Bìoball air-loidhne

1 Dzɔ̌n 5:11 - To kə Kəzə̀ kə̀ Fughu ko

¹¹ Wən lò shwaʼ u te wo, enyəa Zə kə̀ mafə fughu sɛ̀ â mùghù è doʼn təla zo. Mughù e te zəa e lô zəla Wɛ ù wə̄n fughuu â ghì ghò.

Faic an caibideil Dèan lethbhreac

dol air ais ⬆

1 Dzɔ̌n 5:11
37 Iomraidhean Croise

Matìo 25:46

Ghe lo daŋso nîi tuū zəghàa ndûw ghee ghən an lùʼù wəla ghe lo koʼò tsɛlɛ̄ mùlǔŋ a fughu. Ghî a tsəghatsəgha a kê kuūwn kelê mùghù zəla e doʼò tən.”

Faic an caibideil

Dzɔ̌n 1:19

Dzûu təla tə fə̀ lo an Yɛ̀lusalɛ̀m n tum sə wò tə fɔ̀e ghèe ghê ghî a Lɛvì ghò, enyəa ghe bùghò bvʉ â Dzɔ̌n enyəa, “Ghù lò ndugho a?”

Faic an caibideil

Dzɔ̌n 1:4

Ù fə̀ ki emughù, mo mughù e te e lo tsə̀ â mbī e dzə̀m.

Faic an caibideil

Dzɔ̌n 10:28

M̀ fughuu ghee a mùghù zəla e doʼò tən, ghee kê yò sùghò alekpuūw ləŋe; fəgha kə̀ li kə yo alenìi nughù ghee aŋ ghùu mùghò.

Faic an caibideil

Dzɔ̌n 12:50

Lò êzə̀ mo Ŋ̀ kwo nû enyəa shwaʼ u wə̄n u lo mùghù è doʼn təla zo. Fəgha kə̀là Ŋ̀ kəā, M̀ bɔɔm kə̀aa ko aŋghəa bəghà mò naʼà wo â mùghò.”

Faic an caibideil

Dzɔ̌n 14:6

Yɛso n dzɛ̀ ndùw â wə̄n enyəa, “Ǹ lo dzì, yìa Ǹ lô səŋò zò àsùghò mùghù zò. Ghùw yo alebùghò tɛ̂ alô Bə̀ghà mò ù kà tsə̀ghà a zəŋò mùghò.

Faic an caibideil

Dzɔ̌n 19:35

(Ghùw wəla ù fə̀ kôʼ ghəa ghən gho, mafə̄ bughò teso dzɛ̀ ghəa a te gho — shwaʼ u wə̄n u lo êsəŋò. Vʉ̀a ù ndòʼ kwo sugho enyəa fəgha kəla e teso dzâa wo lǒ êsəŋò — enyəa to ghɛ̀ mô lò aleboō fughu â Zə̀ kò.)

Faic an caibideil

Dzɔ̌n 3:36

Ghùw wəla ù boō fughu nduw â wɛ̀ ù te, ù ki mughù è doʼn təla zo, wəla ù zuūw yo â Wɛ̀ ù te, ù kè zə̀ yo tuw ko; nʉghà u Kəzə̀ ù pfʉa u kê kǔuwn dòʼn tə̀là an tuw kə wə̄n.”

Faic an caibideil

Dzɔ̌n 4:36

Ghe tsəa nǔ ghùw wəla ù dùmlo êzə̄ŋ, vʉ̀a ù zùuŋ fʉghàzəa (ghî ghò) wəla ù doʼn təla wo, enyəa ghùw ù tǎa ghèe ghùwdùmlo ke e dzeŋe duʼnlo.

Faic an caibideil

Dzɔ̌n 4:4

Ù ŋ kì aletsə̀ghàa nyəā ndûw dzì an naʼ e Sàmalìa.

Faic an caibideil

Dzɔ̌n 5:21

Aŋghəa Tsele bɔɔ̄m zôo nughùun kɔʼɔ̄ ghî à kpuuwn gho alo evʉ̄, naaŋ wò ghee â tuw ko, wɛ bɔɔm fughuu sùghò êzə̀ mughù zò â ghì ghə̀là ù tsə̀m tsughu.

Faic an caibideil

Dzɔ̌n 5:26

Nu ghəa Tsele ù te bɔɔ̄m ki mughùu zò a zəŋò wə̄n, vʉ̀a ù m boo sùghò enyəa Wɛ̀ kele tsughuu sughò èmùghùu a zəŋò wə̄n,

Faic an caibideil

Dzɔ̌n 6:40

Tɔŋlo enyəa, kən lǒ to kə Bəghà, enyəa, ghùw wəla ù kôʼ tsughu Wɛ ù wə̄n ù nùu, vʉ̀a ù boō fughu nduw â wə̄n lo kele mùghù è doʼn təla zo, Ŋ̀ kê nîi nùghùsò kɔ̀ʼ wə̄n an tsuʼ fəla fə doʼò gûŋsò tsughu.”

Faic an caibideil

Dzɔ̌n 6:47

Kùmkùm, Ǹ dzâa wò â ghɛ̀ enyəa, ghùw wəla ù boō tsughu dzə̄, ù kì mughù è doʼn təla zo.

Faic an caibideil

Dzɔ̌n 6:68

Sàemòn, tɔɔŋ Pità m bɛ̀lɛ̀ tsùghu wə̄n enyəa, “Mughubè, ghàʼ lo alekòom ndûw a vʉ̀a ndùghò à? Shwaʼ wʉ̀a ù ki mughù zəla e doʼò tən.

Faic an caibideil

Lumà 5:21

Tò aŋghəa daʼa kə ebo kə fə̀ nî wô vʉ zo, à lò sugho eghəla dzɔ̂ è Kəzə̀ è ki daʼa ko aleghəŋlo enyəa ghuw e lo tsəghatsəgha â wən alekele mùghù è doʼn təla zo am bàm e Yɛso Kə̀lestò Mughùbè ù sɛ̀.

Faic an caibideil

Lumà 6:23

Ghɛ̀ kele tsughu enyəa, namso kəla ghùw kele am bo zəla ù ghəə̄ŋ tsughu lò evʉ, Zə̀ chia kə kuuwn tsôo ndzə̂əm fughuu ko mughù è doʼn təla zo am bàm e Kə̀lestò Yɛso, Mughùbè ù sɛ̀.

Faic an caibideil

1 Timotì 1:16

Zə̀ kə̀ ŋ kuuwn kwuso tsughu ese a zəŋò mùghò wəla mùgho fə̀ bûʼ bo tsəghà ko ghî à biigh gho a dzə̀m, aŋghəa Yɛso Kə̀lestò fə̀ kǔum maʼà tsughu ghue wo alebəghaasə mugho am bòo taŋa tǒ tsə̌a â ghî ghəla ghe naām ki aleboō fughu â wə̄n to ghe lo kelê mùghù èdoʼntəla zo.

Faic an caibideil

Taetùs 1:2

Tsʉ̂ è səŋò zən lo ghəəŋ nù ghe lo e mughu, kwo tən enyəa ghe lo kelê mùghù e doʼn təla zəla Zə̀ kəla kə kaʼn yô gha gho fə̀ to naŋā â wǐiwì.

Faic an caibideil

1 Dzɔ̌n 2:25

To kəla Kə̀lestò fə̀ to naŋā â sɛ̀ lò — Mughù è doʼn tela zo.

Faic an caibideil

1 Dzɔ̌n 4:10

Kùum kə eləgha kə yo dzə̂ enyəa sɛ̀ mò ləgha nduw Kəzə̀ esə̄, à kǔuwn lò enyəa Zə̀ kə mò sə kə ləgha wo dzə sɛ̀, tùm wo wɛ ù wə̄n ù nùu enyəa ù bùghò kpuw an tuw u sɛ̀, to kə ghuuw maʼa bòo tə sɛ̀.

Faic an caibideil

1 Dzɔ̌n 4:9

Ghən lò ghəa ghəla Zə̀ kə̀ fə̀ dê ləgha e wə̄n zo a te â sɛ̀: aŋghəa Ù fə̀ tum wo sɔ̀ʼ kə Wɛ kə wə̄n kə̀ nuù ko a te am mbī enyəa to sɛ̀ mô kele mùghù zəla e doʼò tən am bàm e wə̄n.

Faic an caibideil

1 Dzɔ̌n 5:10

Abugho ghùw boo fughu tsughu â Wɛ u Kəzə̀, à fi lo enyəa ù n nì nàŋa shwaʼ u te wo am fəŋ è wə̄n. Ghùw wəla ù taʼkè boo fughu shwaʼ wən wo, nîi ndùw enyəa Zə̀ kə̀ kaʼnlo àgha bòʼ u kà bǒo dzə̀ fəgha kəla Zə̀ kə̀ teso dzâa wo kùu ndùw Wɛ ù Wə̄n.

Faic an caibideil

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.

Faic an caibideil

1 Dzɔ̌n 5:7

A lò aghəa à təgha a teso dzâa ghəa gho enyəa Yɛso lǒ Wɛ ù Kəzə̀:

Faic an caibideil

3 Dzɔ̌n 1:12

Aghî a dzə̀m kɛ̌ɛ Dɛ̀mitiùs, səŋò e sô tsoō dêe sugho ghue wo a zəŋò wə̄n, ghəa a te yia a dêe enyəa ù lo ghùw ù dzùŋ. Ghuūghùe zaʼa zəa e dzâa wô sugho enyəa ù lo ghùw ù dzùŋ. Ghù vʉ̀a ghù ndòʼ kwo sugho enyəa abugho ghàʼ dzɛ̂ wô ghəa zo, e fi lo êsəŋò.

Faic an caibideil

Dzûd 1:21

Ghɛ̀ kwu kele tsughu ko nlò ghue zɛʼɛ zo an ləgha zəla Zə̀ kə ki â ghɛ̀ aŋghəa ghɛ̀ ləmlo â Mughùbè ù sɛ̀ Yɛso Kə̀lestò alefughu ghɛ̀ â mùghù e doʼn təla zo an se e wə̄n è kwuso zo.

Faic an caibideil

Edêe Fughu 1:2

Dzɔ̌n vʉ̀a ù teso mɛʼɛ̀ fəgha kə̀la ù fə̀ koʼ kùu ndùw shwaʼ u Kəzə̀ àsùghò êsəŋò kùu ndùw Yɛso Kə̀lestò.

Faic an caibideil

Edêe Fughu 22:1

Tsə̀ndə̄ghā e Kə̀zə̀ n daŋso dè wò mughò â dzùghù e kuŋu səa wo an ndàŋ è kə̀də̀ŋ è Kə̀zə̀ zə̀ àsùghò a zə̀ŋo Tsʉa u Ndzì u te wo, dzùghuu e te ŋ ki mùghù məla m fughu mughù zò, mò n zɔlɔ nyəghanlo tò eshiaghɔŋlo.

Faic an caibideil

Lean sinn:

Ceanglaichean taic

Sanasan

Sanasan