1 Dzɔ̌n 3:11 - To kə Kəzə̀ kə̀ Fughu ko

¹¹ Wən lò shwaʼ wəla ghɛ̀ mò zuw zîi wo; enyəa sɛ̀ e ləghaa ghue e sɛ̀ zò to waazə̂.

1 Dzɔ̌n 3:11 Iomraidhean Croise

Dzɔ̌n 13:4

Ù m bughu naŋa tsughu ezə, ghàʼ nùghù è kɔʼ, tsɔ̀ʼ nùghù kɔ̂ʼ ndzʉ̄ tə wə̄n tə bee to, gaʼ naŋa è tsughu, kɔ̀n nyə̀ ndùw bàtɛ̀lɛ alo esā.

Dzɔ̌n 15:12

Lâŋ kaŋa kə lo enyəa, ‘Ləgha nlò ghue zɛ̄ʼā zo tò aŋghəa Ǹ ləghaa ghɛ a te.

Gàlashìan 6:2

E yoso nlò ghue zɛʼɛ zo alebòʼò mbùŋ kə waazə̂ ghɛʼɛ. Abugho ghɛ̀ ghəŋlo êzə̀, ghɛ̌ fi luesô làŋ kə Kə̀lestò.

Efɛsùs 5:2

E ləghaa nduw nlò ghî ghò tò aŋghəa Kə̀lestò mò ləgha wo sɛ̀ a te, ù m fùghù sùghò ghue u wə̄n to kəfughu kə̀ ləə̄m dzɔɔ̄ ko enyəa ghe sâa ndûw â Zə̀ kò an tuw u sɛ̀.

1 Tɛ̀sàlonìan 4:9

Ghàʼ ndôʼ kì dzə yo aletɔɔ wo ghɛ̀ â mwàʼsò kò kùu ndùw ləgha zə eghùe zɛʼɛ̄. Zə̀ kə̀ maā ghɛ ki zoʼnlo aŋghəa ghɛ̀ ki aleləghā ghue zɛʼɛ zo a te.

1 Timotì 1:5

Ghəa è səŋò zəla M̀ fughuu wô ghû â làŋ kən ko lo enyəa to kə mô lò aleghəŋlo ghî a Kə̀lestò ghə̀ e ləghaa ghue ghee zo; ŋgòʼ è ləgha zəla e səā wo am fə̂ŋ è zɔ̀lɔ, à mòʼnlò è dzuŋ zò, Abugho ghe ləghaa ghue e ghee zo enyə, e fi dêe nù enyəa ghe ŋ kùm bǒo fughu â Kə̀lestò.

1 Pità 1:22

Ghəa e lô êzə̄ŋ enyəa səŋò zəla ghɛ̀ zoʼn kele kɔʼ ghɛ̀ yia bwiī a te ŋ ghɛ̀ sûw màʼà, ghɛ̀ yia ləghaa ghue zɛʼɛ zo tò waazə̂, e kuū ləghaa nlò ghue zɛʼɛ zo am fə̂ŋ è mɔ̀ʼ.

1 Pità 3:8

Alemìasò tsughu, ghɛ̀ a dzə̀m ki alemùghù alo kəfəgha kə mɔ̀ʼ, ləghàa ghue zɛʼɛ am fə̂ŋ e mɔ̀ʼ, ki se è kwuso zo àsùghò ghue è zumso zo.

1 Pità 4:8

Ghəa è səŋò zəla e lo ghè zò lò enyəa, e ləghaa nlò ghue zɛʼɛ zo am fə̂ŋ e mɔ̀ʼ, bòʼ kwò enyəa à lò eləgha e tsəla nàlà ndə̀mà tə tə̀bòo tò.

1 Dzɔ̌n 1:5

Zən fɛ̀ lò tum zəla ghàʼ lo mò ghàʼ n zuw aŋ ghulô Wɛ ù Kə̀zə̀, ghàʼ yia naʼ wo â ghɛ̀. Tum e te u lo enyəa: Zə̀ kə̀ lo tsə̀, kə ŋgəmso ki yo ghəa è li zo aleghəŋlo ghèe ləm ko.

1 Dzɔ̌n 4:11

Fən ghaŋa gho, abugho Zə̀ kə fə̀ tɔ̂ʼ ləgha sɛ̀ ènyə, sɛ̀ ki sugho nû aleləghāa ghue e sɛ̀ zò.

1 Dzɔ̌n 4:21

Kən lò lâŋ kə̀là Kə̀lestò fughu sugho â sɛ̀ enyəa, “Ghùw wəla ù ləghaa Zə̀ kò ki aleləghaa sugho waazə̂ ghò.”

1 Dzɔ̌n 4:7

Fən ghaŋa gho, bùghò nlò to sɛ̀ è ləghaa ghue e sɛ̀ zo, nu à ghə̌əŋ tsughuu Kə̀zə̀ enyəa sɛ̀ è ləghaa ghue è sɛ̀ zò. Ghùw wəla ù ləghaa wàazə̀ kwo nù Zə̀ kò, vʉ̀a ù lò sugho wɛ ù Kəzə̀.

2 Dzɔ̌n 1:5

M̀ buʼu wò kə̀ ghu â ghû a Wìzən ù dzùŋ, à yò dzə̂ enyəa kən lò lâŋ kə fughu ko, à lo lâŋ kəla sɛ̀ ki ki tsəgha, enyəa: Sɛ̀ è ləghaa ghue e sɛ̀ zò tò waazə̂.