1 Dzɔ̌n 2:9 - To kə Kəzə̀ kə̀ Fughu ko

⁹ Ghùw nsɔ̌ɔŋnchùw wəla ù mòʼo enyəa e lo an tsə̂, kuuwn bàa wàazə̀, nǎam mùghù ko alo kələ̄m.

1 Dzɔ̌n 2:9 Iomraidhean Croise

Dzɔ̌n 9:41

Yɛso m bɛ̀lɛ̀ nduw ghee enyəa, “Abugho ghɛ̀ mô boōm tsughuu enyəa ghɛ̀ fôo dòʼò nù, to ghɛ̀ mô ki yò bo e li zo. Êzə̄ŋ wəla ghɛ̀ dzɛ̂ enyəa, ‘Ghàʼ koʼò nù luʼū to.’ Bôo tɛʼɛ tə naam lò ko nû.”

Kə̀fwàʼ 1:15

An tsùʼu n te mò ko, ghəa ghe zûuŋ wô tsuʼ ù li wo (ghe fə̀ dzeŋe lo bɔm fə aghì à ghì ghò ghuūghûw), Pità n nùghù těe è kɔʼ, dzɛ̀ tsùghù enyəa,

2 Pità 1:9

Lò êzə̀, abugho ghùw ki yo ghəa ghə̀ è ghə̀n, à fi lo enyəa ù lǒ tǒ ghùw ù fǒo; ù kòʼòkɛlɛ̄ yo ghəa gho, nìzə̀a tsùghu enyəa ghe maā sûw màʼà bôo tə ghee təla ghe fə ghəə̄ŋ tsəghà dzə.

1 Dzɔ̌n 1:6

À fi lo enyəa abugho sɛ̀ dzɛ̂ enyəa sɛ̀ lo kəfəgha kə mɔ̀ʼ sɛ̀ à ghê Zə̀ kò, sɛ̀ yia a kôom naām mùghù ko alo kələ̄m, a fi kaʼnlo àgha, mùghù sugho yo am fəgha kəla səŋò è deē ghè kò.

1 Dzɔ̌n 2:11

Ghùw wəla ù bâa wàazə̀ kǔuwn mùghù alo kələ̄m, bwìi kàŋlo a te, kwo sugho yo luʼū kəla ù ndǔuw a te, bòʼ ləm kə n sə a wə̄n a fôsò nàŋa.

1 Dzɔ̌n 2:4

Ghùw wəla ù dzɛ̀ enyəa, Ŋ̀ kwo nu wə̄n, mò ù kǔuwn naaŋ yo lwâŋ u Kəzə̀ wò, à lo ghùw wə̀ àgha. Ghùw ù te kwo yo ghəa è səŋò zò.

1 Dzɔ̌n 3:10

Zən lǒ ghəa zəla è dêe tsughuu enyəa wɛ a Kəzə̀ à lo nəŋo nəŋ a zəŋò wɛ a Satàn ghò: enyəa ghùw wəla ù ghə̂əŋ yò ghəa zəla e lô tsəghatsəgha, vʉ̀a ù ləghaa sughò yo wàazə̀, ù fi yo dzè wɛ u Kə̀zə̀.

1 Dzɔ̌n 4:20

Abugho ghùw dzɛ̀ enyəa e ləghaa Kə̀zə̀, vʉ̀a ù kuuwn bâa wàazə̀, ghùw ù te fi lòʼsò ghue u wə̄n. Tɔŋlo enyəa abugho ghùw yo aleləghā wàazə̀ mò ù kòʼò ndùw nû wə̄n, ù lo ênzə̂n aleləghā Kə̀zə̀ mò ù kaam wə̄n ŋ kôʼ kò a?