1 Dzɔ̌n 3:5 - To kə Kəzə̀ kə̀ Fughu ko

⁵ Ghɛ̀ kwo nû enyəa ù fə̀ fɛ am mbī nyə wo alebùghò alenìi nughù bôo tə sɛ̀, mò ù ka fə ghəəŋ boon kòʼ ghəa e li zo.

1 Dzɔ̌n 3:5 Iomraidhean Croise

Matìo 1:21

ù lo dzə̄a wò wɛ ù nuu, ghù lo tsʉ tsughu zən e wə̄n zo enyəa à lò Yɛso; tɔŋlo enyəa ù kè bə̀ghasəa ghì a wə̄n aŋ ghùu bòo tə ghee to.”

Lûk 23:41

Sɛ̀ fɛ lǒ, sɛ̀ kûu fǎan kpēe to nù, bòʼ ghəa a sɛ̀ à ghəəŋ gho; tûw wən kâ ghəa e kuuwn bonlo.”

Lûk 23:47

A m bùghò êzəŋo komndzūghū vʉ kôʼ tsughu ghəa yia a sə kɔʼ, ù m fùghù ndùw ŋkɔʼso â Zə̀ kò, dzɛ̀ tsùghù enyəa, “Ghùw wən mò kuūm lo ghùw ù tsəghatsəgha.”

Dzɔ̌n 1:29

Tsʉtsʉ vʉ̀, Dzɔ̌n mo e koʼò mo Yɛso sò sə̌a kəəŋ wò a vʉ̀a wə̄n. Dzɔ̌n n dzɛ̀ enyəa, “Kòʼ nlò Tsʉa u ndzì u Kə̀zə̀ wəla u ghəŋlo enyəa Zə̀ kə̀ ghuūw maʼà bòo tə ghì a mbī.

Dzɔ̌n 1:31

Ghuūghùe waŋā, mùgho mò kwo sugho yo Wə̄n. E lo enyəa Ŋ̀ ghî à fɛ fughuu â mùghù ŋ Kə̀zə̀ mò aletsʉā naŋā kɔʼ sə ghɛʼɛ̄, ghɛ̀ ghî ghə Ezə̀lɛ̂, enyəa ghɛ̀ e lo alekòʼòkɛlɛ̄ Wə̄n.”

Dzɔ̌n 14:30

Ŋ̀ kôom ki yo ndə̀m è aghəa à kəaa gho sɛ̀, bòʼ enyəa ghùw wəla ù saʼā mbī zən bughò nù. Ù kì ki yo daʼa kə li ko a zəŋò mùghò.

Dzɔ̌n 8:46

À lò ndughoo am bvʉa zɛʼɛ̄, ù lò aledèe wò bo zəla Ŋ̀ ghəŋlo a? Abugho à lò enyəa Ŋ̀ kə̂aa èsəŋò, à lǒ kwò ghɛ̀ sô boōm fughu wô yo â mùghò à?

2 Kòlentìan 5:21

Kə̀lestò mò ki yo bo è li zo, Zə̀ kə̀ ŋ ghəŋlo è tsughu ù n dòʼò tsùghu tò ghûw ù bǐigh bòʼ ghəa e sɛ̀, enyəa aŋghəa sɛ̀ à ghee təmdzəə̄ŋ kɔʼ, a ke e dzeŋe lo sugho tsəghatsəgha a vʉ̀a Zə̀ kò.

1 Timotì 1:15

Shwaʼ wən wo enyəa, “Kə̀lestò Yɛso fə̀ fɛ am mbī bugho alebəghaasə ghî à biigh gho.” Shwa u t e u lo êsəŋò ghùw vʉ̀a ù lo aleboō fughu a te. Yìa M̀ fɛ̂ɛn tsəgha ghe a dzə̀m.

1 Timotì 3:16

Ghùw ù li yo aletuū maʼà nàn kə eghəa kəla kə lo aŋ ghəa a Kəzə̀ ghən enyəa, Ù fə̀ a m mbī bugho tǒ ghuw wə̀ nsɔ̌ɔŋnchùw. Zuʼ tə Kəzə̀ tə̀ n dè wò enyəa ù lo tsəghatsəgha, Tsə̀təndə̄ghā tə Kəzə̀ tə̀ ŋ kòʼ wə̄n. Ghî ghə̀ n zoʼn ŋgə̀a wò àghì aŋ ghəa a wə̄n alo tənàʼà tə dzə̀m. Mbī e dzə̀m m boo fùghù ndùw â wə̄n. Ghe n nì nyə̀ kɔ̀ʼ ndùw wə̄n alo kəwala alo n nsəghānyəghā.

Taetùs 2:14

À lǒ wə̄n wəla ù fə̀ kpuw an tuw u sɛ̀ alebəghaasə sɛ̀ aŋ ghəa a sɛ̀ à biigh gho, àsùghò alesùuw maʼà bòo tə sɛ̀ enyəa sɛ̀ doʼò tsughu a wə̄n gho aghî, a e moʼn təla ko aleghəŋlo èdzɔ̀.

Hibùlù 1:3

Ù dèe wò nyəghaan zəla e lo an səghanyəgha ŋ Kə̀zə̀, vʉ̀a ù bɔɔ̄m fweēn ko Zə̀ kò, ghəa ù kwu kele mbī an daʼa kə shwaʼ u wə̄n. A m bùghò ù ghəə̄ŋ tsughu enyəa Zə̀ kə̀ ghuūw maʼà bòo tə aghì, ù n doʼò tsùghù aŋ kwe u Kwîfɔ̀e ù təma wo alo kəwālā.

Hibùlù 4:15

Tɔŋlo enyəa Tuw kə fɔ̀e kəla sɛ̀ ki, à yò dzə kəla kə buw alekwuso èse a zəŋò sɛ̀ abugho sɛ̀ bvʉ̂ kôom tsughu; sɛ̀ laam ki Tuw kə fɔ̀e kəla kə lǒ mo ghe ŋ wə̄n tsoom kaŋlo alo tədzìī tə dzə̀m, to ghe mò tsoōm kôʼ sugho sɛ̀, ù ŋ kè kuūwn ŋgəmso ghəŋlo èbo.

Hibùlù 7:26

E mò kpe nû enyəa a kele tsughu ŋgòʼ è tuw kə fɔ̀e tò kən, ghùw mò u zɔlɔ nù, ki yo tsû wò, ki yo dzʉ wo, yò dzəəŋ dzə̂ ghèe ghê ghì à biigh gho, mò Zə̀ kə̀ ŋ wə̄n alo kəwala kɔʼso naŋa kɔʼ.

Hibùlù 9:26

Abugho e mò lo ezə̀, à fi lo enyəa to Kə̀lestò mò fala ndə̀mà tə̀nəgha alekaʼa nughù wô aŋghəa mbī mò kaʼ tsughu. E fɛ kuuwn lo enyəa, ù fə̀ tee sə tən wo ko e nəgha e mɔ̀ʼ aŋghəa mbī fə̀ kaʼa wo alemìaa, alesùuw maʼà èbo aŋghəa ù fə̀ nî fughu sə wô ghue u wə̄n wo a te tò kefughu.

Hibùlù 9:28

E lo sugho êzə̀ enyəa ghe mǒ Kə̀lestò fɛ sɛ tən nduw ko enəgha e mɔ̀ʼ alenìi nughù bòo tə ndə̀mà tə aghì. Zəa e lô sugho enyəa ù kè kòom bùgho kpèʼe nù alebùghò kôʼ ghî ghəla ghe mbûuŋ keē wə̄n, mò ù kòom bùghò yo alebùghò sûuw maʼà bòo tə aghì, mò ù bùgho alebùghò bəghāsə̄ ghee.

1 Pità 1:18

Ghɛ̀ kwo nû enyəa ghe fə̀ tsə tsəgha nduw fəgha kə̀ səŋò kò alezuū sə tuw kɛʼɛ aŋ ghəa a biigh ghəla ghɛ̌ fə̀ kôʼ ni aŋ ghùu ghê tsele ghɛʼɛ̄. À fə̀ yo dzə alo kəfəgha tò etsɛ ŋkāa tia è nyəghaan zo, u fʉgha to u e boō mîaa.

1 Pità 1:20

Zə̀ kə fə̂ mbī kaʼ tsughu alegbə̀n mo kə n wə̄n shîa naŋa kɔʼ dzə̀, a m bùghò nəgha e kpe tsughu, ghe n nì dè sə wò wə̄n an tuw wɛʼɛ.

1 Pità 2:22

Ù ka fə bo è li e ghəəŋ kòʼ dzə̀, ù ka fə gha è li tso kàʼ kòʼ sùghò.

1 Pità 2:24

Ghuūghùe u Kə̀lestò ù mafə boʼò mbuŋ kə təbòo kə sɛ̀ kò alo kədàŋlo, enyəa tò sɛ̀ e lo tò ghî a kpuuwn gho abugho e bughò tɛ̌ tsughu aleghəŋlo ebo, sɛ̀ è mughu mughù e tsəghatsəgha zo. Fəŋ ghəla ù fə̀ kele mafə̄ baaŋ sɛ̀.

1 Pità 3:18

Nu Kə̀lestò fə̀ kpuw ni nughu bôo tɛʼɛ tə dzə̀m enəgha e mɔ̀ʼ nì nùghù tən ko nù, lò êzə̀ mo ù ka fə ghəa è li ghəəŋ boon kòʼ tsəghà, ù m bùgho kpùw an tuw u ghì a biigh gho, alenìi kwəla wô sɛ̀ a vʉ̀a Zə̀ kò. Aŋghəa ghe fə̀ bûʼ wi tsughu ko wə̄n, ghe fə wə̄n wi tǒ ghùw, daʼa kə Kəzə̀ kə̀ n zòm nùghùu kɔ̂ʼ zəŋso kə wə̄n.

1 Dzɔ̌n 1:2

Ghəa ghəla Shwaʼ wəla u fughu mughù zò fə̀ sə wo am mbī, ghàʼ mo è koʼ. A fɛ kə̀aa wò â ghɛ̀ kùu ndùw Shwaʼ u te wəla ù fughu mughù è doʼn təla zo, wəla u fə̀ lo ghèe Tsele, bòʼ enyəa u mafə bughò dè ghue u wə̄n wo â ghàʼ.

1 Dzɔ̌n 1:7

Abugho sɛ̀ kuūwm mughu an tsə̂, tò aŋghəa kə lo an tsə̂, à fi lo enyəa sɛ̀ a dzə̀m lò alo kəfəgha kə mɔ̀ʼ, Kâŋ tə Wɛ ù Wə̄n tɔɔŋ Yɛso, tia tə sûuw maʼn sughò bôo tə sɛ̀ tò tə dzə̀m.

1 Dzɔ̌n 2:1

Ŋ̀ ghəa ghən fɛ tɔɔ wò â ghɛ̀ a wɛ ghaŋā gho, enyəa e kwo ko ghùw wɛʼɛ lô so e ghəŋlo èbo. Abugho ghùw ù mɔʼɔ̄ kpaʼ ghəəŋ tsughu bo zo, a ki nu ghùw wəla ù buʼū ghu ko an tuw u sɛ̀ a vʉ̀a Tsele ù sɛ̀, tɔɔŋ Yɛso Kə̀lestò, ghùw ù tsəghatsəgha.

1 Dzɔ̌n 2:2

À lǒ wə̄n ghùw wəla ù mò boʼō nughu mbùŋ kə təbòo kə sɛ̀ kò. Ù ka fə ka bòʼò nùghù ko mbùŋ kə sɛ̀ kò, ù fə̀ boʼō nughu sugho mbùŋ kə təbòo kə ghì ghə̀n a dzə̀m am mbī.

1 Dzɔ̌n 2:29

Aŋghəa ghɛ̀ kwo enyəa Kə̀lestò lò ghùw ù tsəghatsəgha, e fi lo enyəa ghùw wəla ù ghəəŋ ghəa ghəla a lô tsəghatsəgha à lo wɛ ù Kə̀zə̀.

1 Dzɔ̌n 3:8

Ghùw wəla ù ghəə̄ŋ zeē bo zo lǒ ghùw ù avʉatsə̄a. Nu vʉatsə̄a à fə̀ sə tən wo ko â bo zo alekaʼa nughù wô. Soo kə eghəa kəla Wɛ ù Ghùw fə̀ bugho a te, fə̀ lo alebùghò saʼà maʼà fwàʼ kə avʉ̄atsəa kə te ko.

Edêe Fughu 1:5

To Yɛso Kə̀lestò wəla ù dèe wô ghəa a səŋò ghəla sɛ̀ lo alenaŋa fə̀ŋ a te, vʉ̀a ù lǒ ghuw ù sûesʉ alekɔʼɔ̄sə̄ alo evʉ̄, wəla ù saʼā dwə̀ŋ wò aŋ ghueekətsə̄, mò dê ghɛ̀ â dzɔ̀ e wə̄n zo, ù fughuu sughò ghɛ̀ â bughuun zo. Ù lə̀ghaa nǔ sɛ̀, vʉ̀a ù bəghasə̄ tsughu sɛ̀ aŋ ghùu bòo tə sɛ̀ tò aŋghəa u fə̀ ù fùghù ndùw tuw kə wə̄n ko an tuw u sɛ̀ an kàŋ tə wə̄n təla tə fə̀ kwəlà sə tsughu wo alo kədàŋlo.