1 Dzɔ̌n 3:10 - To kə Kəzə̀ kə̀ Fughu ko

¹⁰ Zən lǒ ghəa zəla è dêe tsughuu enyəa wɛ a Kəzə̀ à lo nəŋo nəŋ a zəŋò wɛ a Satàn ghò: enyəa ghùw wəla ù ghə̂əŋ yò ghəa zəla e lô tsəghatsəgha, vʉ̀a ù ləghaa sughò yo wàazə̀, ù fi yo dzè wɛ u Kə̀zə̀.

1 Dzɔ̌n 3:10 Iomraidhean Croise

Matìo 13:38

sum u te u lo mbī, ŋgòʼ tə̀ dzûŋ tən fɛ lò ghî ghəla ghe lô am fɔ̀e u Kəzə̀; zwiī wən vʉa u lô ghî ghəla ghe lô am fɔe kə Satàn.

Lûk 6:35

E laam ləghaa nduw nlò ghî ghəla ghe bâa ghɛ, ghəəŋ ndùw èdzɔ̀ â ghee. Fɔ̀ɔn fùghuu ndùw sùghò ghee â fʉgha wo, kòom mòʼn yò enyəa ghe lo fughuu tsə̀ghàa wò nù ebàm. Abugho ghɛ̀ ghəŋlo êzə̀, namso kɛʼɛ kə e ke e ghaʼa, ghɛ̀ è ke e lo wɛ a Zə̀ kə̀ ghaʼa kən kə̀ dzə̀m; nu Ù lə̀ghâa ghì ghəla ghe fughuu yô kɛɛ wo, à ghì à mʉa gho.”

Dzɔ̌n 1:12

A m bùghò ghì ghəla ghe kpe nī Wə̄n, boo fùghù tsùghù sùghò â wə̄n, ù m fughu ghee â daʼa ko aledòʼò wɛ a Kəzə̀.

Dzɔ̌n 11:52

Ù kǎa kpuuw ko yo an tuw u tə̀ Dzuū; vʉ e wə̄n e ki sugho alenìi zûuŋ wô wɛ a Kəzə̀ ghəla ghe sɔʼn doʼò kaŋlo aŋ kàlà tə mbī e dzə̀m alo kəbəla kə mɔ̀ʼs.

Dzɔ̌n 8:44

Ghɛ̀ lo ko tǒ tsele wɛʼɛ, tɔɔŋ Satàn, moʼn zɛʼɛ zə e bɔ̄ɔm lǒ ko alefwàʼ fəgha kə̀là tsele wɛʼɛ ləghaa ghè kò. Alenìi nughù wô, ù fə̀ wii tsəgha aghî, tuu màʼnlò èsə̀ŋò, bòʼ səŋò è li e yo zəŋò wə̄n. Abugho ù kaʼ gha zo, ù fi kə̂aa ghəa ghəla a kpe am mùghù e wə̄n, bòʼ àgha a dzəa wə̄n, vʉ̀a ù lǒ ghùw wə̀ àghā.

Dzɔ̌n 8:47

Ghùw wəla ù lo ghùw ù Kə̀zə̀, ù zǔuw shwaʼ u Kə̀zə̀. Zə zəa e sô lô enyəa ghɛ̀ yo dzə̂ ghî a Kəzə̀ gho, zə lo e ghee ghɛ̀ yo alezuw shwaʼ wən.”

Kə̀fwàʼ 13:10

dzɛ̀ â wən enyəa, “Wɛ̀ ù àvʉatsə̄a wə̄n, ghùwkə̀tuw â ghəa a tsəghatsəgha ghən à dzə̀m, dziī tə̀ tseē tə aghì tə̀n tə̀ dzə̀m, à tə̀ wiin tə aghì tò, à kwò nduw ko ghû, à lò enyəa ghù wən bughuu naaŋ yo aleŋgɔɔ̄n maʼn kaaŋ dziī tə tsəghatsəgha tə Mughu ù te to a?

Lumà 13:8

Ghɛ̀ ka e kele dzə ghùw u lì â ndàŋ kò. Ndàŋ kəla ghɛ̀ ki ko alekele mîaa ko enyəa ghɛ̀ è ləghaa ghue zɛʼɛ zo; tɔŋlo enyəa ghùw wəla ù ləghaa dzə̂ ghî ghò fi lueso kə̀làŋ.

Efɛsùs 5:1

E fi lo enyəa ghɛ̀ koʼ ni ghəa a Kəzə̀ ghò bòʼ enyəa ghɛ̀ lo wɛ a wə̄n a fə̂ŋ ghò.

Kòloshìan 3:14

Ghəa è səŋò zò aŋ ghəa ghən à dzə̀m lò enyəa ghɛ̀ a dzə̀m è ləghaa nduw ghue zɛʼɛ zo, tɔŋlo enyəa abugho ghɛ̀ ləghaa ghue zo ghɛ̌ fi lo kəfəgha ko kə mɔ̀ʼ.

1 Timotì 1:5

Ghəa è səŋò zəla M̀ fughuu wô ghû â làŋ kən ko lo enyəa to kə mô lò aleghəŋlo ghî a Kə̀lestò ghə̀ e ləghaa ghue ghee zo; ŋgòʼ è ləgha zəla e səā wo am fə̂ŋ è zɔ̀lɔ, à mòʼnlò è dzuŋ zò, Abugho ghe ləghaa ghue e ghee zo enyə, e fi dêe nù enyəa ghe ŋ kùm bǒo fughu â Kə̀lestò.

1 Dzɔ̌n 2:29

Aŋghəa ghɛ̀ kwo enyəa Kə̀lestò lò ghùw ù tsəghatsəgha, e fi lo enyəa ghùw wəla ù ghəəŋ ghəa ghəla a lô tsəghatsəgha à lo wɛ ù Kə̀zə̀.

1 Dzɔ̌n 3:1

Kòʼ nlò ləgha è ne è ne zəla Tsele ù te de wo â sɛ̀ a, enyəa ghe e tɔɔŋ sɛ̀ enyəa, sɛ̀ lo wɛ a Kəzə̀ a; sɛ̀ yia a kǔum lô sùghò wɛ a Kəzə̀ ghò a. Ghəa zəla ghî a mbī a kwo yo sɛ̀ enyəa sɛ lo wɛ a Kəzə̀ lò enyəa ghe mò kwo sugho yo Zə̀ kò.

1 Dzɔ̌n 3:2

Waazə̂ ghaŋa gho, sɛ̀ êzəŋ e lo wɛ a Kəzə̀, sɛ̌ yia sô kaam kwo yo fəgha kəla sɛ̀ kê bughò doʼn ghê kò. Yia a kuuwn kwo enyəa abugho Kə̀lestò kè dê wô ghue wo, sɛ̀ kê bɔ̌ɔm lò sugho tǒ wə̄n, tɔŋlo enyəa an tì kə tə ko, sɛ̀ lô wə̄n koʼò ndùw aŋghəa ù lò a te.

1 Dzɔ̌n 4:21

Kən lò lâŋ kə̀là Kə̀lestò fughu sugho â sɛ̀ enyəa, “Ghùw wəla ù ləghaa Zə̀ kò ki aleləghaa sugho waazə̂ ghò.”

1 Dzɔ̌n 4:6

Sɛ̀ lo ghî a Kəzə̀ ghò. Ghùw wəla ù kwo Zə̀ kò zûuw fəgha kə̀là sɛ̀ dzâa. Ghùw wəla ù kuūwn kwo yo Zə̀ kò, zuuw yo â sɛ̀. Zən lô dzì zəla a lô alekele nəŋo nəŋ e Zuʼ təla tə lo tə̀ êsəŋò tò àsùghò təla tə lô tə agha to.

1 Dzɔ̌n 4:8

Ghùw wəla ù ləghaa yo wàazə̀ fi kwo yo Zə̀ kò, bòʼ enyəa Zə̀ kə̀ lo eləgha.

1 Dzɔ̌n 5:19

Sɛ̀ kwo nû enyəa sɛ̀ lo wɛ a Kəzə̀, aŋghəa mbī e dzə̀m tso bûʼ lo ko an daʼa kə avʉatsə̄a.

1 Dzɔ̌n 5:2

Sɛ̀ lo alekele enyəa sɛ̀ ləghaa nù wɛ a Kə̀zə̀ ghò abugho sɛ̀ ləghaa Zə̀ ko, naaŋ sùghò làŋ kə wə̄n.

3 Dzɔ̌n 1:11

Fən waŋa ù dzûŋ, kà e koʼo niī ghəa è biigh zo, e kuuwn koʼo niī ko ghəa e dzûŋ zò. Ghùw wəla ù ghəəŋ ghəa à dzûŋ ghò, à lǒ wə̄n ghùw ù Kə̀zə̀. Ghùw wəla ù ghəəŋ ghəa à biigh gho kaam kwo yo Zə̀ kò.