1 Dzɔ̌n 3:7 - To kə Kəzə̀ kə̀ Fughu ko

⁷ Wɛ ghaŋa gho, e kwo ghɛ̀ lô bomlo enyəa ghùw ù lì sèe məŋso ghɛ! Ghùw wəla ù ghəə̄ŋ ghəa ghəla a lô tsəghatsəgha, ù lô ghùw ù tsəghatsəgha, tò aŋghəa Kə̀lestò lò tsəghatsəgha a te.

1 Dzɔ̌n 3:7 Iomraidhean Croise

Matìo 5:20

Ghəa Ǹ dzâa wô fɛ â ghɛ̀, à gɔ̀ʼɔ̀ ko mò ghɛ̀ doʼò tsùghù tsəghatsəgha tsə̀ghàtàʼà tsughu ghê Dèekə̀làŋ à ghì a Falasîi ghò, ghùw wɛʼɛ kê tsò nyə̀ kòʼ yò am fɔ̀e u kəwālā.”

Lûk 1:75

Sɛ̀ ke e lo tsəghatsəgha, zɔlɔ sùghò an sə kə wə̄n to mbī kê bughò mîa.

Kə̀fwàʼ 10:35

abugho à tso lô ko ndugho, an nàʼà mə̀n ndzə̀mdzə̀m, ù tsəŋ tsughu wə̄n, ghəəŋ ndùw ghəa ghəla a lô tsəghatsəgha, ù n nì nàŋa wə̄n.

Lumà 2:13

Tɔŋlo enyəa a yo dzə̂ ghî ghəla ghe zhəən ko lâŋ kò ghe lô tsəghatsəgha an sə kə Kəzə̀, à lǎam lò ghî ghəla ghe naaŋ lâŋ kò ghe lô tsəghatsəgha an sə kə Kəzə̀.

1 Kòlentìan 6:9

Ghɛ̀ kwo yo enyəa ghî ghəla ghe yô dzə̂ tsəghatsəgha lo zəa yo fɔ̂e u Kəzə̀ wò à? E kwo ko fəgha kə li kə lô nɔɔ̄m ghɛ; ghùw ù li aŋ ghì ghən, ŋkāa à lò nùuŋ kə ghûw, ŋkāa wəla ù kɔʼsō mùʼù mò, ŋkāa wəla ù lǒ bwìkòʼ kò, ŋkāa ghînû ghəla ghe nyə̂əŋ dzəə̄ŋ ghue zo ghèe ghê yìnû à li gho,

Efɛsùs 5:6

E kwo ko ghùw ù lì lô so e bughô nìi wò zuum tə ushwāʼ tə̀ li to, ù buū fwəlà tsughu tɔ wɛʼɛ̀ a te, tɔŋlo enyəa à lǒ bòʼ ghəa ghən gho Zə̀ kə̀ dêe nʉgha u wə̄n u pfʉa wo a te a zəŋò ghì ghəla ghe zuūw yo â wə̄n.

Efɛsùs 5:9

Abugho ghuw ti an tsə̂, ghəa ghən a dzə̀m ù ghəŋlo ghə n dzɔ̂ɔ, lò tsəghatsəgha, lò sugho èsəŋò.

Fèlepìan 1:11

Yɛso Kə̀lestò kè ghə̌əŋ sùghò nù mughù zɛʼɛ zə e ke lo è dzûŋ zò, zəla e ki kɔʼso mò à kəma mò â Zə̀ kò.

Hibùlù 1:8

Zə̀ chia kə kuuwn dzɛ̂ tsughu kùu ndùw Wɛ̀ ù te enyəa, “Ndàŋ zə̀ghà dòʼò tə̀n nu, O Zə̀ kò, dòʼò tən ko êsəŋò, Ghù ke kwu kele ghî ghə̀a ghò an dziī zəla è lo tsəghatsəgha.

Hibùlù 7:2

Abə̀làhâm n nì kɔʼ fʉgha wən ù dzə̀m ù mò təm zə wo an tsam dzùghùu tsughu alo ukwaʼ eghəm, nì sə̀ wò kəkaʼ kə mɔʼ a te fughu nduw â Mɛ̀chisɛdɛ̀k. Zən e Mɛ̀chisɛdɛ̀k zən mòʼnlo enyəa, “Də̀ŋ kə tsəghatsəgha ko.” Mo e moʼn sùgho enyəa, “Dəŋ kə Salɛ̀m kò.” Tɔ̂ɔŋ “Dəŋ kəla kə nîi wô bughuun zo.”

Dzɛ̂ms 1:22

Kà nlò doʼò tsùghù dzə̀ ghî ghəla ghe tsêe ghue e ghee zo alezūuw ko ghəa gho an utùŋlō, kuuwn dòʼo tsughu nlò ghî ghəla ghe fwaʼà fəgha kəla shwaʼ u Kəzə̀ u dzâa ghè kò.

Dzɛ̂ms 2:19

Ghù bǒo fughu nû enyəa Zə̀ kə̀ lo ko kə mɔ̀ʼ a? Abugho ghù boō fughu dzə êzə̀, ghù fi ti a te, zʉ̀ ù biigh u bûʼ bǒo fùghù sùghò êzə̀, vʉa u tsəŋo sugho.

1 Pità 2:24

Ghuūghùe u Kə̀lestò ù mafə boʼò mbuŋ kə təbòo kə sɛ̀ kò alo kədàŋlo, enyəa tò sɛ̀ e lo tò ghî a kpuuwn gho abugho e bughò tɛ̌ tsughu aleghəŋlo ebo, sɛ̀ è mughu mughù e tsəghatsəgha zo. Fəŋ ghəla ù fə̀ kele mafə̄ baaŋ sɛ̀.

1 Dzɔ̌n 2:1

Ŋ̀ ghəa ghən fɛ tɔɔ wò â ghɛ̀ a wɛ ghaŋā gho, enyəa e kwo ko ghùw wɛʼɛ lô so e ghəŋlo èbo. Abugho ghùw ù mɔʼɔ̄ kpaʼ ghəəŋ tsughu bo zo, a ki nu ghùw wəla ù buʼū ghu ko an tuw u sɛ̀ a vʉ̀a Tsele ù sɛ̀, tɔɔŋ Yɛso Kə̀lestò, ghùw ù tsəghatsəgha.

1 Dzɔ̌n 2:26

Ŋ̀ ghəa ghən fɛ â ghɛ̀ tɔɔ wò kùu ndùw ghî ghəla ghe ləghaa alesèe məŋso ghɛ̀.

1 Dzɔ̌n 2:29

Aŋghəa ghɛ̀ kwo enyəa Kə̀lestò lò ghùw ù tsəghatsəgha, e fi lo enyəa ghùw wəla ù ghəəŋ ghəa ghəla a lô tsəghatsəgha à lo wɛ ù Kə̀zə̀.

1 Dzɔ̌n 3:18

Wɛ ghaŋa gho, sɛ̀ ki yo aleləghaa ko ghue zo aŋ ghəa à nəghaan kəaa gho, a ki sughu aledeē nduw ləgha zo an fwàʼ kə sɛ̀ àsùghò alo êsəŋò.

1 Dzɔ̌n 3:3

À fi lo enyəa ghùw wəla ù chǐi tùʼ a zəŋò Yɛso, ù fi sūw zɔ̀nso tsughu ghue u wə̄n, tò aŋghəa Kə̀lestò zɔlɔ̄ a te tsɛʼɛ̀tsɛʼɛ̀.

1 Dzɔ̌n 4:17

Abugho sɛ̀ kûum ləghaa ghue e sɛ̀ zò, mùghù sugho tò aŋghəa Yɛso fè mughu fɛ a te am mbī, sɛ̀ kê ki yo tsəŋ zo abugho tsuʼ u saʼ u kê kpe wo.