1 Dzɔ̌n 3:17 - To kə Kəzə̀ kə̀ Fughu ko

¹⁷ Abugho ghùw ki fʉgha u mbī wo, vʉ̀a ù kòʼò nduw wàazə̀ wəla ù kuuwn laʼā kee, vʉ̀ ù ləghaa yo alefughu wə̄n, ù lô ênzə̂n aledzɛ̀ enyəa e ki nû ləgha e Kəzə̀ zò an fəŋ è wə̄n à?

1 Dzɔ̌n 3:17 Iomraidhean Croise

Lûk 3:11

Ù m bɛ̀lɛ̀ ndùw ghee enyəa, “Abugho ghùw wəla ù ki ndzʉ to tə bə̀ghà ù dzùghù tsughu ghèe ghùw wəla ù ki yo, wəlà ù ki fʉghàzəa wo, ù bɔɔ̄m ghəə̄ŋ sughò alo kətə̀ŋ.”

2 Kòlentìan 8:9

Tɔŋlo enyəa ghɛ̀ kwo nû dzɔ̂ e Mughubè Yɛso Kə̀lestò zò, enyəa aŋghəa ù mò buʼù kuū ko fɛ, ù n naam tùe zə̀ghàa ndùw kô kum e wə̄n e t zo bùghò dòʼò tsughu ghùw ù lǎa ko ghəa zɛʼɛ, enyəa an lɛ e wə̄n zən, ghɛ̀ è lo alebùghò doʼò ghì a kuu gho.

Hibùlù 13:16

E kwo ghɛ̀ ke bughuu doʼò kôʼ aleghəəŋ dzɔ̂ zò àsùghò aleteen dzəəŋ fʉgha wo, tɔŋlo enyəa fə̀ŋ è Kə̀zə̀ zɔ̀lɔ nù aŋ ŋgòʼ è ufughu vʉ̀.

Dzɛ̂ms 2:15

Nǐi tsughu nlò enyəa wàazə̀ wɛʼɛ ù lì, ù zən ŋkāa ù nù kpɛ̀ʼɛ lò nû mò ù kì yo kə wə̄n kə̀ zəa ko alo fətsuʼ, làʼà sùghò ndzʉ tə̀ dzəə̄n to,

Dzɛ̂ms 2:16

vʉ̀a ù so e səā bwînlò, ghùw wɛʼɛ ù lì n dzɛ̀ â wə̄n enyəa, “Ndùw kədzûŋ, Zə̀ kə̀ bughuso ghù, e zəa kuuw tsughu, dzə̀ən kɔ̀ʼɔ̂ fəgha kə ufwo.” E ghee yosò aŋ kwò abugho ghù dzɛ̀ ndûw êzə̀ à, mò ghù kà wə̄n â fəgha kə̀là ù ki yo fughu ndùw a?

1 Dzɔ̌n 4:20

Abugho ghùw dzɛ̀ enyəa e ləghaa Kə̀zə̀, vʉ̀a ù kuuwn bâa wàazə̀, ghùw ù te fi lòʼsò ghue u wə̄n. Tɔŋlo enyəa abugho ghùw yo aleləghā wàazə̀ mò ù kòʼò ndùw nû wə̄n, ù lo ênzə̂n aleləghā Kə̀zə̀ mò ù kaam wə̄n ŋ kôʼ kò a?

1 Dzɔ̌n 5:1

Ghùw wəla ù kùm boō fughu tsughu enyəa Yɛso lǒ Bəghambī u te, ghùw te fi lo wɛ ù Kə̀zə̀. Ghùw wəla ù ləghaa Tsele ù te, ləghaa sùghò nû Wɛ ù te.