1 Dzɔ̌n 5:1 - To kə Kəzə̀ kə̀ Fughu ko

¹ Ghùw wəla ù kùm boō fughu tsughu enyəa Yɛso lǒ Bəghambī u te, ghùw te fi lo wɛ ù Kə̀zə̀. Ghùw wəla ù ləghaa Tsele ù te, ləghaa sùghò nû Wɛ ù te.

1 Dzɔ̌n 5:1 Iomraidhean Croise

Matìo 16:16

Sǎemòn, tɔɔŋ Pità m bɛ̀lɛ̀ tsùghù enyəa, “Ghù lǒ Kə̀lestò, wɛ ù Zə̀ kəla kə mughù tən.”

Lûk 7:5

tɔŋlo enyəa ù lə̀ghaa nù naʼ e sɛ̀ zò, vʉ̀a ù yòso, naʼ zəa e bəgha Ndùghènē.”

Dzɔ̌n 1:3

À fə̀ fʉgha wo u dzə̀m gbən wo Wə̄n an daʼa kə Kəzə̀, buw â Wə̄n to fəgha kə̀ li kə mô yò.

Dzɔ̌n 15:23

Ghùw wəla ù bàa mugho, bâa sùghò Bə̀ghà.

Dzɔ̌n 3:3

Yɛso mo e bɛlɛ̀ nù, dzɛ̀ â wə̄n enyəa, “Kùmkùm, Ǹ so Ǹ dzâa wô â ghù enyəa, ghùw yò alekòʼ fɔ̀e ù Kəzə̀ mo ghe kâ wə̄n kôom dzə̀ kuènlò.”

Dzɔ̌n 6:69

Ghǎʼ yia lo mò ghàʼ m boo fughu â ghù, kwo sugho enyəa ghù lǒ ù Wɛ ù Kə̀zə̀ ù tsùʼu.”

Dzɔ̌n 8:42

Yɛso n dzɛ̀ â ghee enyəa, “Abugho Zə̀ kə̀ mô lo tsele wɛʼɛ, to ghɛ̀ mô lə̀ghāa mùghò. Bò enyəa Ŋ̀ kâ fɛ bùghò dzə̀ aŋ ŋgəŋ zaŋā, à mùghò tum ghue ū Kə̀zə̀.

Kə̀fwàʼ 8:36

Felêp n daŋso dzɛ̀ â wə̄n enyəa, “Abugho ghù boō tsughu dzə̂ aŋ am fə̂ŋ zə̀ghà e dzə̀m, a lo nû alefughu ghû â mùghù ŋ Kə̀zə̀ mò êzə̄ŋ.” Ù m bɛ̀lɛ̀ tsùghù enyəa, “Mùghò m boo enyəa Yɛso lǒ Wɛ ù Kə̀zə̀.”

Kə̀fwàʼ 8:37

Aŋghəa ghe bwîi nduw an dziī, ghe n ndùw kòʼ tsùghu dzùghù è lì; kɛ̀ chi n daŋso dzɛ̀ tsùghù enyəa, “Àhâ kòʼô, dzùghùu zə̀n à! À tùghûu kwò Ǹ sô yô alenì mùghù ŋ Kə̀zə̌ a?”

Dzɛ̂ms 1:18

À mò tsə̄m tsughu Kəzə̀ enyəa sɛ̀ doʼò tsughu wɛ a wə̄n, an shwaʼ u wə̄n ù səŋò wəla sɛ̌ fə̀ zuw, enyəa sɛ̀ doʼò tsughu kətuw am fʉgha u wə̄n u dzə̀m wəla ù mò gbə̂n wo.

1 Pità 1:3

Sɛ̀ ki alefughuu zɔ̀ɔŋ ko â Zə̀ kò, Tselè ù Mughùbè ù sɛ̀, Yɛso Kə̀lestò. Bòʼ ghəa ù kwuso se zo a zəŋò sɛ̀, vʉ̀a ù ghəŋlo enyəa sɛ̀ è mughu mughù è fughu zo, aŋghəa ù fə̀ zôm nughù kɔʼ Yɛso Kə̀lestò alo evʉ. Zə̀ lò e ghee sɛ mughu, chìi tùʼ enyəa sɛ̀ lo kele mùghù è doʼn təla zo.

1 Dzɔ̌n 2:10

Ghùw wəla ù ki ləgha zo a zəŋò wàazə̀ fi boo dzəəŋ ghèe tsə̀, ghəa è li e yo dzə̀ a zəŋò wə̄n e lo aletsōom wə̄n enyəa ù ghəŋlo èbo.

1 Dzɔ̌n 2:29

Aŋghəa ghɛ̀ kwo enyəa Kə̀lestò lò ghùw ù tsəghatsəgha, e fi lo enyəa ghùw wəla ù ghəəŋ ghəa ghəla a lô tsəghatsəgha à lo wɛ ù Kə̀zə̀.

1 Dzɔ̌n 3:14

Sɛ̀ kwo nû enyəa sɛ̀ n sə̀ nùghùu wò aŋ kɔ̀n kə evʉ̄, tsə̀ghà wò am mùghù zəla e doʼò tən, bòʼ enyəa sɛ̀ ləghaa nù waazə̂ a sɛ̀ ghò. Ghùw wəla ù ləghaa yo waazə̂ ghò, ù fi nǎam lò ko am fàŋa kə evʉ̄.

1 Dzɔ̌n 3:17

Abugho ghùw ki fʉgha u mbī wo, vʉ̀a ù kòʼò nduw wàazə̀ wəla ù kuuwn laʼā kee, vʉ̀ ù ləghaa yo alefughu wə̄n, ù lô ênzə̂n aledzɛ̀ enyəa e ki nû ləgha e Kəzə̀ zò an fəŋ è wə̄n à?

1 Dzɔ̌n 3:9

Ghùw wəla ù lo wɛ u Kə̀zə̀ ghə̂əŋ ndùuŋ yò bo zo, bòʼ mwam u Kəzə̀ ù lo a zəŋò wə̄n. Ù kòom yo dzə̂ aleghəəŋ bo zo, bòʼ à wə̄n dzə Kəzə̀.

1 Dzɔ̌n 4:2

Dzì zəla a lo alekòʼòkɛlɛ Zuʼ tə Kəzə̀ a te lo enyəa: Ghùw wəla ù dzɛ̀ enyəa Yɛso Kə̀lestò fə̀ am mbī bugho to ghùw nsɔ̌ɔŋnchùw, ù fi ki zuʼ təla tə nughù wo aŋ ghùu Zə̀ kò.

1 Dzɔ̌n 4:20

Abugho ghùw dzɛ̀ enyəa e ləghaa Kə̀zə̀, vʉ̀a ù kuuwn bâa wàazə̀, ghùw ù te fi lòʼsò ghue u wə̄n. Tɔŋlo enyəa abugho ghùw yo aleləghā wàazə̀ mò ù kòʼò ndùw nû wə̄n, ù lo ênzə̂n aleləghā Kə̀zə̀ mò ù kaam wə̄n ŋ kôʼ kò a?

1 Dzɔ̌n 4:7

Fən ghaŋa gho, bùghò nlò to sɛ̀ è ləghaa ghue e sɛ̀ zo, nu à ghə̌əŋ tsughuu Kə̀zə̀ enyəa sɛ̀ è ləghaa ghue è sɛ̀ zò. Ghùw wəla ù ləghaa wàazə̀ kwo nù Zə̀ kò, vʉ̀a ù lò sugho wɛ ù Kəzə̀.

1 Dzɔ̌n 5:18

A kwo nû enyəa wɛ ù Kə̀zə̀ ù li yo ù ki aleghə̂əŋ ndûŋlò èbo, bòʼ enyəa Wɛ ù Kə̀zə̀ chìin nǔ wə̄n. Daʼa kə avʉatsə̄a chia kə yo sugho alemɔ̀m wə̄n.

1 Dzɔ̌n 5:4

Tɔŋlo enyəa, ghùw nsɔ̌ɔŋnchùw wəla ù lǒ ghèe Zə̀ kò təma zəa nǔ mbī. À lò boo zəla sɛ̀ ki ghè zò e ghəŋlo sɛ̌ yia ghaʼ mbī.

1 Dzɔ̌n 5:5

À lo ndughoo u lò aletəma zə̂ mbī lo a, mò à gɔ̀ʼɔ̀ ko yo ghùw wəla ù boo tsughu enyəa Yɛso lo Wɛ ù Kə̀zə̀?