1 Dzɔ̌n 4:1 - To kə Kəzə̀ kə̀ Fughu ko

¹ Fən ghaŋā gho, kâ nlò e tsoō boom fughu ko â ghî ghən a dzə̀m ghe dzɛ̂ enyəa ghe ki Zuʼ tə Kəzə̀ mò ghɛ̀ kâ ghe bûʼ mɔ̀msò kòʼ tsughu dzə̀ alekele enyəa à Zuʼ tə te tə tə̂əm fughu to Kə̀zə̀ à; tɔŋlo enyəa ghiīshʉ̀ghà ghə agha a dûuw nù am mbī.

1 Dzɔ̌n 4:1 Iomraidhean Croise

Mâk 13:21

Mò à dzɛ̀ ko ndùghò â ghɛ̂ an nə̀gha e te zo enyəa, ‘Kòʼô! Mɛ̀sayà wən fɛ̄!’ Ŋkāa ‘Lɛɛn ndùw, u vʉ fî!’ E kwo ghù lò se boom nù.

Lûk 12:57

À lǒ kwò ghɛ̀ yo aletsughū boō tsughu aŋ ghəa zəla e lô tsəghatsəgha aŋ ghùe zɛʼɛ̄ lo a?

Lûk 21:8

Ù n daŋso bɛ̀lɛ̀ tsùghù enyəa, “Nǐ nlò ghôom zò, ghe lô sêe məŋso ghɛ; nu ndə̀m kè ndùw bùghòo fɛ enyəa ghe lo mugho, ghe e dzaā wo enyəa; ‘À lò mugho ghùw ù te! Nəghā e te e fɛ kpè dzə̀ nù!’ Kà nlò tsəghà tə̀ŋò tsùghu a bàâ ghee.

Kə̀fwàʼ 17:11

Dzûu tən fɛ mò nəəŋ kuuwn mbvuʼū ghəəŋ nû tsə̀ghàtàʼà təla tə mò lo an Tɛ̀sàlonikà, nu ghe mò zəən shwaʼ u te wo alo mmbuuw, tɔ̀ʼn zěe səa kɔʼɔ am mwàʼsò kə Kəzə̀ enyəa ghəa ghən lo to ezə̀ à.

Kə̀fwàʼ 20:29

Ŋ̀ kwo nû enyəa abugho Ǹ lo buw am bvʉa zɛʼɛ̄, ghî à li a lo ndùw bùghòo nù tò ubʉgha, ghe bughò saʼà maʼà tsughu ghɛ.

1 Kòlentìan 12:10

â ghùw ù li, Zuʼ tə̀ Zɔlɔ tə te tə m fughu wə̄n â fughu kə deē kə nsə̀ghàa kò; â ghùw ù lì, Zuʼ tə̀ Zɔlɔ tə m fughu tsughu wə̄n â fughu kə̀ dzaā kə ushʉ̀ghà u kə Kəzə̀ wò; â ghùw ù lì, Zuʼ tə̀ Zɔlɔ tə te tə ŋ ghəəŋ tsughu wə̄n alekwo enyəa fən lǒ zə̀a fə̀ dzûŋ fò ŋkāa à lǒ fə̀ biigh fo; â ghùw ù lì, Zuʼ tə te tə ŋ ghəəŋ tsughu wə̄n enyəa ù è kəaa ghəa gho an ndə̀m è sàʼà tə tənàʼà; â ghùw ù lì Zuʼ tə te tə ŋ ghəəŋ tsughu ù e zuuw dzaā wo ghəa gho an ndə̀m è sàʼà tə tənàʼà.

1 Kòlentìan 14:29

Ghɛ̀ m fughu tsughu sùghò kəbûʼ â ghiīshʉ̀ghà a Kəzə̀ ghò a bə̀ghà ŋkāa a təgha, ghe n dzɛ̀ wò sùghò ùshʉ̀ghà, ghî à li ghə n lo aletɔ̀ʼɔ̀ lɛɛ̄n nyəā tsughu ghəa yia ghe ghiīshʉ̀ghà yi mô dzɛ̂ wo.

1 Tɛ̀sàlonìan 5:20

Kà nlò è ghuuw maʼn shwaʼ u ghìishʉghà a Kəzə̀ ghò.

1 Tɛ̀sàlonìan 5:21

E mɔmso koʼō nduw nlò ghəa ghəla ghe dzɛ̀ a dzə̀m, ghɛ̀ ŋ kuuwn nìi naāŋ wò ko ghəla a lo à dzûŋ ghò.

2 Tɛ̀sàlonìan 2:2

enyəa fə̂ŋ tɛʼɛ tə ka e mbaa tsəŋ dzə ŋkāa tuw kɛʼɛ kə e ndzəghanlo abugho ghî a li a bughò dzɛ̂ wo â ghɛ̀ enyəa tsuʼ wəla Mughu ù te ki alebùghò a te wə m kpē. Ghɛ̀ ka e boom fughuu dzə â ghee abugho ghe bûʼ dzɛ̂ ko enyəa ghe ghəa a te gho à mò naʼa wo ghaʼ â ghee ghà mò zuw wo aŋ ghùu Zə̀ kò, ŋkāa à lò an tsʉ̀ zaʼa ghàʼ fughu wo â ghì ghò, ŋkāa enyəa à lò kəmwàʼsò ghàʼ tɔm.

1 Timotì 4:1

Zuʼ tə̀ Zɔlɔ tə dzàa zěe nù enyəa a kê bugho an tsuʼ məla Yɛso kè so e bughò èbàm a te, ghî à li a lo tuu màʼ nù alekòom boō an tsʉ̀ è səŋò zəla ghe fə̀ zuw kùu ndùw Yɛso, ghe e kôom boom fughu nduẁ â zʉ̀ wə agha wo àsùghò â tsʉ̂ e zèa m bǐigh mò.

2 Timotì 3:13

Ghî à biigh gho àsùghò ghəla ghe dzɛ̂ enyəa ghe lo kən mo ghe yo ghè kò lo e fəghaan boo ndzaʼn mɛʼn nduw, ghe ke e tseē kaaŋ ghî ghò, ghî ghə̀ è tseē sugho ghee.

2 Pità 2:1

Ghîishùghà ghə agha a lo səa kɔʼɔ nû am bvʉa zɛʼɛ̄, tò aŋghəa ghe fə̀ lo an tì kə̀ wii ko. Ghe lo e niī wo gha à kaʼn gho aŋ ghəa Kəzə̀; ghe lo tuū maʼà sughò Mughu ù te wəla ù mò zue sə tuw u ghee wo, e kê fi lo enyəa ghe ŋ ghue e ghee e boon maʼà.

1 Dzɔ̌n 2:18

Wɛ ghaŋā gho, nəgha e te zə m kpe aŋghəa ghe mò dzɛ̂ naŋā â ghɛ̀ enyəa ghùwkə̀tuw ù Kə̀lestò lo bùghò nù, alebùʼù nì tsughu ko ezəŋ ndə̀m è ghee m bùghò. Zən lô dzì zəla a kele a te enyəa nəgha zəla mbī so e bughò mîa a te, zə m kpe.

1 Dzɔ̌n 2:7

Fən ghaŋā gho, kən yo dzə̂ lâŋ kə fughu ko Ǹ tɔɔ wo â ghɛ̀; à lò lâŋ kə̀ wii kəla kə ki lô tsəgha dzə — kəla ghɛ̀ ki kwo tsəgha, tɔ̂ɔŋ làŋ kə̀ wii kəla ghɛ̌ fə̀ ki zuw.

2 Dzɔ̌n 1:7

Ndə̀mà tə ghî ghə agha tə n sə̀ ndùw am mbī, ghî ghəla ghe tuū maʼnlo enyəa Yɛso Kə̀lestò ka fə fɛ am mbī bughò dzə̀ to ghùw. Ŋgòʼ e ghì ghən lo ghî ghəla ghe sèe məŋso ghî ghò, lò sugho ghîikətuw a Yɛso.

3 Dzɔ̌n 1:11

Fən waŋa ù dzûŋ, kà e koʼo niī ghəa è biigh zo, e kuuwn koʼo niī ko ghəa e dzûŋ zò. Ghùw wəla ù ghəəŋ ghəa à dzûŋ ghò, à lǒ wə̄n ghùw ù Kə̀zə̀. Ghùw wəla ù ghəəŋ ghəa à biigh gho kaam kwo yo Zə̀ kò.

Edêe Fughu 2:2

“Ŋ̀ kwo nû ghəa ghə̀là ghɛ̀ lo mò ghɛ̀ ŋ ghəŋlo àsùghò ghə̀là ghɛ̀ lo mò ghɛ̀ m fwàʼ, yìa Ŋ̀ kwo sugho zə zəla ghɛ̀ ka tsughu am fala zɛʼɛ. Ŋ̀ kwo sugho nû aŋghəa ghɛ̀ tsoō boōm naāŋ yô ghî à bǐigh gho an lùʼu kɛʼɛ, ghɛ̀ yia mɔ̂m kôʼ sughò ghì ghəla ghe tɔɔ̄ŋ ghue e ghee zo enyəa ghe lo tətūm mo ghe yô dzə̂, kòʼ tsùghù enyəa ghe lo ghî ghə agha.