1 Dzɔ̌n 4:4 - To kə Kəzə̀ kə̀ Fughu ko

⁴ Ghɛ̀ a wɛ ghaŋa gho, ghɛ̀ yia lo ghî a Kəzə̀ ghò; ghɛ̀ yia təm zə sugho ghiīshʉ̀ghà ù biigh gho, nu ghùw wəla ù lò a zəŋò ghɛ̀, ù tughu tsə̀ghàtàʼà ghùw wəla ù lò a zəŋò ghì a mbī gho.

1 Dzɔ̌n 4:4 Iomraidhean Croise

Dzɔ̌n 12:31

Nəghā zə m kpē, zəla ghe lo saʼa mbī a te àsùghò aŋghəa ghe lo dzûu maʼn səā Satàn a te.

Dzɔ̌n 14:30

Ŋ̀ kôom ki yo ndə̀m è aghəa à kəaa gho sɛ̀, bòʼ enyəa ghùw wəla ù saʼā mbī zən bughò nù. Ù kì ki yo daʼa kə li ko a zəŋò mùghò.

Dzɔ̌n 16:11

Ù lo dêe ndûw â ghee enyəa Zə̀ kə̀ lo saʼā ghee, nu ghe ghùw wəla ù saʼā mbī zə saʼ tən.

Dzɔ̌n 17:23

Yìa Ŋ̀ gɔ̂ŋlo enyəa mùghò è lo fəgha ko kə mɔ̀ʼ ghàʼ à ghee tò aŋghəa ghù lò fəgha ko kə mɔ̀ʼ ghàʼ ghù, enyəa ghe e tɔ̄ʼ ti tǒ ghùw u mɔ̀ʼ, to mbī lo zuūwkɛ̄lɛ̄ enyəa a mùghò tum wò ghù, àsùghò enyəa ghù ŋ ghe ləgha to aŋghəa ghù ləghaa mugho a te.

Lumà 8:31

Abugho ghəa alo enyə, a n lo to a e dzɛ̂ èndugho a te à? Abugho Zə̀ kə̀ ti sɛ̀ à ghee, ghùw wəla ù kòom lo tò ù è tsûuwn lɔ̀m kə sɛ̀ à lò ndughoō?

Lumà 8:37

Ghəa è bûʼ lô ko ezə̀, sɛ̀ yia tsôo naam tughu tsəghà nduw ghəa a te gho a dzə̀m am bàm e Kə̀lestò wəla ù ləghaa sɛ̀.

1 Kòlentìan 2:12

Shʉghà wəla ghe fughu â sɛ̀ yo dzə̂ u mbī wo, a lò Zuʼ tə Kəzə̀, təla tə ghənlo enyəa sɛ̀ e lo alezuūwkɛlɛ̂ fughu kəla Zə̀ kə̀ fughu à sɛ̀.

1 Kòlentìan 6:13

Ghùw ù lì lò sugho nû aledzàa tsughu enyəa, “Fʉghàzəa u lo fəgha kə nʉ̀ghà kò, nʉghà vʉa u lô fəgha kə ufʉ̀ghàzəa ko.” Òo; à kǔuwn lò ko enyəa Zə kə lo dzùuw màʼn fʉgha u te wo u dzəm. Zə kə ka fə gwən e ughùe e ghûw è bɔm wò dzə aŋ ghəa a nuūŋ kaaŋ ghe eghùe gho, à fə̀ lo enyəa zə e lo alefwaʼā â Mughu ù te, enyəa Mughu ù te e lɛɛn sugho â gwən e ughùe e te zo.

2 Kòlentìan 4:4

Aŋ ghee ghən, ghəa ghe doʼŋkè boō fughu, zʉ̀ u mbī wə n tɔ u ghee u sâʼ màʼà, enyəa ghe lô koʼō dzɔ̀ɔdzɔ̀ tə aghəa təla tə lo an səghanyəgha mə̀là n lò an Làbəlà è Dzûŋ è Kə̀lestò wəla ù lǒ tò Kəzə̀.

2 Kòlentìan 6:16

Zʉ̀kɔ̂ŋ u ndûw nyə kə̀ŋ kə kwò an Ndùghù è Kə̀zə̀ è ne a? Nu sɛ̀ lo ndughu è Zə̀ kə̀la kə lô â tuw ko; aŋghəa ghuūghùe u Kəzə̀ kə fə̀ dzɛ̂ tsughu enyəa, “Mùghù kaŋa kə kê lò tsəgha ghàʼ à ghê ghì ghaŋa gho, mùghò e ke mughu am bvʉa e ghee, bwìi dzə̌əŋ ghàʼ à ghee. Mùghò e ke lo Zə̀ kə ghee ko, ghe e ke lo ghî ghaŋa gho.”

Efɛsùs 2:2

aŋghəa ghɛ̀ mò boʼ mughù tsəgha a te to ghî a mbī gho, ghɛ̀ m bwîi an lwàŋ u də̀ŋ kə zʉ̀ u biigh wəla u lo kaŋlo edzūŋ alo kəkwɛ̌ɛ, də̀ŋ kən lo zʉ̀ ù biigh wəla u fwaʼā ezəŋ a zəŋò ghì ghəla ghe tsughòsò maʼn Zə̀ kò.

Efɛsùs 3:17

àsùghò enyəa Kə̀lestò e mughu am fə̂ŋ tɛʼɛ bòʼ boo zəla ghɛ̀ ki â wə̄n. Ŋ̀ gɔ̂ŋlò enyəa to ghaŋ ghɛʼɛ a mô nyəā məla tsughu an ləgha zəla ghɛ̀ ki â Zə̀ kò àsùghò aŋ ghuè zɛʼɛ̄.

Efɛsùs 6:10

Gùŋsò kə eghəa kaŋā â ghɛ̀ lo enyəa, ghɛ̀ è tughuu an daʼa kə̀ ghaʼa kə̀ Mughu ù te ko, aŋghəa ghɛ̀ lô fəgha ko kə mɔ̀ʼ ghɛ̀ à ghee.

1 Dzɔ̌n 2:1

Ŋ̀ ghəa ghən fɛ tɔɔ wò â ghɛ̀ a wɛ ghaŋā gho, enyəa e kwo ko ghùw wɛʼɛ lô so e ghəŋlo èbo. Abugho ghùw ù mɔʼɔ̄ kpaʼ ghəəŋ tsughu bo zo, a ki nu ghùw wəla ù buʼū ghu ko an tuw u sɛ̀ a vʉ̀a Tsele ù sɛ̀, tɔɔŋ Yɛso Kə̀lestò, ghùw ù tsəghatsəgha.

1 Dzɔ̌n 2:13

Ŋ̀ ghəa ghən fɛ tɔɔ wò â ghê tselèwɛ̀, bòʼ ghɛ̀ ŋ kwo nu ghùw wəla ù fə̀ ki lô tsəgha to mbī e tsoō zîi tsughu. Ŋ̀ ghəa ghən tɔɔ wò â ghɛ̀ a waafəghàŋ ghò, bòʼ enyəa ghɛ ŋ ghaʼ ghùw ù bǐigh. Ŋ̀ ghəa ghən fɛ tɔɔ wò â ghɛ̀ a wɛghêtùghu gho bòʼ ghɛ̀ m boo fughu â Tsele u te.

1 Dzɔ̌n 3:20

abugho fə̂ŋ tə sɛ̀ tə̀ kê kɔlɔ̀ ko sɛ̀, nu a kwo nû enyəa Zə̀ kə̀ ghaʼ tsəghà fə̂ŋ tə sɛ̀, àsùghò enyəa kə kwo aghəa a dzə̀m.

1 Dzɔ̌n 3:24

Ghî ghəla ghe naaŋ lâŋ kə Kə̀zə̀ kò lò alo kəfəgha kə mɔ̀ʼ ghèe ghê Zə̀ ko, Zə̀ chia kə lo sugho ghèe ghee. Ghən lò sugho aŋghəa sɛ̀ kele a te enyəa Zə̀ kə̀ lo sɛ a ghee. Sɛ̀ ghəa ghən fɛ kele bò Zuʼ təla kə fughu â sɛ̀.

1 Dzɔ̌n 4:13

Aŋ ghəa ghən, sɛ̀ kwo enyəa, sɛ̀ lo nû sɛ̀ à ghê Zə̀ kò, Zə̀ chìa kə ti sɛ̀ à ghèe, bòʼ enyəa Kə m fughu sɛ̀ â Zuʼ tə wə̄n to.

1 Dzɔ̌n 4:16

Ghue u eghùe e sɛ̀ zəa e kwo, boo fùghù tsùghù sùghò an ləgha zəla Zə̀ kə̀ ki a zəŋò sɛ̀. Zə̀ kə lo eləgha, ghùw wəla ù mùghū alo e ləgha lo ghèe Zə̀ kò, Zə̀ chìa kə ti sugho ghèe wə̄n.

1 Dzɔ̌n 4:6

Sɛ̀ lo ghî a Kəzə̀ ghò. Ghùw wəla ù kwo Zə̀ kò zûuw fəgha kə̀là sɛ̀ dzâa. Ghùw wəla ù kuūwn kwo yo Zə̀ kò, zuuw yo â sɛ̀. Zən lô dzì zəla a lô alekele nəŋo nəŋ e Zuʼ təla tə lo tə̀ êsəŋò tò àsùghò təla tə lô tə agha to.

1 Dzɔ̌n 5:19

Sɛ̀ kwo nû enyəa sɛ̀ lo wɛ a Kəzə̀, aŋghəa mbī e dzə̀m tso bûʼ lo ko an daʼa kə avʉatsə̄a.

1 Dzɔ̌n 5:4

Tɔŋlo enyəa, ghùw nsɔ̌ɔŋnchùw wəla ù lǒ ghèe Zə̀ kò təma zəa nǔ mbī. À lò boo zəla sɛ̀ ki ghè zò e ghəŋlo sɛ̌ yia ghaʼ mbī.

Edêe Fughu 12:11

Ghe n təmzə kɔʼ wə̄n aŋ kàŋ tə Tsʉ u Ndzì u te wo àsùghò an êsəŋò zəla ghe kəaa, tɔŋlo enyəa ghe ka fə̀ŋ naŋa dzə̀ am mùghù e ghee, ghe m boo sùghò enyəa to ghe buʼù kpuwnlo.