùghò enyəa sɛ̀ e dzeŋe lo alo kəfəgha kə mɔ̀ʼ.

Dzɔ̌n 15:7

Abugho sɛ̀ ti alo kəfəgha kə mɔ̀ʼ, ghɛ yia ki sughò shwaʼ waŋa wo am fə̀ŋ tɛʼɛ, mò ghɛ̀ bvʉ ko kə̀ kwò ghɛ̀ ləghaa alekele, ghɛ̀ sô kèle nù.

Dzɔ̌n 15:9

Ŋ̀ ghɛ bɔɔm ləghaa sùghò tò aŋghəa Bəghà ləghaa mugho a te. Bɔɔm dòʼo tsughu ko nlò an ləgha zaŋā e te zo.

Kə̀fwàʼ 11:23

A m bùghò ù bùghò kôʼ tsughu enyəa Zə̀ kə̀ mò ti an tuw kə ghee, ù mo èduʼnlo, fəghaan tɔ̀ʼ tsʉ̀ tsùghu ghee enyəa ghe nəghāa kɔʼ fənyə aŋ ghəa e Mughu ù te, ghe teē təla tsughu a te am fə̂ŋ è ghee e dzə̀m;

Dzɛ̂ms 1:18

À mò tsə̄m tsughu Kəzə̀ enyəa sɛ̀ doʼò tsughu wɛ a wə̄n, an shwaʼ u wə̄n ù səŋò wəla sɛ̌ fə̀ zuw, enyəa sɛ̀ doʼò tsughu kətuw am fʉgha u wə̄n u dzə̀m wəla ù mò gbə̂n wo.

Dzɛ̂ms 1:27

Ghəa e Kəzə̀ zəla Tsele ù te, Kə̀zə̀ nìi enyəa e ki yo dzʉ wo, zəa e lô tsəghatsəgha lò enyəa; alelɛnlo â waatsʉ gho àsùghò yiikpūw gho am fala e ghee, àsùghò enyəa e kwo ko ghəa a mbī a lô so e dzəso ghùw.

1 Pità 1:23

Nu ghe ŋ ghɛ̀ dzə kùenlò an daʼa kə shwaʼ u Kəzə̀ wəla u fughu mughù zo, vʉa u dòʼò tən sugho; tò wɛ a ghûw wəla ù kè kpuūw dzə̂ yo, mò à yo dzə̂ tò wɛ a ghùw nsɔ̌ɔŋnchùw wəla ù lo alekpuūw.

1 Dzɔ̌n 2:29

Aŋghəa ghɛ̀ kwo enyəa Kə̀lestò lò ghùw ù tsəghatsəgha, e fi lo enyəa ghùw wəla ù ghəəŋ ghəa ghəla a lô tsəghatsəgha à lo wɛ ù Kə̀zə̀.

1 Dzɔ̌n 3:12

Sɛ̀ ki dzə̂ yo aledòʼò to Kɛ̂ɛn wəla ù fə̀ lo wɛ ù avʉatsə̄a, ù n wi màʼà tsughu wàazə̀. Ù fə wàazə̀ wən enyə wi bòʼ kwò a? À fə̀ lo bòʼ ù fə̀ ghəəŋ ghəa biigh gho, wàazə̀ ŋ kuuwn ghə̂əŋ ghəa à dzûŋ ghò.

1 Dzɔ̌n 3:3

À fi lo enyəa ghùw wəla ù chǐi tùʼ a zəŋò Yɛso, ù fi sūw zɔ̀nso tsughu ghue u wə̄n, tò aŋghəa Kə̀lestò zɔlɔ̄ a te tsɛʼɛ̀tsɛʼɛ̀.

1 Dzɔ̌n 3:9

Ghùw wəla ù lo wɛ u Kə̀zə̀ ghə̂əŋ ndùuŋ yò bo zo, bòʼ mwam u Kəzə̀ ù lo a zəŋò wə̄n. Ù kòom yo dzə̂ aleghəəŋ bo zo, bòʼ à wə̄n dzə Kəzə̀.

1 Dzɔ̌n 4:6

Sɛ̀ lo ghî a Kəzə̀ ghò. Ghùw wəla ù kwo Zə̀ kò zûuw fəgha kə̀là sɛ̀ dzâa. Ghùw wəla ù kuūwn kwo yo Zə̀ kò, zuuw yo â sɛ̀. Zən lô dzì zəla a lô alekele nəŋo nəŋ e Zuʼ təla tə lo tə̀ êsəŋò tò àsùghò təla tə lô tə agha to.

1 Dzɔ̌n 5:1

Ghùw wəla ù kùm boō fughu tsughu enyəa Yɛso lǒ Bəghambī u te, ghùw te fi lo wɛ ù Kə̀zə̀. Ghùw wəla ù ləghaa Tsele ù te, ləghaa sùghò nû Wɛ ù te.

1 Dzɔ̌n 5:15

Abugho sɛ̀ kwo sughò enyəa Zə̀ kə̀ zuuw nù â sɛ̀, abugho sɛ̀ bvʉ ko kwò kò â wə̄n, sɛ̀ ŋ kwo tən am fə̂ŋ enyəa ù sò fùghuu nù fəgha kəla sɛ̀ bvʉā nduw â wə̄n.

1 Dzɔ̌n 5:19

Sɛ̀ kwo nû enyəa sɛ̀ lo wɛ a Kəzə̀, aŋghəa mbī e dzə̀m tso bûʼ lo ko an daʼa kə avʉatsə̄a.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.

1 Dzɔ̌n 5:21

Wɛ ghaŋa gho, nǐi nùghuu nlò fə̂ŋ tɛʼɛ to a zəŋò mùʼù mo! Nu à lô zʉ̀ wə agha.

1 Dzɔ̌n 5:4

Tɔŋlo enyəa, ghùw nsɔ̌ɔŋnchùw wəla ù lǒ ghèe Zə̀ kò təma zəa nǔ mbī. À lò boo zəla sɛ̀ ki ghè zò e ghəŋlo sɛ̌ yia ghaʼ mbī.

Dzûd 1:21

Ghɛ̀ kwu kele tsughu ko nlò ghue zɛʼɛ zo an ləgha zəla Zə̀ kə ki â ghɛ̀ aŋghəa ghɛ̀ ləmlo â Mughùbè ù sɛ̀ Yɛso Kə̀lestò alefughu ghɛ̀ â mùghù e doʼn təla zo an se e wə̄n è kwuso zo.

Dzûd 1:24

Ŋ̀ gɔ̂ŋlo enyəa to sɛ̀ mô fùghù ŋkɔʼso n dzə̀m â Zə̀ kò, Zə̀ kəla kə kwu kele ghɛ̀ enyəa e kwo ko ghɛ̀ lô neē bvʉ̂a, Zə̀ kəla kə lo ghəŋlo enyəa ghɛ̀ eduʼnlo abugho kə kê nî wô ghɛ̀ an səghanyəgha ŋ wə̄n mò ghɛ̀ ki yo nyàaŋ fə udzʉ fə̀ li fo am fə̀ŋ tɛʼɛ.

Edêe Fughu 2:13

“Ŋ̀ kwo nû luʼù kəla ghɛ̀ mùghù a te, a fia ndàŋ è kə̀də̀ŋ è Satàn lǒ. Ghɛ̀ těe tən tsughu ko an zən zaŋā, ghɛ̀ ŋ kè tuū maʼà boo zəla ghɛ̀ ki â mùghò aŋghəa ghe fə̀ tso bûʼ wi ko Antipàs, a fia Satàn mùghu. Antipàs fə̀ lo ghùw waŋa ù tùghu ù fə̀ teso dzâa ghəa ghaŋa gho â ghî ghò am fə̂ŋ e wə̄n e dzə̀m.