1 Dzɔ̌n 4:16 - To kə Kəzə̀ kə̀ Fughu ko

¹⁶ Ghue u eghùe e sɛ̀ zəa e kwo, boo fùghù tsùghù sùghò an ləgha zəla Zə̀ kə̀ ki a zəŋò sɛ̀. Zə̀ kə lo eləgha, ghùw wəla ù mùghū alo e ləgha lo ghèe Zə̀ kò, Zə̀ chìa kə ti sugho ghèe wə̄n.

1 Dzɔ̌n 4:16 Iomraidhean Croise

Dzɔ̌n 6:69

Ghǎʼ yia lo mò ghàʼ m boo fughu â ghù, kwo sugho enyəa ghù lǒ ù Wɛ ù Kə̀zə̀ ù tsùʼu.”

Dzɔ̌n 9:3

Yɛso m bɛ̀lɛ̀ tsùghu ghee enyəa, “À yo dzə̂ enyəa ghùw wə̄n fə̀ ghəəŋ bo è loʼ zo ŋkāa à fə̀ lo tsele ghèe zə̀, ghe fə̂ wə̄n enyə dzə wo aledèe tsughu daʼa kə Kə̀zə̀ a zəŋò wə̄n.

1 Kòlentìan 2:9

Aŋghəa e bûʼ lô ko êzə̀, ghe tɔm naŋa am Mwàʼsò kə Kəzè enyəa, “Fəgha kəla sə e lo mo e kaām kôʼ, ŋkāa tuūŋ kə lo mo kə ka n zuw sùghò, ŋkāa fəŋ è ghùw lǒ mò è kaam kele, à lò fəgha kəla Zə kə naŋā â ghì ghəla ghe ləghaa wə̄n.”

1 Dzɔ̌n 3:1

Kòʼ nlò ləgha è ne è ne zəla Tsele ù te de wo â sɛ̀ a, enyəa ghe e tɔɔŋ sɛ̀ enyəa, sɛ̀ lo wɛ a Kəzə̀ a; sɛ̀ yia a kǔum lô sùghò wɛ a Kəzə̀ ghò a. Ghəa zəla ghî a mbī a kwo yo sɛ̀ enyəa sɛ lo wɛ a Kəzə̀ lò enyəa ghe mò kwo sugho yo Zə̀ kò.

1 Dzɔ̌n 3:16

Ghəa ghən ghə ŋ ghəŋlo sɛ̀ yia a zoʼn kele kɔʼ fəgha kəla ləgha e lo ghe kò, mo e lo enyəa: Tò aŋghea Kə̀lestò fə̀ boo tsughu alekpuw an tuw u sɛ̀, sɛ̀ ki aleboo tsughuu sughò alekpuw an tuw u waazə̂ a sɛ̀.

1 Dzɔ̌n 3:24

Ghî ghəla ghe naaŋ lâŋ kə Kə̀zə̀ kò lò alo kəfəgha kə mɔ̀ʼ ghèe ghê Zə̀ ko, Zə̀ chia kə lo sugho ghèe ghee. Ghən lò sugho aŋghəa sɛ̀ kele a te enyəa Zə̀ kə̀ lo sɛ a ghee. Sɛ̀ ghəa ghən fɛ kele bò Zuʼ təla kə fughu â sɛ̀.

1 Dzɔ̌n 4:7

Fən ghaŋa gho, bùghò nlò to sɛ̀ è ləghaa ghue e sɛ̀ zo, nu à ghə̌əŋ tsughuu Kə̀zə̀ enyəa sɛ̀ è ləghaa ghue è sɛ̀ zò. Ghùw wəla ù ləghaa wàazə̀ kwo nù Zə̀ kò, vʉ̀a ù lò sugho wɛ ù Kəzə̀.