1 Dzɔ̌n 3:22 - To kə Kəzə̀ kə̀ Fughu ko

²² kele sùghò fəgha kəla sɛ̀ bvʉ̀a nduw â wə̄n, bòʼ sɛ̀ sô naāŋ lâŋ kə wə̄n ko, ghəəŋ sùghò ghəa ghəla a dzoō an sə kə wə̄n.

1 Dzɔ̌n 3:22 Iomraidhean Croise

Matìo 17:5

Ghəa ù naām kə̂a ghəa gho, ghe mo ekôʼ fə̀màfə̀m kə nyəghaan kə mbàʼ kə̀ li kə m bvʉ̀ tsə̀n tsughu ghee, dzə̀ è lì n dzɛ̀ sə wòʼ fughu am mbàʼ enyəa, “Wən lǒ wɛ waŋa Ŋ̀ gaʼ fə̀ŋ a zəŋò wən Ŋ̀ ŋgee duʼn nù ghàʼ à wə̄n; e zuuw nduw nlò â wə̄n.”

Matìo 21:22

Abugho ghɛ̀ bvʉ tsughu ko ghəa è ghɛ zo, mò ghɛ̀ gɔ̂ɔŋ tsughu nù, ghɛ̀ mò è kele, abugho ghɛ̀ boō fughu tən tsughu â Zə̀ kò.”

Mâk 11:24

Zən lò e ghee Ǹ so Ǹ dzâa wô â ghɛ̀ ènyə̀a abugho ghù bvʉ ko kwò kò mò ghù gɔ̀ɔŋ tsùghù nù, ghù vʉ̀a ù boo tsughu enyəa ghù ŋ kele, à sə̀ lò kə̀ kə̂a kò.

Dzɔ̌n 14:13

Abugho ghɛ̀ bvʉ ko ghəa è ghɛ zo an zən zaŋā, Ǹ sô ghə̌əŋ nù, tò bəghà è lo kele ŋkɔʼso bòʼ mùghò.

Dzɔ̌n 15:10

Abugho ghɛ̀ naāŋ lâŋ kaŋa ko, ghɛ̀ è ke lo ko an ləgha zaŋa, tò aŋghəa Ǹ naāŋ sughò lâŋ kə Bəghà kò yìa Ǹ lô an ləghaa e wə̄n.

Dzɔ̌n 15:7

Abugho sɛ̀ ti alo kəfəgha kə mɔ̀ʼ, ghɛ yia ki sughò shwaʼ waŋa wo am fə̀ŋ tɛʼɛ, mò ghɛ̀ bvʉ ko kə̀ kwò ghɛ̀ ləghaa alekele, ghɛ̀ sô kèle nù.

Dzɔ̌n 6:29

Yɛso m bɛ̀lɛ̀ tsùghu ghee enyəa, “Ghəa zəla Zə̀ kə̀ ləghaa enyəa ghɛ̀ ghəŋlo lo enyəa, ghɛ̀ boo fughu nduw â ghùw wəla Ù tum wo.”

Dzɔ̌n 8:29

Ghùw wəla u tum sə wô mugho lǒ ghàʼ à wə̄n. Ù kê zə̀ghà màʼà kòʼ yò mugho, mugho à nəŋ ko bòʼ enyəa M̀ fwaʼà kô fəgha kəla kə tsəmsō fə̀ŋ è wə̄n.”

Dzɔ̌n 9:31

A kwo nû enyəa Zə̀ kə̀ zuuw yò shwaʼ u ghì à biigh gho. Zə e kuūwn lô enyəa, abugho ghùw kɔʼso Zə̀ kò, ghə̂əŋ ghəa ghə̀là Zə̀ kə̀ ləghaa, Zə̀ kə n zə̂ən shwaʼ u ghûw ū te.

Kə̀fwàʼ 17:30

Zə̀ kə̀ n wuwmàʼà ghəa à biigh ghəla ghî a mò ghəŋlo an tì kəla ghe fə̀ kwo tsəghà yo wə̄n, vʉ̀a ù fughu tsughu lâŋ kò êzəŋ â ghì ghò a dzə̀m an lùʼù tən tə̀ dzə̀m enyəa ghe maʼà ghəa à biigh gho.

Kə̀fwàʼ 20:21

geen ndùw ghì a Dzûu àsùghò Tòʼò zò enyəa ghe a dzə̀m kuūwn kɔʼ emwam, ghe boo ndûw â Zə̀ kò àsùghò â Mughùbè ù sɛ̀, Yɛ̀so Kə̀lestò.

Fèlepìan 4:18

Mugho n namso kaŋa kə kele kpenlo, bùʼ tsə̀ghà èsə. Mùghò n zə kuw ko, am fʉgha wəla ghɛ mò tum wo â Èpàfə̀loditùs enyəa ù bùgho fughu à mùghò, ufʉgha mo ù lə̂əm dzɔ̀ɔ nù, mò Zə̀ kə̀ boom nù, ghue u wə̄n vʉa u ghɛ̂ɛn sugho alekòʼ.

Kòloshìan 1:10

Ghàʼ yia gɔ̂ɔŋ sugho enyea ghɛ̀ è mughu mùghù zəla e kɔʼso Mughu ù te, mughù zəla e ghəŋlo Mughu ù te n tsoʼnlo, ghɛ̀ e ghəəŋ ghəa à dzûŋ ghə̀n a dzə̀m, ghɛ̀ ke biso bugho kele tsughu Zə̀ kò, ghɛ̀ tsəgha taʼa.

Hibùlù 13:21

mô fughu ghɛ â fʉgha ù dzûŋ wə̀n ù dzə̀m, tò ghɛ̀ è bwiī nduw an dzə̂ è wə̀n. Kə è fwaʼā ghəa gho a zəŋò sɛ̀ am bàm e Yɛso Kə̀lestò, ghəa ghəla a ghəŋlo enyəa fə̀ŋ e wə̄n duʼnlo a te. To sɛ̀ mô fughuu Yɛso Kə̀lestò â kɔʼso məla n dòʼò tən. Zə e lo ko êzə̀.

Dzɛ̂ms 1:5

Abugho ghùw wɛʼɛ ləghaa alekele ùtɔ [am fəgha kəla Zə̀ kə̀ ləghaa], ù m bvʉ̀ ndùw â Zə̀ kò, Zə̀ kə̀ sô fùghuu nù, tɔŋlo enyəa, Kə bughuu â ghu ko, fughuu ghì ghə̀n à dzə̀m â fʉgha wo mò Kə sə̂əm yò.

Dzɛ̂ms 4:3

Abugho ghɛ bûʼ bvʉ ko fəgha ko, ghɛ̀ yia a dòʼŋkè kele, à lǒ bòʼ ghɛ sô bvʉ am mòʼnlò è biigh zo, alenìi fwaʼà ndûw ghəa a fə̂ŋ ghɛʼɛ a te.

Dzɛ̂ms 5:16

Ghɛ̌ fi ki alezaā vûŋ wɛʼɛ wo aŋ ghùe zɛʼɛ̄, gɔ̀ɔŋ sùghò aŋ ghùe zɛʼɛ̄ to Zə̀ kə̀ baāŋ kɔʼ ghɛ. Nu gɔ̂ŋlò e ghûw ù tsəghatsəgha è ki kədaʼa, kɔɔ fwàʼà sùghò.

1 Dzɔ̌n 2:3

À lò ko abugho sɛ̀ naāŋ lwâŋ u Kəzə̀ wò sɛ̀ lo alekele enyəa sɛ̀ kwo nû wə̄n.

1 Dzɔ̌n 5:14

Sɛ̀ ki yo tsəŋ zo a vʉ̀a Zə̀ kò, bòʼ a kwo nû enyəa ù sò zǔuw nû sɛ̀ abugho sɛ̀ bvʉ nduw wə̄n â fəgha ko an dzì zəla ù ləghaa.