1 Dzɔ̌n 5:14 - To kə Kəzə̀ kə̀ Fughu ko

¹⁴ Sɛ̀ ki yo tsəŋ zo a vʉ̀a Zə̀ kò, bòʼ a kwo nû enyəa ù sò zǔuw nû sɛ̀ abugho sɛ̀ bvʉ nduw wə̄n â fəgha ko an dzì zəla ù ləghaa.

1 Dzɔ̌n 5:14 Iomraidhean Croise

Matìo 21:22

Abugho ghɛ̀ bvʉ tsughu ko ghəa è ghɛ zo, mò ghɛ̀ gɔ̂ɔŋ tsughu nù, ghɛ̀ mò è kele, abugho ghɛ̀ boō fughu tən tsughu â Zə̀ kò.”

Dzɔ̌n 11:42

Ŋ̀ kwo ziī nû enyəa ghù zǔuw tsə̀ghà nù mugho. Ŋ̀ ghəa ghən êzə̄ŋ kuuwn kə̀aa bòʼ ghì ghəla ghe ti fɛ enyəa to ghe mò boo enyəa à nùghù ghù, ghù vʉ̀a ghù tum wô mugho.”

Dzɔ̌n 14:13

Abugho ghɛ̀ bvʉ ko ghəa è ghɛ zo an zən zaŋā, Ǹ sô ghə̌əŋ nù, tò bəghà è lo kele ŋkɔʼso bòʼ mùghò.

Dzɔ̌n 15:7

Abugho sɛ̀ ti alo kəfəgha kə mɔ̀ʼ, ghɛ yia ki sughò shwaʼ waŋa wo am fə̀ŋ tɛʼɛ, mò ghɛ̀ bvʉ ko kə̀ kwò ghɛ̀ ləghaa alekele, ghɛ̀ sô kèle nù.

Dzɔ̌n 16:24

Alebùghò tâa wô êzə̄ŋ, ghɛ̀ kaām fəgha kə̀ li ko m bvʉ an zən zaŋā. Bvʉ tsughu nlò, ghɛ̀ so kele, to fə̂ŋ tɛʼɛ̄ tə e kuūm zɔlɔ.

Dzɔ̌n 9:31

A kwo nû enyəa Zə̀ kə̀ zuuw yò shwaʼ u ghì à biigh gho. Zə e kuūwn lô enyəa, abugho ghùw kɔʼso Zə̀ kò, ghə̂əŋ ghəa ghə̀là Zə̀ kə̀ ləghaa, Zə̀ kə n zə̂ən shwaʼ u ghûw ū te.

Efɛsùs 3:12

À lǒ Kə̀lestò ù ghəŋlo enyəa sɛ̀ e ndzəə̄m lo alebùghò a vʉ̀a Zə̀ kò mo a ki yo tsəŋ è li zo aŋghəa sɛ̀ gaʼ fə̀ŋ a zəŋò wə̄n.

Hibùlù 10:35

Kà nlǒ fə̀ŋ zəla ghɛ̀ gaʼ tsughu a zəŋò Mughu ù te kôom nì nùghù ebàm, nu è lo nìi wò nù ghɛ â namso kə̀ ne ko.

Hibùlù 3:14

Abugho sɛ boō fughu tən tsughu ko nù alendùw kuʼù ndûw, yia a gaʼ tsughu ko fə̀ŋ a zəŋò Zə̀ kò aŋghəa a mò ki gaʼ a te sûesʉ, sɛ̀ lo zəa dzeeŋ sughò nù fʉgha wəla u lô Kə̀lestò wò.

Hibùlù 3:6

Kə̀lestò vʉ̀a ù kuūwn fwâʼ am fə̂ŋ e wə̄n e dzə̀m tǒ wɛ aŋ ghì a Kəzə̀. Sɛ̀ lo tǒ ndughu è wən abugho sɛ tee tsughu ko am fəŋ zəla a ki àsùghò am fə̀ŋ zəla a tsɔɔ an tuʼ zəla a chiī.

Dzɛ̂ms 4:3

Abugho ghɛ bûʼ bvʉ ko fəgha ko, ghɛ̀ yia a dòʼŋkè kele, à lǒ bòʼ ghɛ sô bvʉ am mòʼnlò è biigh zo, alenìi fwaʼà ndûw ghəa a fə̂ŋ ghɛʼɛ a te.

Dzɛ̂ms 5:16

Ghɛ̌ fi ki alezaā vûŋ wɛʼɛ wo aŋ ghùe zɛʼɛ̄, gɔ̀ɔŋ sùghò aŋ ghùe zɛʼɛ̄ to Zə̀ kə̀ baāŋ kɔʼ ghɛ. Nu gɔ̂ŋlò e ghûw ù tsəghatsəgha è ki kədaʼa, kɔɔ fwàʼà sùghò.

1 Dzɔ̌n 2:28

Tee tsughu ko nlò ghuw ko kə mɔ̀ʼ ghɛ̀ à ghê Kə̀lestò êzə̄ŋ à wɛ ghaŋa gho, to abugho ù kê bugho, ghɛ̀ e ke ki yo tsəŋ zo àsùghò tuw kə dəla ko aleteme a vʉ̀a wə̄n an tsuʼ fəla ù kè bugho ebàm a te.