1 Dzɔ̌n 3:4 - To kə Kəzə̀ kə̀ Fughu ko

⁴ Ghùw nsɔ̌ɔŋnchùw wəla ù ghəə̄ŋ tsughu bo zo, ù fi zaʼ kəlâŋ, tɔŋlo enyəa aleghəŋlo ebo lo alezaʼ kəlâŋ.

1 Dzɔ̌n 3:4 Iomraidhean Croise

Matìo 5:19

Ghùw wəla u bùʼ tue maʼà tsughu ko alezuw nyàaŋ fə eghəa alo kəlàŋ, zoʼn ndûw sughò àghì êzə̀, ù kè lǒ tò tsəlechìa e ghûw am fɔ̀e u kəwālā. Ghùw wəla ù kuūwn boo mɛʼɛ̀ tsughu lâŋ ko, vʉ̀a ù zoʼn ndûw sugho ghî ghò a te, ghe lô wən kwo tò komndzūghū am fɔ̀e u kəwālā.

Kə̀fwàʼ 23:3

Pôl fi nughù dzɛ̀ ndùw nù â wən enyəa, “Zə̀ kə̀ lo tsɔ̂ɔ sughò ghù, kə̀bàŋàdzə̀m tò ghû! To ghù fi doʼ enyəa ghù sàʼa mùghò aŋ ghəa lâŋ kə̀ deē mò ghù kòom bvùʼu làŋ kə te ko aledzaā nduw enyəa ghe tsɔ̂ mùgho a?”

Lumà 3:20

Zə̀ kə lo dzàa dzə̀ yò enyəa ghùw ù lì lò tsəghatsəgha bòʼ enyəa ù mò tɔʼɔ̀ naaŋ tsəghà lâŋ kò, nu lâŋ kə̀ ghəəŋ nù ghùw ŋ kele enyəa e ŋ ghəəŋ bo zo.

Lumà 4:15

Tɔŋlo enyəa, luʼu kəla lâŋ kə̀ lo a te, Zə̀ kə n dêe nʉ̀ghà u wə̄n u pfʉa wo a zəŋò ghì ghəla ghe bvʉ̂sò màʼn lâŋ kə te ko. A m bùghò luʼu kəla lâŋ kə̀ buw a te, ghù yò dzə̂ alezuw enyəa ghùw bvʉ̀ kə̀lâŋ fùghù èzə̀.

2 Kòlentìan 12:21

M̀ fɛ tsəŋo enyəa abugho Ŋ̀ kôom bugho Zə̀ kə̀ lô yia də̂nsò nù tuw kaŋa ko a an sə kɛʼɛ̄, mùghò è ke diī enyəa ghî ghəla ghe mò ghəə̄ŋ bo zo kaām n ti màʼà dzə̀adzə̀ tə aghəa tə̀ nuūŋ tə te to — sə à səa gho, àsùghò ghəa à ndzaŋa kaaŋ ghən.

Dzɛ̂ms 5:15

Gɔ̂ɔŋ zəla ghe gɔ̂ɔŋ tsughuu am fə̂ŋ e mɔ̀ʼ â Zə̀ kò, e baaŋ nû ghùw ù dzàŋa — Mughu ù te n nì nùghù dzâŋ e te zo. Mo à lò enyəa ghùw ù te mò ghəəŋ boon ghəa è li zo, ghe ŋ ghuuw màʼà ghəa e biigh e te zo.

1 Dzɔ̌n 5:17

Ghəa a ghəŋ boon gho a dzə̀m lo ebo, bo e li e kuuwn lò nu e yô aleghəŋlo enyəa ghùw kpuw.