1 Dzɔ̌n 4:21 - To kə Kəzə̀ kə̀ Fughu ko

²¹ Kən lò lâŋ kə̀là Kə̀lestò fughu sugho â sɛ̀ enyəa, “Ghùw wəla ù ləghaa Zə̀ kò ki aleləghaa sugho waazə̂ ghò.”

1 Dzɔ̌n 4:21 Iomraidhean Croise

Matìo 5:43

Ghɛ̀ n zuw ghəa ghe tɔm naŋā an làŋ kə Musî enyəa, ‘Ghù ki aleləghaa wàazùghù, bàa ghùwkə̀tuw wʉ̂a!’

Lûk 10:37

Tûw vʉ mo enyəa, “Ghùw wəla ù fə̀ kwuso se zo a zəŋò wə̄n.” Yɛso n daŋso dzɛ̀ â wə̄n enyəa, “Ndùw, ghù è bɔɔm ghəəŋ nduw ko êzə̀.”

Dzɔ̌n 15:12

Lâŋ kaŋa kə lo enyəa, ‘Ləgha nlò ghue zɛ̄ʼā zo tò aŋghəa Ǹ ləghaa ghɛ a te.

Gàlashìan 5:14

Tɔŋlo enyəa lwâŋ u Musî wə̀n u dzə̀m ghe n nì kwu kɔlɔ kɔʼ alo kəlàŋ kə mɔ̀ʼ mo kə dzɛ̂ enyəa “Ləgha wàazùghù tò aŋghəa ghù ləghaa ghue wʉ̀a wò a te.”

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

1 Tɛ̀sàlonìan 4:9

Ghàʼ ndôʼ kì dzə yo aletɔɔ wo ghɛ̀ â mwàʼsò kò kùu ndùw ləgha zə eghùe zɛʼɛ̄. Zə̀ kə̀ maā ghɛ ki zoʼnlo aŋghəa ghɛ̀ ki aleləghā ghue zɛʼɛ zo a te.

1 Pità 3:8

Alemìasò tsughu, ghɛ̀ a dzə̀m ki alemùghù alo kəfəgha kə mɔ̀ʼ, ləghàa ghue zɛʼɛ am fə̂ŋ e mɔ̀ʼ, ki se è kwuso zo àsùghò ghue è zumso zo.

1 Pità 4:8

Ghəa è səŋò zəla e lo ghè zò lò enyəa, e ləghaa nlò ghue zɛʼɛ zo am fə̂ŋ e mɔ̀ʼ, bòʼ kwò enyəa à lò eləgha e tsəla nàlà ndə̀mà tə tə̀bòo tò.

1 Dzɔ̌n 2:7

Fən ghaŋā gho, kən yo dzə̂ lâŋ kə fughu ko Ǹ tɔɔ wo â ghɛ̀; à lò lâŋ kə̀ wii kəla kə ki lô tsəgha dzə — kəla ghɛ̀ ki kwo tsəgha, tɔ̂ɔŋ làŋ kə̀ wii kəla ghɛ̌ fə̀ ki zuw.

1 Dzɔ̌n 3:11

Wən lò shwaʼ wəla ghɛ̀ mò zuw zîi wo; enyəa sɛ̀ e ləghaa ghue e sɛ̀ zò to waazə̂.

1 Dzɔ̌n 3:14

Sɛ̀ kwo nû enyəa sɛ̀ n sə̀ nùghùu wò aŋ kɔ̀n kə evʉ̄, tsə̀ghà wò am mùghù zəla e doʼò tən, bòʼ enyəa sɛ̀ ləghaa nù waazə̂ a sɛ̀ ghò. Ghùw wəla ù ləghaa yo waazə̂ ghò, ù fi nǎam lò ko am fàŋa kə evʉ̄.

1 Dzɔ̌n 3:18

Wɛ ghaŋa gho, sɛ̀ ki yo aleləghaa ko ghue zo aŋ ghəa à nəghaan kəaa gho, a ki sughu aledeē nduw ləgha zo an fwàʼ kə sɛ̀ àsùghò alo êsəŋò.

1 Dzɔ̌n 3:23

Kən lo lâŋ kə̀là ù tsəghàsò tsughu enyəa: Aleboo fughu an zən e Wɛ ù wə̄n ù nùu, Yɛso Kə̀lestò, àsùghò enyəa sɛ̀ e ləghaa ghue e sɛ̀ zo, aŋghəa Kə̀lestò fə̀ dzɛ̂ naŋa.

1 Dzɔ̌n 4:11

Fən ghaŋa gho, abugho Zə̀ kə fə̀ tɔ̂ʼ ləgha sɛ̀ ènyə, sɛ̀ ki sugho nû aleləghāa ghue e sɛ̀ zò.