1 Dzɔ̌n 3:14 - To kə Kəzə̀ kə̀ Fughu ko

¹⁴ Sɛ̀ kwo nû enyəa sɛ̀ n sə̀ nùghùu wò aŋ kɔ̀n kə evʉ̄, tsə̀ghà wò am mùghù zəla e doʼò tən, bòʼ enyəa sɛ̀ ləghaa nù waazə̂ a sɛ̀ ghò. Ghùw wəla ù ləghaa yo waazə̂ ghò, ù fi nǎam lò ko am fàŋa kə evʉ̄.

1 Dzɔ̌n 3:14 Iomraidhean Croise

Matìo 25:40

Də̀ŋ kə te kə lo daŋso bɛlɛ̀ tsughu ghee enyəa, ‘M̀ fɛ kùm dzàa wò nù â ghɛ̀, aŋghəa ghù fə̀ ghəə̄ŋ dzə̄ wàazə̀ waŋa u mɔ̀ʼ â ghəa ghən gho, wəla ù fə̀ tsoō fweēn yô fəgha ko, ghù mǒ fi ghəŋlo â mùghò.’

Lûk 15:24

nu wɛ waŋā wə̄n fɛ̀ lǒ tò ù mò kpuw nû, vʉ̀a ù kòom kɔʼsə̄ alo evʉ̄, ù mafə̄ lâʼ mìa yia a kôom kôʼ tsughu wə̄n.’ Zə kə fi daŋso zìi tsùghù nû êzə̀.

Lûk 15:32

E dzɔ̂ɔ nù enyəa to sɛ̀ mô zə, a duʼnlo, tɔŋlo enyəa wàazùghù fɛ lo tò ù fə̀ kpuw nû, vʉ̀a ù kòom zôo wô ebàm. Ù maā lâʼ mìa, yia a kôom koʼ wə̄n ebàm.’”

Lûk 7:5

tɔŋlo enyəa ù lə̀ghaa nù naʼ e sɛ̀ zò, vʉ̀a ù yòso, naʼ zəa e bəgha Ndùghènē.”

Dzɔ̌n 13:35

A abugho ghɛ̀ ki ləgha zo aŋ ghùe zɛʼɛ, aghî a dzə̀m lo daŋso koʼòkɛlɛ wô enyəa ghɛ̀ lo tsə̀təndə̄ghā taŋā.”

Dzɔ̌n 15:12

Lâŋ kaŋa kə lo enyəa, ‘Ləgha nlò ghue zɛ̄ʼā zo tò aŋghəa Ǹ ləghaa ghɛ a te.

Dzɔ̌n 15:17

Lâŋ kaŋa kə lo ko enyəa, ghɛ̀ è ləghaa ghue zɛ̀ʼɛ zo.”

Dzɔ̌n 5:24

Kùmkùm, aŋghəa Ǹ dzâa wô fɛ â ghɛ̀, ghùw wəla ù zuw shwaʼ waŋa wo, boo fùghù ndùw â wə̄n wəla ù mò tum wô mugho lo kele nù mughù è doʼn təla zo, ghe kê dzùuw màʼn yǒ wə̄n; tɔŋlo enyəa ù n nùghù sə̀ wò alo evʉ̄, dòʼò wò â tuw ko.

2 Kòlentìan 5:1

A kwo nû enyəa abugho ghe sâʼ maʼà tsughu pfʉ̌a kəla sɛ̀ mughu a te fɛ aŋ ghueekətsə̄, tɔ̂ɔŋ gwən e ughùe e sɛ̀, sɛ̀ ki nû ndughu Zə̀ kə̀ naŋā â sɛ̀, ndughu mò à kà bɔ̀m dzə̌ ghùw nsɔ̌ɔŋnchùw, ndughu mò è dòʼò tə̀n nû alo kəwālā.

Gàlashìan 5:22

Twam wəla Zuʼ tə̀ Zɔlɔ tə mʉā wo lò, eləgha, ebughunlo, ghue ù zumso wo, mwam ù dzûŋ wò, edzɔ̂ àsùghò səŋò zò,

Efɛsùs 1:15

À lǒ bòʼ ghəa ghən à dzə̀m Zə̀ kə lo mo kə m fwàʼ àsùghò alekaʼā nughù wô aŋghəa mùgho mò zuw tsughu fə̀ŋ zəla ghɛ̀ gaʼ tsughu a zəŋò Mughu ù te Yɛso àsùghò ləghaa zəla ghɛ̀ ki â ghì a Kəzə̀ gho a dzə̀m,

Efɛsùs 2:1

Ghɛ̀ mò buʼ lo tsəgha tò ghî a kpuuwn gho bòʼ aŋghəa ghɛ̀ mò tsughòsò maʼn lâŋ kə Kəzə̀ kò, àsùghò bòʼ ghəa ghɛʼɛ à biigh gho,

Efɛsùs 2:5

Aŋghəa sɛ̌ fə̀ bûʼ lô ko tò sɛ̀ kpuw dòʼò nù bòʼ ghəa a sɛ̀ à biigh gho, Zə̀ kə̀ ŋ ghəəŋ tsughu enyəa sɛ̀ e dzeŋe mughu sɛ̀ à ghê Kə̀lestò. À lo dzɔ̂ zəla Zə̀ kə mò dê tsughu â ghɛ e mò ghəŋlo enyəa ghɛ zə tuw ko.

Kòloshìan 1:4

Ghàʼ enyə ghəəŋ tsə̀ghà bòʼ aŋghəa ghàʼ mò zuw tsughu enyəa ghɛ̀ gaʼ fə̀ŋ a zəŋò Kə̀lestò Yɛso, àsùghò bòʼ ləgha zəla ghɛ̀ ki â ghì a Kəzə̀ ghò a dzə̀m.

1 Tɛ̀sàlonìan 4:9

Ghàʼ ndôʼ kì dzə yo aletɔɔ wo ghɛ̀ â mwàʼsò kò kùu ndùw ləgha zə eghùe zɛʼɛ̄. Zə̀ kə̀ maā ghɛ ki zoʼnlo aŋghəa ghɛ̀ ki aleləghā ghue zɛʼɛ zo a te.

Hibùlù 13:1

E ləghaa nduw ko nlò ghue zɛʼɛ zo tò waazə̂.

1 Pità 1:22

Ghəa e lô êzə̄ŋ enyəa səŋò zəla ghɛ̀ zoʼn kele kɔʼ ghɛ̀ yia bwiī a te ŋ ghɛ̀ sûw màʼà, ghɛ̀ yia ləghaa ghue zɛʼɛ zo tò waazə̂, e kuū ləghaa nlò ghue zɛʼɛ zo am fə̂ŋ è mɔ̀ʼ.

1 Pità 3:8

Alemìasò tsughu, ghɛ̀ a dzə̀m ki alemùghù alo kəfəgha kə mɔ̀ʼ, ləghàa ghue zɛʼɛ am fə̂ŋ e mɔ̀ʼ, ki se è kwuso zo àsùghò ghue è zumso zo.

2 Pità 1:7

Tò aŋghəa ghɛ̀ ki mwam e ghì a Kəzə gho, ghɛ̀ ki aleləghāa nduw kə̀chìa tò waazughù. Tò aŋghəa ghɛ̀ ləghaa kə̀chìa tò waazughù, ghɛ̀ ki aleləghāa ghî ghò a dzə̀m am fə̂ŋ e mɔ̀ʼ.

1 Dzɔ̌n 2:3

À lò ko abugho sɛ̀ naāŋ lwâŋ u Kəzə̀ wò sɛ̀ lo alekele enyəa sɛ̀ kwo nû wə̄n.

1 Dzɔ̌n 3:23

Kən lo lâŋ kə̀là ù tsəghàsò tsughu enyəa: Aleboo fughu an zən e Wɛ ù wə̄n ù nùu, Yɛso Kə̀lestò, àsùghò enyəa sɛ̀ e ləghaa ghue e sɛ̀ zo, aŋghəa Kə̀lestò fə̀ dzɛ̂ naŋa.

1 Dzɔ̌n 4:12

Ghùw ù lì kaām kôʼ kòʼ tsə̀gha Zə̀ kò; abugho sɛ̀ kuūwn kûu ləghaa ghue e sɛ̀ zò, Zə̀ kə n lo sɛ̀ à ghee, ləgha e wə̄n e dzə̀m zə ŋ kùm lò a zəŋò sɛ̀.

1 Dzɔ̌n 5:13

Ŋ̀ ghəa ghən fɛ tɔɔ wò â ghɛ̀ ghəla ghɛ̀ boō fughu tsughu an zən e Wɛ ù Kə̀zə̀ tò ghɛ̀ kele tsughu enyəa ghɛ̀ ki mughù zəla e doʼò tən.

1 Dzɔ̌n 5:2

Sɛ̀ lo alekele enyəa sɛ̀ ləghaa nù wɛ a Kə̀zə̀ ghò abugho sɛ̀ ləghaa Zə̀ ko, naaŋ sùghò làŋ kə wə̄n.