1 Dzɔ̌n 3:16 - To kə Kəzə̀ kə̀ Fughu ko

¹⁶ Ghəa ghən ghə ŋ ghəŋlo sɛ̀ yia a zoʼn kele kɔʼ fəgha kəla ləgha e lo ghe kò, mo e lo enyəa: Tò aŋghea Kə̀lestò fə̀ boo tsughu alekpuw an tuw u sɛ̀, sɛ̀ ki aleboo tsughuu sughò alekpuw an tuw u waazə̂ a sɛ̀.

1 Dzɔ̌n 3:16 Iomraidhean Croise

Matìo 20:28

E fɛ lò sugho tò aŋghəa Wɛ̀ ù ghùw fə̀ bughò enyəa ù e fwə̂ən fwaʼā â ghì ghò, à yò dzə̂ enyəa ghî ghə̀ è fwaʼa â wə̄n, àsùghò enyəa ù fughuu ndûw tuw kə wə̄n alezuū sə tuw u ndə̀m è àghì.”

Dzɔ̌n 10:11

Ǹ lo bàʼàtə̀ndzì ù dzùŋ; Bàʼàtə̀ndzì ù dzùŋ lo wəla ù lo alekpuūw fughu vʉ e ndzì tə wə̄n.

Dzɔ̌n 10:15

Tò aŋghəa Tsele waŋā kwō mugho a te, yìa Ŋ̀ kwo sugho wə̄n. Yìa M̀ fughu mughù zaŋa zo â ndzì taŋa to.

Dzɔ̌n 13:34

Lâŋ kə̀ fughu kə̀là M̀ fughu wo â ghɛ̀ lò enyəa, ‘E dèe ləgha zo aŋ ghue zɛʼɛ̄ tò aŋghəa Ǹ ləghaa ghɛ a te. Chìa ki aleləghā sugho wàazə̀.’

Dzɔ̌n 3:16

Tɔŋlo enyəa Zə̀ kə fə̀ ŋge ləgha nu mbī alenìi fughuu wô sɔ̀ʼ kə wɛ̀ kə wə̄n kə mɔ̀ʼ enyəa mò ghùw bǒo fùghù ndùw dzə̀ â wə̄n, ghùw ù te ŋ kè kpuūw mîa alo kəleŋe, ù n laam kelê mùghù è doʼn təla zo.

Kə̀fwàʼ 20:28

Nǐ nlò ghôom zò aŋ ghùe zɛʼɛ̄ àsùghò a zəŋò ghì ghəla Zuʼ tə̀ Zɔlɔ tə fughu naŋā enyəa ghɛ̀ è lɛnlo. Ghɛ̀ è lɛɛn sugho â dzeŋe kə ghì a Kəzə̀ zəla ù fə̀ zue sə wo aŋ kàŋ tə wɛ̀ ù wə̄n.

Lumà 16:4

Ghe mò buʼ lo nû alekpuw aŋ ghəa zaŋa. Fə̀ŋ zaŋa ŋgee duʼn nù bòʼ ghee — à kà yo ko mugho, dzweŋe u ghì a Kəzə̀ u Etòʼò wən u dzə̀m ŋgěe dùʼn sùghò nù bòʼ ghee.

Lumà 5:8

Zə̀ chia kə kwuun dê tsughu ləgha e wən zo a ghəa zən enyə, a fə bugho sɛ̀ fə̀ naam lô ghî a biigh gho, Kə̀lestò m bughò kpuw an tuw u sɛ̀.

2 Kòlentìan 4:12

Ghàʼ boo tsughu aledòʼò fʉgha wə evʉ enyəa ghɛ̀ kuuwn mughuu.

Efɛsùs 5:2

E ləghaa nduw nlò ghî ghò tò aŋghəa Kə̀lestò mò ləgha wo sɛ̀ a te, ù m fùghù sùghò ghue u wə̄n to kəfughu kə̀ ləə̄m dzɔɔ̄ ko enyəa ghe sâa ndûw â Zə̀ kò an tuw u sɛ̀.

Efɛsùs 5:25

Num ghə ayi gho, e ləghaa nlò yi ghɛʼɛ gho, tǒ aŋghəa Kə̀lestò mò ləgha ghî a Kəzə̀ gho a te boo tsughu alekpūw an tuw u ghee.

Fèlepìan 2:17

Abugho ghe bûʼ nî kwə̂ən tsughu ko kâŋ taŋa to enyəa à lǒ ŋgoʼ zəla ghɛ̀ zuūw bòʼ boo zəla ghɛ̀ ki â Zə̀ kò, Ǹ tsoʼn nù a te, yìa Ŋ̀ ŋgeē duʼn sugho sɛ̀.

Fèlepìan 2:30

Tɔŋlo enyəa, ù fə̀ shʉan ke tsughu ko evʉ enyə am fwàʼ kə Kə̀lestò, aŋghəa ù fə̀ fughuu mugho â yòsò zəla ghɛ̀ fə̀ yo alefughu.

1 Tɛ̀sàlonìan 2:8

Ghǎʼ mò kuū ləghaa nû ghɛ, zə̀ lǒ e ghee ghǎʼ mò kaā kə̂a ko yo ghɛ â shwaʼ u Kəzə̀ wò, ghàʼ m fùghù mɛ̀ʼɛ̀ wò ghue zaʼa aleyòsò ghɛ̀, ghàʼ màʼà ŋge gaʼ fə̀ŋ a zəŋò ghɛ̀.

Taetùs 2:13

Ghàʼ ndzəmà chìi tùʼ aŋghəa ghàʼ ləə̄m tsuʼ ù ne wəla a kwo enyəa Yɛso Kə̀lestò lo bùghòo a te aŋ ghùe u kədə̀ŋ. Yɛso Kə̀lestò wən lo Zə̀ kə sɛ̀ kə̀ ghaʼa ko àsùghò Bəghambī ù sɛ̀.

1 Pità 1:18

Ghɛ̀ kwo nû enyəa ghe fə̀ tsə tsəgha nduw fəgha kə̀ səŋò kò alezuū sə tuw kɛʼɛ aŋ ghəa a biigh ghəla ghɛ̌ fə̀ kôʼ ni aŋ ghùu ghê tsele ghɛʼɛ̄. À fə̀ yo dzə alo kəfəgha tò etsɛ ŋkāa tia è nyəghaan zo, u fʉgha to u e boō mîaa.

1 Pità 2:24

Ghuūghùe u Kə̀lestò ù mafə boʼò mbuŋ kə təbòo kə sɛ̀ kò alo kədàŋlo, enyəa tò sɛ̀ e lo tò ghî a kpuuwn gho abugho e bughò tɛ̌ tsughu aleghəŋlo ebo, sɛ̀ è mughu mughù e tsəghatsəgha zo. Fəŋ ghəla ù fə̀ kele mafə̄ baaŋ sɛ̀.

1 Pità 3:18

Nu Kə̀lestò fə̀ kpuw ni nughu bôo tɛʼɛ tə dzə̀m enəgha e mɔ̀ʼ nì nùghù tən ko nù, lò êzə̀ mo ù ka fə ghəa è li ghəəŋ boon kòʼ tsəghà, ù m bùgho kpùw an tuw u ghì a biigh gho, alenìi kwəla wô sɛ̀ a vʉ̀a Zə̀ kò. Aŋghəa ghe fə̀ bûʼ wi tsughu ko wə̄n, ghe fə wə̄n wi tǒ ghùw, daʼa kə Kəzə̀ kə̀ n zòm nùghùu kɔ̂ʼ zəŋso kə wə̄n.

1 Dzɔ̌n 2:6

Ghî ghəla ghe dzɛ̂ enyəa ghe lo alo kəfəgha kə mɔ̀ʼ ghèe ghê Zə̀ kò kì alebɔɔ̄m bwii ko aŋ ghùw kə ebwìi kè Yɛso Kə̀lestò.

1 Dzɔ̌n 2:9

Ghùw nsɔ̌ɔŋnchùw wəla ù mòʼo enyəa e lo an tsə̂, kuuwn bàa wàazə̀, nǎam mùghù ko alo kələ̄m.

Edêe Fughu 1:5

To Yɛso Kə̀lestò wəla ù dèe wô ghəa a səŋò ghəla sɛ̀ lo alenaŋa fə̀ŋ a te, vʉ̀a ù lǒ ghuw ù sûesʉ alekɔʼɔ̄sə̄ alo evʉ̄, wəla ù saʼā dwə̀ŋ wò aŋ ghueekətsə̄, mò dê ghɛ̀ â dzɔ̀ e wə̄n zo, ù fughuu sughò ghɛ̀ â bughuun zo. Ù lə̀ghaa nǔ sɛ̀, vʉ̀a ù bəghasə̄ tsughu sɛ̀ aŋ ghùu bòo tə sɛ̀ tò aŋghəa u fə̀ ù fùghù ndùw tuw kə wə̄n ko an tuw u sɛ̀ an kàŋ tə wə̄n təla tə fə̀ kwəlà sə tsughu wo alo kədàŋlo.

Edêe Fughu 5:9

Ghe n zôo zom è fughu zo, zoo tsughu enyəa, “Ghǔ ŋ kɔʼkpe alenìi kɔʼ nyəme u kəmwàʼsò u te wo, àsugho alezʉ̀mè nughù kɔʼ mə̀ŋ e te, tɔŋlo enyəa ghe maā ghû wì, ghù n nì kɔ̀ʼ kâŋ tə̀ghà zuesə tsughu aghî a te an ndùm tə̀n tə̀ dzə̀m àsùghò ghì ghən a dzə̀m ghe dzeŋe saʼā shwaʼ wo u mɔ, an tum wən ù dzə̀m, aŋ ghì ghə̀n à dzə̀m an nàʼà tə̀n tə̀ dzə̀m, ghù n nì fùghù wò â Zə̀ kò.