1 Dzɔ̌n 4:17 - To kə Kəzə̀ kə̀ Fughu ko

¹⁷ Abugho sɛ̀ kûum ləghaa ghue e sɛ̀ zò, mùghù sugho tò aŋghəa Yɛso fè mughu fɛ a te am mbī, sɛ̀ kê ki yo tsəŋ zo abugho tsuʼ u saʼ u kê kpe wo.

1 Dzɔ̌n 4:17 Iomraidhean Croise

Matìo 10:15

Kùmkùm, aŋghəa Ǹ dzâa wô fɛ â ghɛ̀, abugho tsuʼ u təsaʼ u kê kpe tsughu, naʼ zə̀a ghɛ̀ nyuʼū dzə̀m a te, Zə̀ kə̀ kê kwùso nù se zo a zəŋò naʼ e Sodòm zò, àsùghò e Gòmolà zò, tsə̀ghàsə̀ aŋghəa kə kê kwuso se zo â naʼ e te zo.”

Matìo 10:25

Wàakə̀mwàʼsò bɔ̌ɔm mìaa kùm tsughu ko aledòʼò tǒ wàdè ù wə̄n, kɔ̂ɔ fə̀ e lo sugho aledòʼò tsughu tò mughùbè ù wə̄n. Abugho ghe zɔŋɔ̀ mughùbè enyəa ù lò Bɛzɛbùl, ghe n tso kuuwn tɔŋɔ kèndughu kə wə̄n enyəa à lǒ kwò!”

Matìo 11:22

M̀ fɛ so ŋ kuūwn dzâa wô â ghɛ̀ enyəa, a kê bugho an tsuʼ u sāʼ, Zə̀ kə̀ kê tsǒo kwuso yo se zo a zəŋò ghɛ̀ tò kə kê kwusō a zəŋò ghì a Tâe ghò àsùghò ghì a Sidɔ̀n ghò.

Matìo 11:24

Ǹ so Ǹ dzâa wô a ghɛ̀ enyəa an tsuʼ fəla Zə̀ kə̀ kê zaʼa ghî gho a te, Zə̀ kə̀ lo kwuso èse a zəŋò naʼ e Sodòm tsəghàtàʼà sə̀ aŋghəa kə lo kwuso a zəŋò ghɛ̀.”

Matìo 12:36

Ǹ so Ǹ dzâa wô â ghɛ̀ enyəa, abugho tsuʼ u te u kê kpe tsughu enyəa Zə̀ kə̀ fɛ saʼa àghì, chìa è ke taŋso ko shwaʼ u wə̄n ù dala wəla ù kə̌a ghè wò;

Dzɔ̌n 15:20

E moʼnlo nlò shwaʼ wəla mugho mò dzɛ̂ naŋā â ghɛ̀ enyəa, ‘Kɔ̂ɔ fə̀ tsəghàsə̌a tsə̀ghà yǒ mughùbè ù wə̄n.’ Abugho ghe mò lo alendzaŋso kaaŋ mùghò, ghe lo ndzaŋso kaaŋ sùghò nù ghɛ. Abugho ghe mò lo alezuūw naŋa shwaʼ waŋā, à fi lo enyəa ghe lo zuuw naaŋ sùghò nù shwaʼ wɛʼɛ wo.

Dzɔ̌n 17:22

Daʼa kəla ghù mò fughu â mùghò, mùghò m fùghù sùghò â ghee, enyəa ghe e lo fəgha ko kə mɔ̀ʼ to aŋghəa ghàʼ à ghù lò sughò fəgha ko kə mɔ̀ʼ.

Lumà 8:29

Ghî ghəla Zə̀ kə mò ki kwo ziī ŋ ghee tsuʼ naŋa enyəa ghee e lo sugho tǒ wɛ ù wən ù nùu wən, enyəa wɛ ù wə̄n ù nùu ù wən e lo wɛ ù sûesʉ am bvʉa e ndə̀m è ghì ghəla ghe boō fughu â Zə̀ kò.

Hibùlù 9:27

Ghuw kì ko alekpuw enəgha e mɔ̀ʼ, ghe n daŋso saʼ tsughu saʼ e wə̄n.

Dzɛ̂ms 2:13

Nu Zə̀ kə̀ lo kwuso yo se zo a zəŋò ghùw wəla ù saʼā sāʼ mò ù kwùso yo se zo. Zə̀ chia kə lo kuūwn kwusō se zo a zəŋò ghì ghəla ghe kwusō se zo abugho ghe saʼā ghî ghò an tia e sāʼ.

Dzɛ̂ms 2:22

Ghù n tɔ̀ʼ kòʼò a! Fə̀ŋ zəla ù fə̀ gaʼ tsughu a zəŋò Zə̀ kò ndûuw dzə̌əŋ ko ghèe fwàʼ kə wə̄n kə̀ dzûŋ kò. À fə̀ lo am fwàʼ kə wə̄n kə dzûŋ kò è fə̀ dê sə wo enyəa ù kùm gaʼ kpe to nǔ fə̀ŋ a zəŋò Zə̀ kò.

2 Pità 2:9

Abugho e lo êzə̀, à fi lo enyəa Mughu u te kwo nû alebəghaasə ghî ghəla ghe ghəə̄ŋ ghəa ghəla Zə̀ kə̀ ləghaa àsùghò alenìi kûum naŋâ ghì à biigh gho, ghe e ləəm tsuʼ u saʼ wo,

2 Pità 3:7

Zəa e kuuwn lô enyəa, an dzə̂ è mɔ̀ʼɔ e wə̄n e te, Zə̀ kə̀ m bàʼ nàŋa sə̀ wo wala kəla kə lo êzəŋ àsùghò ghueekətsə̄ ko enyəa ghe e ləəm tsughu tî kə̀la kə̀ kê saʼa wiī maʼn ghî ghəla ghe kwo yo wə̄n a te.

1 Dzɔ̌n 2:28

Tee tsughu ko nlò ghuw ko kə mɔ̀ʼ ghɛ̀ à ghê Kə̀lestò êzə̄ŋ à wɛ ghaŋa gho, to abugho ù kê bugho, ghɛ̀ e ke ki yo tsəŋ zo àsùghò tuw kə dəla ko aleteme a vʉ̀a wə̄n an tsuʼ fəla ù kè bugho ebàm a te.

1 Dzɔ̌n 2:5

Ghùw wəla ù kuūwn zuuw â Zə̀ kò, à lǒ ghùw ù te ù kùum kele tsughuu fəgha kə kəla ləgha e Kəzə̀ è lo ghè ko. Ghən lò ghəa ghəla sɛ̀ lo alekele enyəa sɛ̀ à ghê Zə̀ kə̀ lo nû alo kəfəgha ə mɔ̀ʼ:

1 Dzɔ̌n 2:6

Ghî ghəla ghe dzɛ̂ enyəa ghe lo alo kəfəgha kə mɔ̀ʼ ghèe ghê Zə̀ kò kì alebɔɔ̄m bwii ko aŋ ghùw kə ebwìi kè Yɛso Kə̀lestò.

1 Dzɔ̌n 3:1

Kòʼ nlò ləgha è ne è ne zəla Tsele ù te de wo â sɛ̀ a, enyəa ghe e tɔɔŋ sɛ̀ enyəa, sɛ̀ lo wɛ a Kəzə̀ a; sɛ̀ yia a kǔum lô sùghò wɛ a Kəzə̀ ghò a. Ghəa zəla ghî a mbī a kwo yo sɛ̀ enyəa sɛ lo wɛ a Kəzə̀ lò enyəa ghe mò kwo sugho yo Zə̀ kò.

1 Dzɔ̌n 3:3

À fi lo enyəa ghùw wəla ù chǐi tùʼ a zəŋò Yɛso, ù fi sūw zɔ̀nso tsughu ghue u wə̄n, tò aŋghəa Kə̀lestò zɔlɔ̄ a te tsɛʼɛ̀tsɛʼɛ̀.

1 Dzɔ̌n 3:7

Wɛ ghaŋa gho, e kwo ghɛ̀ lô bomlo enyəa ghùw ù lì sèe məŋso ghɛ! Ghùw wəla ù ghəə̄ŋ ghəa ghəla a lô tsəghatsəgha, ù lô ghùw ù tsəghatsəgha, tò aŋghəa Kə̀lestò lò tsəghatsəgha a te.

1 Dzɔ̌n 4:12

Ghùw ù lì kaām kôʼ kòʼ tsə̀gha Zə̀ kò; abugho sɛ̀ kuūwn kûu ləghaa ghue e sɛ̀ zò, Zə̀ kə n lo sɛ̀ à ghee, ləgha e wə̄n e dzə̀m zə ŋ kùm lò a zəŋò sɛ̀.