Bìoball air-loidhne

1 Dzɔ̌n 5:13 - To kə Kəzə̀ kə̀ Fughu ko

¹³ Ŋ̀ ghəa ghən fɛ tɔɔ wò â ghɛ̀ ghəla ghɛ̀ boō fughu tsughu an zən e Wɛ ù Kə̀zə̀ tò ghɛ̀ kele tsughu enyəa ghɛ̀ ki mughù zəla e doʼò tən.

Faic an caibideil Dèan lethbhreac

dol air ais ⬆

1 Dzɔ̌n 5:13
26 Iomraidhean Croise

Dzɔ̌n 1:12

A m bùghò ghì ghəla ghe kpe nī Wə̄n, boo fùghù tsùghù sùghò â wə̄n, ù m fughu ghee â daʼa ko aledòʼò wɛ a Kəzə̀.

Faic an caibideil

Dzɔ̌n 2:23

A m bùghò ù sò lô an zə kə̀ Zəŋso Naaŋ ko an Yɛ̀lusalɛ̀m, ndə̀m tə aghî tə m boo fughu ndùw â wə̄n, bòʼ sə̀ghà mə̀lā ù fə̀ deē ghè mò.

Faic an caibideil

Dzɔ̌n 20:31

ghe ghəa ghən fɛ kuuwn tɔm naŋa aleghəə̄ŋ tsughu enyəa ghɛ̀ boo fughu enyəa Yɛso lǒ Kə̀lestò, Wɛ u Kə̀zə̀, àsùghò enyəa, am boo zɛʼɛ̄ to ghɛ̀ mo kele mughù zò an zən e wə̄n.

Faic an caibideil

Dzɔ̌n 21:24

Zən lo tsə̀təndə̄ghā zəla e fə̀ kôʼ ghəa ghən gho tɔ̀m è naŋa, yia kwo enyəa ghəa ghəlà ù teso dzâa wo lǒ èsəŋò.

Faic an caibideil

Dzɔ̌n 3:18

Ghùw wəla ù bôo fughu nduw â wə̄n, Zə̀ kə̀ lo saʼa wə̄n; wəla ù dòʼkè boō fughu â wə̄n, Zə̀ kə̀ ŋ wə̄n saʼ chia kə naŋā wə̄n aŋ ŋgōʼ bòʼ ù kà bǒo fughu â sɔ̀ʼ kə Wɛ ù Kəzə̀ʼ kò.

Faic an caibideil

Dzɔ̌n 5:24

Kùmkùm, aŋghəa Ǹ dzâa wô fɛ â ghɛ̀, ghùw wəla ù zuw shwaʼ waŋa wo, boo fùghù ndùw â wə̄n wəla ù mò tum wô mugho lo kele nù mughù è doʼn təla zo, ghe kê dzùuw màʼn yǒ wə̄n; tɔŋlo enyəa ù n nùghù sə̀ wò alo evʉ̄, dòʼò wò â tuw ko.

Faic an caibideil

Kə̀fwàʼ 3:16

Ghùw wəla ghɛ̀ koʼò wô fɛ, wəla ghɛ̀ mgbaŋ kwo sugho, à fɛ ghəəŋ tsughu boo zəla ù ki an Yɛso vʉ̀a ù tughu dòʼò wo. À lo zən e Yɛso zən, à boo zəla e lo aŋ wə̄n e ghəŋlo vʉ̀a ù tughuu dzɔɔ̄ aŋghəa ghɛ̀ koʼò wô fɛ.

Faic an caibideil

Kə̀fwàʼ 4:12

Tuw kə̀ zəa kə kôom yò dzə̂ aŋ ghûw ù lì, tɔŋlo enyəa zən è li e kôom yò aŋ ghueekətsə̄ ghe fughu â ghùw fɛ am mbī sɛ̀ ki alezə̄ kətuw a te.”

Faic an caibideil

2 Kòlentìan 5:1

A kwo nû enyəa abugho ghe sâʼ maʼà tsughu pfʉ̌a kəla sɛ̀ mughu a te fɛ aŋ ghueekətsə̄, tɔ̂ɔŋ gwən e ughùe e sɛ̀, sɛ̀ ki nû ndughu Zə̀ kə̀ naŋā â sɛ̀, ndughu mò à kà bɔ̀m dzə̌ ghùw nsɔ̌ɔŋnchùw, ndughu mò è dòʼò tə̀n nû alo kəwālā.

Faic an caibideil

Gàlashìan 4:6

Zə̀ chìa kə dzə̂n nyə wo Zuʼ tə Wɛ ù wə̄n to am fə̀ŋ tə sɛ̀ aledèe tsughu enyəa sɛ̀ lo wɛ a wə̄n. Zuʼ tə te tia tə ghəŋlo sɛ̀ yia a tɔɔŋ tsughu Zə̀ kò enyəa, “Bəghà! Tsele waŋā!”

Faic an caibideil

1 Pità 5:12

À mùghò yôsò Saelàs (Sìlvanùs), wàazə̀ waŋa wəla Ǹ tɔ̂ʼ kwo enyəa ù lo tsəghatsəgha am boo e wə̄n, aletɔɔ̄ wô kə̀mà fə kəmwàʼsò fən fo â ghɛ̀. M̀ mwàʼsò kən kə tɔɔ wò â ghɛ̀ aletsʉ̀a wô ghɛ̀ àsùghò alefəghaan teso dzâa wô â ghɛ̀ enyəa ləgha e Kəzə̀ è kûum lò êsəŋò. Ghɛ̀ tee tən tsughu ko nlò a te.

Faic an caibideil

1 Dzɔ̌n 1:4

Ghàʼ ghəa ghən fɛ tɔɔ wò aleghəə̄ŋ tsughu enyəa sɛ̀ e kuūm ŋgee tsoʼnlo bò ghəa a te gho.

Faic an caibideil

1 Dzɔ̌n 2:1

Ŋ̀ ghəa ghən fɛ tɔɔ wò â ghɛ̀ a wɛ ghaŋā gho, enyəa e kwo ko ghùw wɛʼɛ lô so e ghəŋlo èbo. Abugho ghùw ù mɔʼɔ̄ kpaʼ ghəəŋ tsughu bo zo, a ki nu ghùw wəla ù buʼū ghu ko an tuw u sɛ̀ a vʉ̀a Tsele ù sɛ̀, tɔɔŋ Yɛso Kə̀lestò, ghùw ù tsəghatsəgha.

Faic an caibideil

1 Dzɔ̌n 2:21

Ŋ̀ ghəa ghən fɛ tɔɔ wò dzə̀ yò â ghɛ̀ enyəa ghɛ̀ kwo yo səŋò zò, à lǎam lò bò enyəa ghɛ̀ kwo nû səŋò e te zo, ghɛ̀ yia a kwo sugho enyəa, gha è li e səa wò yò alo êsəŋò.

Faic an caibideil

1 Dzɔ̌n 2:25

To kəla Kə̀lestò fə̀ to naŋā â sɛ̀ lò — Mughù è doʼn tela zo.

Faic an caibideil

1 Dzɔ̌n 2:26

Ŋ̀ ghəa ghən fɛ â ghɛ̀ tɔɔ wò kùu ndùw ghî ghəla ghe ləghaa alesèe məŋso ghɛ̀.

Faic an caibideil

1 Dzɔ̌n 3:23

Kən lo lâŋ kə̀là ù tsəghàsò tsughu enyəa: Aleboo fughu an zən e Wɛ ù wə̄n ù nùu, Yɛso Kə̀lestò, àsùghò enyəa sɛ̀ e ləghaa ghue e sɛ̀ zo, aŋghəa Kə̀lestò fə̀ dzɛ̂ naŋa.

Faic an caibideil

1 Dzɔ̌n 4:9

Ghən lò ghəa ghəla Zə̀ kə̀ fə̀ dê ləgha e wə̄n zo a te â sɛ̀: aŋghəa Ù fə̀ tum wo sɔ̀ʼ kə Wɛ kə wə̄n kə̀ nuù ko a te am mbī enyəa to sɛ̀ mô kele mùghù zəla e doʼò tən am bàm e wə̄n.

Faic an caibideil

1 Dzɔ̌n 5:10

Abugho ghùw boo fughu tsughu â Wɛ u Kəzə̀, à fi lo enyəa ù n nì nàŋa shwaʼ u te wo am fəŋ è wə̄n. Ghùw wəla ù taʼkè boo fughu shwaʼ wən wo, nîi ndùw enyəa Zə̀ kə̀ kaʼnlo àgha bòʼ u kà bǒo dzə̀ fəgha kəla Zə̀ kə̀ teso dzâa wo kùu ndùw Wɛ ù Wə̄n.

Faic an caibideil

1 Dzɔ̌n 5:11

Wən lò shwaʼ u te wo, enyəa Zə kə̀ mafə fughu sɛ̀ â mùghù è doʼn təla zo. Mughù e te zəa e lô zəla Wɛ ù wə̄n fughuu â ghì ghò.

Faic an caibideil

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.

Faic an caibideil

Lean sinn:

Ceanglaichean taic

Sanasan

Sanasan