1 Dzɔ̌n 4:8 - To kə Kəzə̀ kə̀ Fughu ko

⁸ Ghùw wəla ù ləghaa yo wàazə̀ fi kwo yo Zə̀ kò, bòʼ enyəa Zə̀ kə̀ lo eləgha.

1 Dzɔ̌n 4:8 Iomraidhean Croise

2 Kòlentìan 13:11

Aletsəlā tsughuu ghəa ghən a waazə̂ ghò, dòʼo nlò kədzûŋ. E dəma tsughuu ko aleghəəŋ ghəa à dzûŋ ghəla a lô tsəghatsəgha, zuw nlò dî zaŋa zo. Dòʼo nlò alo kəfəgha kə mɔ̀ʼ, ghɛ̀ è mughu alo ebūghūnlō. To Zə̀ kəla kə dêe ləgha zo, fughuu sùghò èbughunlo mô lǒ ghɛ̀ à ghee.

Efɛsùs 2:4

À sò kuuwn lò ko enyəa Zə̀ kə̀ ŋge ki se è kwuso zo, bòʼ ləgha e wə̄n zəla kə ki â sɛ̀.

Hibùlù 12:29

tɔŋlo enyəa Zə̀ kə sɛ̀ kə̀ lo tò uwən u kpɛ̂ɛn maʼn wô luʼū to.

1 Dzɔ̌n 1:5

Zən fɛ̀ lò tum zəla ghàʼ lo mò ghàʼ n zuw aŋ ghulô Wɛ ù Kə̀zə̀, ghàʼ yia naʼ wo â ghɛ̀. Tum e te u lo enyəa: Zə̀ kə̀ lo tsə̀, kə ŋgəmso ki yo ghəa è li zo aleghəŋlo ghèe ləm ko.

1 Dzɔ̌n 2:4

Ghùw wəla ù dzɛ̀ enyəa, Ŋ̀ kwo nu wə̄n, mò ù kǔuwn naaŋ yo lwâŋ u Kəzə̀ wò, à lo ghùw wə̀ àgha. Ghùw ù te kwo yo ghəa è səŋò zò.

1 Dzɔ̌n 2:9

Ghùw nsɔ̌ɔŋnchùw wəla ù mòʼo enyəa e lo an tsə̂, kuuwn bàa wàazə̀, nǎam mùghù ko alo kələ̄m.

1 Dzɔ̌n 3:10

Zən lǒ ghəa zəla è dêe tsughuu enyəa wɛ a Kəzə̀ à lo nəŋo nəŋ a zəŋò wɛ a Satàn ghò: enyəa ghùw wəla ù ghə̂əŋ yò ghəa zəla e lô tsəghatsəgha, vʉ̀a ù ləghaa sughò yo wàazə̀, ù fi yo dzè wɛ u Kə̀zə̀.

1 Dzɔ̌n 3:6

Ghùw ù li yo ù ti ghu ko kə mɔ̀ʼ ghèe Kə̀lestò vʉ̀a ù kòom ghəəŋ bo zo. Ghùw wəla ù ghəə̄ŋ ndûuŋ ndûw ko bo zo, ù kwò yo Kə̀lestò, ŋkāa ù kaam bûʼ kòʼ kòʼ sùgho wə̄n.

1 Dzɔ̌n 4:16

Ghue u eghùe e sɛ̀ zəa e kwo, boo fùghù tsùghù sùghò an ləgha zəla Zə̀ kə̀ ki a zəŋò sɛ̀. Zə̀ kə lo eləgha, ghùw wəla ù mùghū alo e ləgha lo ghèe Zə̀ kò, Zə̀ chìa kə ti sugho ghèe wə̄n.

1 Dzɔ̌n 4:7

Fən ghaŋa gho, bùghò nlò to sɛ̀ è ləghaa ghue e sɛ̀ zo, nu à ghə̌əŋ tsughuu Kə̀zə̀ enyəa sɛ̀ è ləghaa ghue è sɛ̀ zò. Ghùw wəla ù ləghaa wàazə̀ kwo nù Zə̀ kò, vʉ̀a ù lò sugho wɛ ù Kəzə̀.