1 Dzɔ̌n 4:9 - To kə Kəzə̀ kə̀ Fughu ko

⁹ Ghən lò ghəa ghəla Zə̀ kə̀ fə̀ dê ləgha e wə̄n zo a te â sɛ̀: aŋghəa Ù fə̀ tum wo sɔ̀ʼ kə Wɛ kə wə̄n kə̀ nuù ko a te am mbī enyəa to sɛ̀ mô kele mùghù zəla e doʼò tən am bàm e wə̄n.

1 Dzɔ̌n 4:9 Iomraidhean Croise

Mâk 12:6

Ǎ m bùghò dòʼòdòʼò kɔʼ ko ghùw u mɔ̀ʼ, wɛ̀ ù wə̄n ù tsùʼu ù nùu; ù n tùm mɛ̀ʼɛ̀ ndùw wə̄n a vʉ̀a ghee, mòʼò ko enyəa, ‘Ghe sô tsə̀ŋo tsughuu nǔ wɛ waŋā.’

Lûk 4:18

“Zuʼ tə Mughù ù te tə kê lò a zəŋò mùghò, bòʼ ù mò mugho tughu tsughu alenaʼn nduw Làbəlà è Dzùŋ â ghì à laa gho. Ù mùghò tum wò alenàʼà ndûw enyəa ghî ghəla ghe mò kɔʼ ndùghùtsāʼ mo ghe mǒ ghee kwu an tsam lo səā nù, n naʼà ndûw sughò enyəa ghî à foō a lo kòʼò àsə, àsùghò alebəghāa sə ghî ghəla ghe zuūw ŋgoʼ aŋ ghùu ghì à li gho.

Dzɔ̌n 10:10

Ghùwtsɔ̀ŋɔ bughò ko alebùghò tsɔŋ àsùghò alewī ŋkāa aledzùuw maʼà. M̀ fɛ bùghò enyəa ghî à kele èmùghù, ghe e laʼā yo fəgha ko.

Dzɔ̌n 14:6

Yɛso n dzɛ̀ ndùw â wə̄n enyəa, “Ǹ lo dzì, yìa Ǹ lô səŋò zò àsùghò mùghù zò. Ghùw yo alebùghò tɛ̂ alô Bə̀ghà mò ù kà tsə̀ghà a zəŋò mùghò.

Dzɔ̌n 3:16

Tɔŋlo enyəa Zə̀ kə fə̀ ŋge ləgha nu mbī alenìi fughuu wô sɔ̀ʼ kə wɛ̀ kə wə̄n kə mɔ̀ʼ enyəa mò ghùw bǒo fùghù ndùw dzə̀ â wə̄n, ghùw ù te ŋ kè kpuūw mîa alo kəleŋe, ù n laam kelê mùghù è doʼn təla zo.

Dzɔ̌n 3:18

Ghùw wəla ù bôo fughu nduw â wə̄n, Zə̀ kə̀ lo saʼa wə̄n; wəla ù dòʼkè boō fughu â wə̄n, Zə̀ kə̀ ŋ wə̄n saʼ chia kə naŋā wə̄n aŋ ŋgōʼ bòʼ ù kà bǒo fughu â sɔ̀ʼ kə Wɛ ù Kəzə̀ʼ kò.

Dzɔ̌n 5:23

enyəa ghî ghə̀n à dzə̀m è fughuu nduw wɛ â kɔʼso mò aŋ ghəa ghəla ghe bɔɔ̄m kɔʼso sugho Tsele ù te a te. Ghùw wəla ù fughu yo wɛ â kɔʼso mò fi kɔʼso sùghò yo Tsele wəla ù tum wo wə̄n.

Dzɔ̌n 6:29

Yɛso m bɛ̀lɛ̀ tsùghu ghee enyəa, “Ghəa zəla Zə̀ kə̀ ləghaa enyəa ghɛ̀ ghəŋlo lo enyəa, ghɛ̀ boo fughu nduw â ghùw wəla Ù tum wo.”

Dzɔ̌n 6:51

Ǹ lo bɛ kəla kə fughuu mughù zò kəla kə mò sə tsughu wô alo kəwālā. Ghùw wəla ù zə bɛ kən ko lo mùghùun tə̀la nù; bɛ kə te kəla Ŋ̀ lo fughuu alenaŋâ mùghùu e mbī lò ghue waŋā.”

Dzɔ̌n 6:57

Aŋghəa Tsele ù te wəla ù lò â tuw ko mò tum wô mugho, yìa M̀ mughu mò à lǒ Tsele ù te, à kè lo sugho enyəa, ghùw wəla ù pfʉ nyòm è ùghùe zaŋā lo mughùun sughò mò à lò mugho.

Dzɔ̌n 8:29

Ghùw wəla u tum sə wô mugho lǒ ghàʼ à wə̄n. Ù kê zə̀ghà màʼà kòʼ yò mugho, mugho à nəŋ ko bòʼ enyəa M̀ fwaʼà kô fəgha kəla kə tsəmsō fə̀ŋ è wə̄n.”

Dzɔ̌n 8:42

Yɛso n dzɛ̀ â ghee enyəa, “Abugho Zə̀ kə̀ mô lo tsele wɛʼɛ, to ghɛ̀ mô lə̀ghāa mùghò. Bò enyəa Ŋ̀ kâ fɛ bùghò dzə̀ aŋ ŋgəŋ zaŋā, à mùghò tum ghue ū Kə̀zə̀.

Dzɔ̌n 9:3

Yɛso m bɛ̀lɛ̀ tsùghu ghee enyəa, “À yo dzə̂ enyəa ghùw wə̄n fə̀ ghəəŋ bo è loʼ zo ŋkāa à fə̀ lo tsele ghèe zə̀, ghe fə̂ wə̄n enyə dzə wo aledèe tsughu daʼa kə Kə̀zə̀ a zəŋò wə̄n.

Lumà 8:32

Wən wəla ù fə̀ tâʼkè ghôʼ wɛ ù wə̄n, kuuwn nì fùghù sə̀ wò wə̄n tò kəfughu an tuw u sɛ̀ a dzə̀m. Abugho ù fə̀ lô alenìi fughuu səā wô Wɛ ù wə̄n ù nùu, fəgha kə̀ li kə kôom lò nû à ghèe wɛ u wə̄n lo aledòʼò mò ghe kâ â sɛ̀ nî fùghù wò à?

Hibùlù 1:5

À lǒ mò Zə̀ kə fə̀ dzɛ̀ kōʼ tsəgha dzə nû â tsə̀ndə̄ghā è lì enyəa, “Ghù lǒ wɛ waŋā, nɛ wən mùghò n dòʼo tsùghò.” Ŋkāa enyəa, “Ǹ doʼn tsùghuu tsele â wə̄n, ù dòʼò tsughu wɛ â mùghò a?”

1 Dzɔ̌n 3:16

Ghəa ghən ghə ŋ ghəŋlo sɛ̀ yia a zoʼn kele kɔʼ fəgha kəla ləgha e lo ghe kò, mo e lo enyəa: Tò aŋghea Kə̀lestò fə̀ boo tsughu alekpuw an tuw u sɛ̀, sɛ̀ ki aleboo tsughuu sughò alekpuw an tuw u waazə̂ a sɛ̀.

1 Dzɔ̌n 4:10

Kùum kə eləgha kə yo dzə̂ enyəa sɛ̀ mò ləgha nduw Kəzə̀ esə̄, à kǔuwn lò enyəa Zə̀ kə mò sə kə ləgha wo dzə sɛ̀, tùm wo wɛ ù wə̄n ù nùu enyəa ù bùghò kpuw an tuw u sɛ̀, to kə ghuuw maʼa bòo tə sɛ̀.

1 Dzɔ̌n 4:16

Ghue u eghùe e sɛ̀ zəa e kwo, boo fùghù tsùghù sùghò an ləgha zəla Zə̀ kə̀ ki a zəŋò sɛ̀. Zə̀ kə lo eləgha, ghùw wəla ù mùghū alo e ləgha lo ghèe Zə̀ kò, Zə̀ chìa kə ti sugho ghèe wə̄n.

1 Dzɔ̌n 5:11

Wən lò shwaʼ u te wo, enyəa Zə kə̀ mafə fughu sɛ̀ â mùghù è doʼn təla zo. Mughù e te zəa e lô zəla Wɛ ù wə̄n fughuu â ghì ghò.

1 Dzɔ̌n 5:13

Ŋ̀ ghəa ghən fɛ tɔɔ wò â ghɛ̀ ghəla ghɛ̀ boō fughu tsughu an zən e Wɛ ù Kə̀zə̀ tò ghɛ̀ kele tsughu enyəa ghɛ̀ ki mughù zəla e doʼò tən.