1 Dzɔ̌n 4:14 - To kə Kəzə̀ kə̀ Fughu ko

¹⁴ Sɛ̀ ŋ kòʼ, yia a teso dzàa sùghò enyəa, Tsele n tùm wǒ Wɛ ù wə̄n ù nùu enyəa ù bùghò bəghāasə̄ mbī.

1 Dzɔ̌n 4:14 Iomraidhean Croise

Dzɔ̌n 1:14

Shwaʼ u te wə n ndùw bùghò ghùw, tsùuŋ mùghùu tsughu sɛ̀ à ghee, Ù n dêe mɛ̀ʼn wò èsəŋò e dzə̀m aŋ ghəa a Kəzə̀, ŋgee dèe sùghò ghàʼ â ləgha zo. Ghàʼ a dzə̀m ŋ kòʼ daʼa kə wə̄n ko, daʼa kəla ù ki tǒ sɔ̀ʼ kə Wɛ kəla kə nughù wo a vʉ̀a Tsele.

Dzɔ̌n 1:29

Tsʉtsʉ vʉ̀, Dzɔ̌n mo e koʼò mo Yɛso sò sə̌a kəəŋ wò a vʉ̀a wə̄n. Dzɔ̌n n dzɛ̀ enyəa, “Kòʼ nlò Tsʉa u ndzì u Kə̀zə̀ wəla u ghəŋlo enyəa Zə̀ kə̀ ghuūw maʼà bòo tə ghì a mbī.

Dzɔ̌n 10:36

yia a bughò mugho, bəghà mò ndzəə̄m tsɔʼ kɔʼ nû, tùm nyə̀ wò am mbī; ghɛ̀ sô lǒ ênzə̂n alekoōm dzaā wo enyəa, ‘Ghù sùuwn Kə̀zə̀ a, bòʼ Ǹ dzɛ̀ enyəa, Ǹ lo Wɛ ù Kə̀zə̀ a?’

Dzɔ̌n 12:47

Ghùw wəla u zuuw shwaʼ waŋa wo, vʉ̀a ù tue alenìi naŋa, Ǹ yò tò mùghò e saʼ wə̄n, nu Ŋ̀ ka mo fɛ mbī nyə wò dzə̀ alebùghò saʼ aghî; mùgho mò laam nyə wo alebùghò bəghāsə̄ ghî a mbī ghò.

Dzɔ̌n 3:11

Kùmkùm, Ǹ dzâa wò â ghù enyəa, ghàʼ kə̂a wò kô ghəa ghəla ghàʼ kwo, dzàa wò sùghò fəgha kə̀la a lo mo aŋ kòʼ, ghɛ̀ yia tsoō zuūw yô shwaʼ waʼa wo.

Dzɔ̌n 3:32

Ù bɔ̌ɔm teso dzàa kô fəgha kə̀là ù kǒʼ ghè kò, àsùghò kə̀là ù zuw; ghùw ù mɔʼɔ̄ vʉ̀a ù tsoo nîi yô shwaʼ u wə̄n wo tò eghəa.

Dzɔ̌n 3:34

Tɔŋlo enyəa ghùw wəla Zə̀ kə̀ tum wo, ù kə̀aa sə̌a wò shwaʼ u Kəzə̀; nu Zə̀ kə kâ wə̄n â Zuʼ tə te fughu mò Kə fòʼ kɔ̀ʼ nû.

Dzɔ̌n 4:42

Ghe mo â wìzən vʉ enyəa, “À kòom bùʼ kà yò ko ghəa ghə̀là ghù mò dzɛ â ghàʼ a ghəŋlo enyəa ghàʼ boō fughu â wə̄n, ghùe e ghùe zaʼā zə n zuw, yia a boō tsughu enyəa tûw wə̄n kûm lò Bəghambī.”

Dzɔ̌n 5:39

Ghɛ̀ kəŋo kô ghəa ghəla a lô am mwàʼsò kə Kəzə̀, bòʼ ghɛ̀ sô moʼò enyəa à lò a te ghɛ̀ kele mughù è doʼn təla zo; mò à mgbàŋ lò ko mwàʼsò kə̀ mɔʼɔ̄ kən ko kə teso dzâa wô ghəa ghaŋa gho.

Kə̀fwàʼ 18:5

A m bùghò Saelàs nùghù wo an Màsɛ̀donìa ghèe Timotì, Pôl n nì kɔ̀ʼ nəgha e wə̄n e dzə̀m alekəaa ko shwaʼ u Kəzə̀ wò, teso ndùw tuŋlō u ghì a Dzùdîa enyəa Yɛso lo Kə̀lestò ù te.

1 Pità 5:12

À mùghò yôsò Saelàs (Sìlvanùs), wàazə̀ waŋa wəla Ǹ tɔ̂ʼ kwo enyəa ù lo tsəghatsəgha am boo e wə̄n, aletɔɔ̄ wô kə̀mà fə kəmwàʼsò fən fo â ghɛ̀. M̀ mwàʼsò kən kə tɔɔ wò â ghɛ̀ aletsʉ̀a wô ghɛ̀ àsùghò alefəghaan teso dzâa wô â ghɛ̀ enyəa ləgha e Kəzə̀ è kûum lò êsəŋò. Ghɛ̀ tee tən tsughu ko nlò a te.

1 Dzɔ̌n 4:10

Kùum kə eləgha kə yo dzə̂ enyəa sɛ̀ mò ləgha nduw Kəzə̀ esə̄, à kǔuwn lò enyəa Zə̀ kə mò sə kə ləgha wo dzə sɛ̀, tùm wo wɛ ù wə̄n ù nùu enyəa ù bùghò kpuw an tuw u sɛ̀, to kə ghuuw maʼa bòo tə sɛ̀.

1 Dzɔ̌n 5:9

Sɛ̀ boom nù ghəa ghəla ghî à teso dzâa wo, yìa à sò kuūwn lô enyəa fəgha kə̀là Zə̀ kə̀ teso dzâa wo tughu tsə̀ghàsə̀ kə ghûw kò. Zə̀ kə̀ ghəa ghən teso dzàa wò kùu ndùw Wɛ ù Wə̄n.