1 Dzɔ̌n 3:3 - To kə Kəzə̀ kə̀ Fughu ko

³ À fi lo enyəa ghùw wəla ù chǐi tùʼ a zəŋò Yɛso, ù fi sūw zɔ̀nso tsughu ghue u wə̄n, tò aŋghəa Kə̀lestò zɔlɔ̄ a te tsɛʼɛ̀tsɛʼɛ̀.

1 Dzɔ̌n 3:3 Iomraidhean Croise

Matìo 5:48

À fi lo enyəa ghù kì aletèlè doʼò tsughu tsəghatsəgha, tò Tsùghò alo kəwālā lô tsəghatsəgha.”

Lûk 6:36

“Kele nlò se è kwuso zo, to Tsele wɛʼɛ ki se è kwusō zo.

Dzɔ̌n 17:19

Yìa Ŋ̀ kûm fughu mɛ̀ʼɛ̀ wô ghue waŋa wo alefwàʼ â ghù an tuw u ghee, enyəa ghe lo kûu fughu mɛʼɛ̀ wô sughò ghue e ghee â ghù.

Kə̀fwàʼ 15:9

Ù n sùw màʼà sùghò bòo tə ghee bòʼ ghe gaʼ tsughu fə̀ŋ aŋ Kə̀lestò. Ù bàa yò kpiī wo sɛ̀ à ghê Tòʼò zò.

Lumà 15:12

Ghùwshʉ̀ghà u Kəzə̀ Èzayà vʉ̀a ù dzɛ̀ sugho enyəa, “Ghùw kè sə̌a wò an tigh kə Dzɛsɛ̀, ghùw ù te kê lò tsəgha wəla ù kè bughò saʼa tsəgha tuw kə Etoʼò zò, Toʼò zə̀ e ke chiī tùʼ e ghee a zəŋò wə̄n.”

2 Kòlentìan 7:1

Waʼāwaʼ, ghəa sɛ̀ ki dzə̂ to kəla Zə̀ kə̀ to naŋā â sɛ̀, bùghò nlò tò sɛ̀ nîi nughù ghu kə sɛ̀ aŋ ghəa ghə̀là à dzə̀m a lô aledzəsô ghue e sɛ̀ àsùghò fə̀ŋ tə sɛ̀ tò, a ghəə̄ŋ tsughu enyəa sɛ̀ mughùu tsughu mughùu è zɔlɔ zəla e kɔʼkpē mo a tsəŋo ndùw Kə̀zə̀.

Kòloshìan 1:5

Ghəa a te ghə êzə lo kùu ndùw tùʼ zəla ghɛ̀ chiī am fəgha kəla Zə̀ kə̀ naŋā â ghɛ̀ alo kəwālā. Ghɛ̀ maā ghəa a te a ki zuw an shwaʼ wə èsəŋò wò, tɔɔŋ làbəlà è dzùŋ e te.

2 Tɛ̀sàlonìan 2:16

Ghaʼ gɔ̂ŋlò enyəa to ghuūghùe u Mughùbè ù sɛ̀, Yɛso Kə̀lestò, ghèe Tsele ù te tɔɔŋ Zə̀ kə sɛ̀, ghe ghəla ghe mò ləgha sɛ̀, fughu tən sɛ̀ â tsə̀mso kə fə̂ŋ kəla kə doʼò tən, àsùghò moʼnlò è dzûŋ zò an dzɔ̀ e ghee,

Taetùs 3:7

enyəa, bòʼ dzɔ̀ e Wə̄n n te zo, sɛ̀ è ke lo tsəghatsəgha a vʉ̀a Zə̀ kò, tò sɛ̀ è ke lo alenìi kelê mùghù è doʼn təla zəla sɛ̀ chiī tùʼ a te.

Hibùlù 12:14

Də̀ma tsughu nlò enyəa ghɛ̀ è lo alo ebughunlo ghɛ à ghê ghì ghə̀n à dzə̀m, ghɛ̀ mughuu tsughu sugho mughùu è zɔlɔ zo. Abugho ghùw mùghù yo êzə̀, ù yò alekòʼ Mughu ù te.

Hibùlù 6:18

Zə̀ kə fə̀ enyəa an zen e wə̄n kɛ tsughu aledèe tsughu enyəa am bàm e ghəa ghən a bə̀ghà a kuuwn koʼò tsəghà yo, ghəla a ki ghəa ghəla a dêe enyəa Zə̀ kə̀ yo dzə̂ alekaʼ e gha, sɛ̀ ghəla sɛ̀ ti nân wo, a tee tsughuu an tùʼ zəla sɛ̀ chiī ghè zò.

Hibùlù 7:26

E mò kpe nû enyəa a kele tsughu ŋgòʼ è tuw kə fɔ̀e tò kən, ghùw mò u zɔlɔ nù, ki yo tsû wò, ki yo dzʉ wo, yò dzəəŋ dzə̂ ghèe ghê ghì à biigh gho, mò Zə̀ kə̀ ŋ wə̄n alo kəwala kɔʼso naŋa kɔʼ.

Dzɛ̂ms 4:8

Kuʼn kəŋo ndùw nlǒ a zəŋò Zə̀ kò, Zə̀ kə̀ lo kuʼ kəŋo wô sughò a zəŋò ghɛ̀. Səso nùghu nlò ghu kɛʼɛ ko aŋ ghə̀a à biigh gho, ghî à biigh ghən. Ghɛ̀ suw maʼa sugho nlò fə̂ŋ tɛʼɛ to a ghî a kə̀bàŋàdzə̀m ghən.

1 Pità 1:15

Ghəa e kuūwn lô enyəa ghùw wəla ù tɔŋɔ̄ ghɛ zɔlɔ nù, ghɛ̀ ki alezɔlɔ sugho êzə̀ aŋ ghəa ghɛʼɛ̄ à ghəəŋ gho.

1 Pità 1:3

Sɛ̀ ki alefughuu zɔ̀ɔŋ ko â Zə̀ kò, Tselè ù Mughùbè ù sɛ̀, Yɛso Kə̀lestò. Bòʼ ghəa ù kwuso se zo a zəŋò sɛ̀, vʉ̀a ù ghəŋlo enyəa sɛ̀ è mughu mughù è fughu zo, aŋghəa ù fə̀ zôm nughù kɔʼ Yɛso Kə̀lestò alo evʉ. Zə̀ lò e ghee sɛ mughu, chìi tùʼ enyəa sɛ̀ lo kele mùghù è doʼn təla zo.

2 Pità 1:4

An dziī zən, Ù n lueso to kə wə̄n kə̀ ne kela ù fə̀ to naŋā, fughù wo sɛ̀ â ghəa à səŋò ghò. Ghea à səŋò a te yia a ghəŋlo ghɛ̀ yia ti nughù sə wo aŋ ghəa à biigh ghəla gwən e ùghùe e leghāa, enyəa to ghɛ̀ mô mùghù mughù è zɔlɔ zo.

2 Pità 3:14

À fi lo enyəa fən ghaŋa gho, aŋghəa ghɛ̀ ləə̄m tsuʼ fən fo, də̀ma tən tsughu nlò aleghəŋlo enyəa ghɛ̀e e zɔlɔ, ghɛ̀ è ki sugho yo nùʼ tò a sə̀a Zə̀ kò, lò sugho alo ebughunlo ghɛ̀ à ghee.

1 Dzɔ̌n 2:6

Ghî ghəla ghe dzɛ̂ enyəa ghe lo alo kəfəgha kə mɔ̀ʼ ghèe ghê Zə̀ kò kì alebɔɔ̄m bwii ko aŋ ghùw kə ebwìi kè Yɛso Kə̀lestò.

1 Dzɔ̌n 4:17

Abugho sɛ̀ kûum ləghaa ghue e sɛ̀ zò, mùghù sugho tò aŋghəa Yɛso fè mughu fɛ a te am mbī, sɛ̀ kê ki yo tsəŋ zo abugho tsuʼ u saʼ u kê kpe wo.