1 Dzɔ̌n 3:13 - To kə Kəzə̀ kə̀ Fughu ko

¹³ E kwo ko dzughu e lo sô zuuw ghɛ a waazə̂ ghaŋa gho abugho mbī bâa ghɛ.

1 Dzɔ̌n 3:13 Iomraidhean Croise

Matìo 10:22

Ghî ghə̀n à dzə̀m ke e baā ghɛ enyəa so à lò ghəa zaŋa. Yia a bugho ghùw wəla ù kuūwn kɔlɔ tsughu ko fə̀ŋ ndùw tɛ̀ è nduw, ù lo zəa nù tuw ko.

Matìo 24:9

Ghe lo daŋso kaʼā tsughu, ghe e kwuun fughuu nduw ghɛ enyəa ghe ndzaŋso, ghe winlo; mbī zən è dzə̀m e kè baā ghɛ enyəa so à lò ghəa zāŋā.

Mâk 13:13

Ghî ghə̀n à dzə̀m lo bɛ̂ ghɛ̀ bòʼ mùghò. Ghî ghəla ghe lo kuūwn dzəlà mɛ̂ʼn daŋso ndûw ko fə̂ŋ tò alendùw kûu ndûw, ghe lo zə kətuw.

Lûk 21:17

ghî ghə̀n à dzə̀m ke ŋgēe baā ghɛ enyəa a so à lò ghəa zāŋā,

Lûk 6:22

Dzɔ̀ lò â ghɛ̀, abugho ghî à bâa ghɛ̀, bàʼà zə̀ghàan ghɛ̀, sùuwn ghɛ̀, bôon zən ghɛʼɛ̄, bòʼ ghəa e Wɛ ù Ghùw!

Dzɔ̌n 16:2

Ghe lo dzùu nùghùun sə̌a wò ghɛ̀ an Ndughutə̀ne tə Tə̀dzûu tò. Nəghā e bùghòo nù, zəla mò à lò ko ndugho ù wi ghɛ, ù m moʼnlò enyəa e fi fwaʼà fwàʼ kə Kəzə̀.

Dzɔ̌n 16:33

Ŋ̀ ghəa ghən gho â ghɛ̀ fɛ nì dzɛ̀ wò enyəa to ghɛ̀ mô kì ebughunlo bòʼ mùghò. Ghɛ̀ lo ŋgee faan nù fɛ am mbī; kuuwn dzə̀la tsughu ko nlò fə̂ŋ tò, nu mùgho m mbī tughu tsəghà.”

Dzɔ̌n 17:14

M̀ maā shwaʼ wʉ̀a ù naʼà ndùw â ghee, mbī zə e bɛ̀ kɔʼ ghee bòʼ enyəa à ghe yo dzə̂ tò ghî a mbī gho, tò aŋghəa Ǹ yô sugho ghùw ù mbī.

Dzɔ̌n 3:7

E kwo dzughu e lô zuū ghû enyəa Ǹ dzɛ̂ wò â ghù enyəa, ghe kì aledzəā kûeen ghù.

Dzɔ̌n 7:7

Ghî a mbī yo alebɛ̀ ghɛ̀, ghe bâa nù mugho bòʼ Ǹ dzâa fùghuu wò ghəa a ghee à biigh ghəla ghe ghəŋlo.

Kə̀fwàʼ 3:12

Pità ŋ kòʼ ghəa yì, dzɛ̀ â ghì yi gho enyəa, “Wo ghî ghə Ezə̀lɛ̂ ghò, kwə̀ən kə̀ ghɛ kɔʼɔ aŋ kwò à? À lǒ kwò ghɛ̀ sô gbeē lɛɛ̄n ghaʼ enyə à tò è so à lò daʼa kaʼā ŋkāa enyəa ghàʼ zɔlɔ nù an sə kə Kəzə̀ e ghəŋlo enyəa ghùw wən nughù bwiī wo a?

Lumà 8:7

Ghùw wəla ù nì kɔʼ fə̀ŋ è wə̄n naŋa tsughu am fʉgha wəla gwən e ughùe e wə̄n e ləghaa, ghùw ù te baam nǔ ghèe Zə̀ kò. Ghùw u te zuuw yo lâŋ kə Kəzə̀ kò, mò ù tsò buʼ yò alenaŋa làŋ kə te ko.

2 Timotì 3:12

Alekùu nîi tsughu, ghe lo ndzaŋso nù ghî ghə̀n a dzə̀m ghe ləghaa alemughù mùghù è Kəzə̀, bòʼ ghe kê lə̀ghaa alelo alo kəfəgha kə mɔ̀ʼ ghèe ghê Kə̀lestò Yɛso.

Dzɛ̂ms 4:4

Ghɛ̀ ghî à səa ndzaŋa gho, ghɛ̀ kwo yo enyəa ghî ghəla ghe bwîi fwən wo ghèe ghê fʉgha u mbī wo lo ghî a kətuw a Kəzə̀ a? À fi lo enyəa, ghùw wəla ù mòʼnlo alebwiī fwən wo ghèe fʉgha u mbī wo fi doʼò dzə ghùw ù kə̀tūw ù Kə̀zə̀.

Edêe Fughu 17:7

Tsə̀ndə̄ghā è te n dzɛ̀ â mùghò enyəa, “Dzughu e ghû zǔu aŋ kwò? Ǹ dzâa wò nù ghû â nàn kə eghəa kə wîzən wə̄n ko, àsùghò nàn kə eghəa kə nyòoŋgwən zəla è ki tuw wo sə̀ghàmbəgha à ndɔŋ tò eghə̄m è bòʼò kele wə̄n.