1 Dzɔ̌n 3:2 - To kə Kəzə̀ kə̀ Fughu ko

² Waazə̂ ghaŋa gho, sɛ̀ êzəŋ e lo wɛ a Kəzə̀, sɛ̌ yia sô kaam kwo yo fəgha kəla sɛ̀ kê bughò doʼn ghê kò. Yia a kuuwn kwo enyəa abugho Kə̀lestò kè dê wô ghue wo, sɛ̀ kê bɔ̌ɔm lò sugho tǒ wə̄n, tɔŋlo enyəa an tì kə tə ko, sɛ̀ lô wə̄n koʼò ndùw aŋghəa ù lò a te.

1 Dzɔ̌n 3:2 Iomraidhean Croise

Matìo 5:8

Dzɔ̀ lò â ghì ghəla ghe ki fə̂ŋ tə̀ zɔlɔ to, tɔŋlo enyəa ghe lo kòʼò nǔ Zə̀ kò.

Lûk 17:30

À kè bɔ̌ɔm lò sugho êzə̀ tsuʼ wəla Wɛ ù Ghùw kè dêe wô sʉ wo a te.

Lûk 20:36

tɔŋlo enyəa ghe kê kòom kpùw yo, ghe sô lô eghəla ghèe ghê tsə̀təndə̄ghā tə Kəzə̀ tò àsùghò wɛ a Kəzə̀ ghò, bòʼ ghe ŋ kɔʼ sə alo evʉ.

Dzɔ̌n 1:12

A m bùghò ghì ghəla ghe kpe nī Wə̄n, boo fùghù tsùghù sùghò â wə̄n, ù m fughu ghee â daʼa ko aledòʼò wɛ a Kəzə̀.

Dzɔ̌n 11:52

Ù kǎa kpuuw ko yo an tuw u tə̀ Dzuū; vʉ e wə̄n e ki sugho alenìi zûuŋ wô wɛ a Kəzə̀ ghəla ghe sɔʼn doʼò kaŋlo aŋ kàlà tə mbī e dzə̀m alo kəbəla kə mɔ̀ʼs.

Dzɔ̌n 17:24

Tsele, Ǹ ləghaa enyəa ghî ghəla ghù fughu â mùghò, ghe e lo ghàʼ à ghee an lùʼù kəla Ŋ̀ kê lo a te, to ghe lo e bɔŋɔ̄ koʼō tughu zaŋa zo; tughu zəla ghù mò fughu â mùghò, bòʼ ləgha zəla ghù fə̀ ki kele a zəŋò mùghò to mbī e bùghò zîi tsughu.

Lumà 8:16

Zuʼ tə Kə̀zə̀ àsùghò fə̀ŋ tə sɛ̀ tə̀ ŋ ghəŋlo sɛ̀ yia a kele tsughu enyəa sɛ̀ lo wɛ a Kə̀zə̀.

Lumà 8:18

Ŋ̀ kwo nû enyəa fala zəla sɛ̀ fanlo êzəŋ kâ mbùʼ kɔʼ kpe alebàan ndûw ghèe səghanyəgha məla Zə̀ kə̀ lo naāŋ sɛ̀ a te.

Lumà 8:19

Tɔŋlo enyəa fʉgha wə̄n u dzə̀m ghe gbə̂n wô fɛ am mbī lə̀mlo alo mbūw alekòʼ aŋghəa Zə̀ kə̀ lo dêe fughu wô ghî ghəla à kùum lô wɛ a wə̄n gho a te.

Lumà 8:29

Ghî ghəla Zə̀ kə mò ki kwo ziī ŋ ghee tsuʼ naŋa enyəa ghee e lo sugho tǒ wɛ ù wən ù nùu wən, enyəa wɛ ù wə̄n ù nùu ù wən e lo wɛ ù sûesʉ am bvʉa e ndə̀m è ghì ghəla ghe boō fughu â Zə̀ kò.

1 Kòlentìan 13:12

Fəgha kəla sɛ̀ koʼò êzəŋ tsô lò ko tò vʉʉn kə kəzəŋso alo kəlùŋgɛ̀lɛ; a lo daŋso bughò koʼò dzəə̄ŋ kàʼ mə̀ esʉ̄ sɛ̀ à ghê Kə̀lestò. Fəgha kəla Ŋ̀ kwo êzəŋ kùu ndùw Kə̀lestò nǎam lò ko kəkə̂m; Abugho ù laʼà bugho ebàm, Ǹ lo bùghò kèle mɛ̀ʼn kɔ̀ʼɔ nù ghəa a te gho tò aŋghəa Zə̀ kə̀ tɔ̂ʼ kwo mugho a te.

1 Kòlentìan 15:49

Tò aŋghəa sɛ̀ bɔɔ̄m lô sugho tǒ ghùw ù sûesʉ wəla ghe fə̀ bɔm sə kɔʼ alo təzùʼ, sɛ̀ kê bɔ̌ɔm lò sugho tǒ ghùw wə̀ ebàm wəla ù fə̀ sə tsughu wô alo kəwālā.

1 Kòlentìan 2:9

Aŋghəa e bûʼ lô ko êzə̀, ghe tɔm naŋa am Mwàʼsò kə Kəzè enyəa, “Fəgha kəla sə e lo mo e kaām kôʼ, ŋkāa tuūŋ kə lo mo kə ka n zuw sùghò, ŋkāa fəŋ è ghùw lǒ mò è kaam kele, à lò fəgha kəla Zə kə naŋā â ghì ghəla ghe ləghaa wə̄n.”

2 Kòlentìan 3:18

Ezə̀ŋ, sɛ̀ ghən à dzə̀m à sʉ zo mo a kâ dzə̀là kèle ndɔ̀ŋ kò a te a koʼò ndùw nǔ səghanyəgha m Mughu ù te mò, ghe fɛ kuuwn ndùw sɛ̀ am fwèen kə wə̄n an səghanyəgha ŋ wən məla n noōm ndûuŋ nduw. Səghanyəgha mən nughù wò aŋ ghùu Mughu ù te wəla ù lò Shʉghà u te wo.

2 Kòlentìan 4:17

Nyàaŋ fə utsù fə̀là ghàʼ zuw kəŋo ndûw fɛ lo tsùuŋ yò, fə fɛ ndzùuŋ nǎaŋ ghàʼ an səghanyəgha n sə̀ŋò mə̀là n dòʼò tən, mò n tsə̀ghàtàʼà sə tsû wə̄n.

Gàlashìan 3:26

Tɔŋlo enyəa ghɛ̀ a dzə̀m lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso.

Gàlashìan 4:6

Zə̀ chìa kə dzə̂n nyə wo Zuʼ tə Wɛ ù wə̄n to am fə̀ŋ tə sɛ̀ aledèe tsughu enyəa sɛ̀ lo wɛ a wə̄n. Zuʼ tə te tia tə ghəŋlo sɛ̀ yia a tɔɔŋ tsughu Zə̀ kò enyəa, “Bəghà! Tsele waŋā!”

Fèlepìan 3:21

Ù lo bùghò kǔuwn nùghùun kɔ̀ʼɔ̂ gwən e ghùe zəla sɛ̀ ki êzə̄ŋ, ù kê fughu tsughu sɛ̀ â gwən e ughùe zəla e zɔn buʼ, tò e wə̄n zo. Tɔŋlo enyəa ù ki kədaʼa aledzɛ̀ enyəa, ufʉgha u dzə̀m u doʼò wô a tsəlà wə̄n.

Kòloshìan 3:4

Abugho Kə̀lestò wəla ù ki mughù e sɛ̀ zò lo kôom dê sə wo ghue u wə̄n wo ebàm, ghɛ̀ a ghee e ke dzeŋe lò ko a dzə̀m an səghanyəgha wə̄n.

Hibùlù 9:28

E lo sugho êzə̀ enyəa ghe mǒ Kə̀lestò fɛ sɛ tən nduw ko enəgha e mɔ̀ʼ alenìi nughù bòo tə ndə̀mà tə aghì. Zəa e lô sugho enyəa ù kè kòom bùgho kpèʼe nù alebùghò kôʼ ghî ghəla ghe mbûuŋ keē wə̄n, mò ù kòom bùghò yo alebùghò sûuw maʼà bòo tə aghì, mò ù bùgho alebùghò bəghāsə̄ ghee.

2 Pità 1:4

An dziī zən, Ù n lueso to kə wə̄n kə̀ ne kela ù fə̀ to naŋā, fughù wo sɛ̀ â ghəa à səŋò ghò. Ghea à səŋò a te yia a ghəŋlo ghɛ̀ yia ti nughù sə wo aŋ ghəa à biigh ghəla gwən e ùghùe e leghāa, enyəa to ghɛ̀ mô mùghù mughù è zɔlɔ zo.

1 Dzɔ̌n 2:28

Tee tsughu ko nlò ghuw ko kə mɔ̀ʼ ghɛ̀ à ghê Kə̀lestò êzə̄ŋ à wɛ ghaŋa gho, to abugho ù kê bugho, ghɛ̀ e ke ki yo tsəŋ zo àsùghò tuw kə dəla ko aleteme a vʉ̀a wə̄n an tsuʼ fəla ù kè bugho ebàm a te.

1 Dzɔ̌n 2:7

Fən ghaŋā gho, kən yo dzə̂ lâŋ kə fughu ko Ǹ tɔɔ wo â ghɛ̀; à lò lâŋ kə̀ wii kəla kə ki lô tsəgha dzə — kəla ghɛ̀ ki kwo tsəgha, tɔ̂ɔŋ làŋ kə̀ wii kəla ghɛ̌ fə̀ ki zuw.

1 Dzɔ̌n 3:1

Kòʼ nlò ləgha è ne è ne zəla Tsele ù te de wo â sɛ̀ a, enyəa ghe e tɔɔŋ sɛ̀ enyəa, sɛ̀ lo wɛ a Kəzə̀ a; sɛ̀ yia a kǔum lô sùghò wɛ a Kəzə̀ ghò a. Ghəa zəla ghî a mbī a kwo yo sɛ̀ enyəa sɛ lo wɛ a Kəzə̀ lò enyəa ghe mò kwo sugho yo Zə̀ kò.

1 Dzɔ̌n 3:10

Zən lǒ ghəa zəla è dêe tsughuu enyəa wɛ a Kəzə̀ à lo nəŋo nəŋ a zəŋò wɛ a Satàn ghò: enyəa ghùw wəla ù ghə̂əŋ yò ghəa zəla e lô tsəghatsəgha, vʉ̀a ù ləghaa sughò yo wàazə̀, ù fi yo dzè wɛ u Kə̀zə̀.

1 Dzɔ̌n 3:21

Fən ghaŋa gho, abugho fə̂ŋ tə sɛ̀ tə̀ geēn yo sɛ̀, sɛ̌ fi dô lo nû a vʉ̀a Zə̀ kò,

1 Dzɔ̌n 5:1

Ghùw wəla ù kùm boō fughu tsughu enyəa Yɛso lǒ Bəghambī u te, ghùw te fi lo wɛ ù Kə̀zə̀. Ghùw wəla ù ləghaa Tsele ù te, ləghaa sùghò nû Wɛ ù te.

Edêe Fughu 2:28

Ǹ lo fughu tsughu wə̄n â sə̀ghàbəlà fə gbə̀làgbə̀là fò.”

Edêe Fughu 22:4

Ghe e ke koʼo sugho sʉ u wə̄n, zən e wə̄n zə e ke lo sugho aŋ kàʼ mə̀ esʉ ŋ ghee.