1 Dzɔ̌n 2:8 - To kə Kəzə̀ kə̀ Fughu ko

⁸ Lò êzə̀, lâŋ kəla Ǹ tɔɔ wô fɛ â ghɛ̀ êzəŋ lo lâŋ kə̀ fughu ko, mò sɛ̀ səŋò zəla e lo a làŋ kə tə ko koʼò ndùw a zəŋò Kə̀lestò àsùghò a zəŋò ghɛ̀, bòʼ enyəa ləm kə tsəghà nùghùun ndùw nù, tsə̀ è səŋò zə̀a e daŋso tughuū səā kɔʼɔ wo.

1 Dzɔ̌n 2:8 Iomraidhean Croise

Matìo 4:16

tɔɔŋ ghɛ̀ ghəla ghɛ̀ mò naām mughù alo kələ̄m, n tsə̀ è tùghuu kôʼ. Ghɛ̀ ghəla ghɛ̌ fə̀ lo fughu am mbù è te, mò à lə̀mà kɔ̀ʼɔ ko èvʉ fughu, tsuʼ wə n zuw an tuw wɛʼɛ.”

Lûk 1:79

Kə lo ghəəŋ sùghò nù tsə̀ kè tughu an tuw u ghì ghəla ghe lô alo kələ̄m, àsùghò an tuw u ghì ghəla ghe lô fʉgha wə evʉ wo, aledèe wô sɛ̀ â dzì è dzùŋ am mbī.”

Dzɔ̌n 1:9

Tsə̀ è sə̀ŋo è te lo zə̄lā è nyəā wo am mbī aletughū a zəŋò ghì ghò a dzə̀m.

Dzɔ̌n 12:35

Yɛso n dzɛ̀ â ghee enyəa, “Tsə̀ è te naam lò kəŋo nduw nu ghɛ̀ à ghee aŋ kə̀mà fə kə̄ghā. À fi lo enyəa e bwiī nlò am tsə̂, e kwo ko nlò ləm kə lô so e kuūwn koom bvʉ̀a a zəŋò ghɛ̀. Ghùw wəla ù bwìi alo kələm kwo yo luʼu kəla ù ndûuw a te.

Dzɔ̌n 12:46

M̀ fɛ am mbī nyə wò tô tsə̀, enyəa mò ghùw bǒo fùghù dzə̀ â mùghò, ù n yò alemùghù doʼò alo kələ̄m.

Dzɔ̌n 13:34

Lâŋ kə̀ fughu kə̀là M̀ fughu wo â ghɛ̀ lò enyəa, ‘E dèe ləgha zo aŋ ghue zɛʼɛ̄ tò aŋghəa Ǹ ləghaa ghɛ a te. Chìa ki aleləghā sugho wàazə̀.’

Dzɔ̌n 8:12

Yɛso ŋ kə̀a kpèʼe ndùw àghəa â ghee enyəa, “Ǹ lo kəkɛ̀ʼɛ̀ â mbī. Ghùw wəla u nì ghuw kaŋā ko kê yò alebwiī alo kələ̄m. Ù lo kuuwn ki tsə̀ am mùghù e wə̄n.”

Kə̀fwàʼ 17:30

Zə̀ kə̀ n wuwmàʼà ghəa à biigh ghəla ghî a mò ghəŋlo an tì kəla ghe fə̀ kwo tsəghà yo wə̄n, vʉ̀a ù fughu tsughu lâŋ kò êzəŋ â ghì ghò a dzə̀m an lùʼù tən tə̀ dzə̀m enyəa ghe maʼà ghəa à biigh gho.

Kə̀fwàʼ 26:18

Ghù kì aletsʉ̄ sə a ghee, ghù ni nughu sə wo ghee alo kələ̄m, ghù naŋa sə wo an tsə̂, ghù ni nughu tsughu sugho ghee aŋ ghu kə Satàn, ghù ni wo ghee a vʉ̀a Zə̀ kò, to abugho ghe lo gaʼ tsughu fə̂ŋ tò a zəŋò mùghò, a lo ghuūw māʼà kɔʼ bôo tə ghee, ghe nîi kɔʼ bala e ghee am bvʉa e ghì ghə̀là Zə̀ kə̀ shîaa kɔʼ.’ ”

Lumà 13:12

A êzəŋ e lo ko tò â lə̌əmlə̌əm tə utsuʼ to, a tsûuŋ tsùghuu ko enyə, tsuʼ u zuūw nyəa wò nù. To sɛ̀ mô bughū naŋa aleghəəŋ ghəa gho a tsəla kələ̄m, sɛ̀ nîi kɔʼ mughù e zɔlɔ zo tǒ ndzʉ tə tsam sɛ̀ dzəlà kele a zəŋo e ughùe.

2 Kòlentìan 8:9

Tɔŋlo enyəa ghɛ̀ kwo nû dzɔ̂ e Mughubè Yɛso Kə̀lestò zò, enyəa aŋghəa ù mò buʼù kuū ko fɛ, ù n naam tùe zə̀ghàa ndùw kô kum e wə̄n e t zo bùghò dòʼò tsughu ghùw ù lǎa ko ghəa zɛʼɛ, enyəa an lɛ e wə̄n zən, ghɛ̀ è lo alebùghò doʼò ghì a kuu gho.

Efɛsùs 5:8

tɔŋlo enyəa ghuūghùe zɛʼɛ̄ e fə̀ buʼū lo tsəgha alo kələ̄m, ghɛ̀ yia lo mò ghɛ̀ n sə teme wò an tsə̂ êzəŋ aŋghəa ghɛ̀ à ghê Mughu ù te lô fəgha ko kə mɔ̀ʼ. E ghəəŋ nduw nlò ghəa ghɛʼɛ gho tò ghî ghəla ghe lo mo ghe n sə tēe wò an tsə̂.

2 Timotì 1:10

Yia a kuūwn bugho êzə̄ŋ, Kə̀lestò Yɛso, Bəghambī ù sɛ̀ m bùghò tsʉ̀ dè ghəa ghən gho à dzə̀m. Ù ŋ ghəŋlo, vʉ zəa e kôom ki yô daʼa ko a zəŋò sɛ̀, vʉ̀a ù zoʼn sɛ̀ â làbəlà e dzùŋ, làbəlà è dzùŋ è te zə̀a è dè fughu wo sɛ̀ â fəgha kəla mughù è doʼn təla e lo ghè kò.

1 Pità 1:21

À lò am bàm e Kə̀lestò e ghəŋlo enyəa ghɛ̀ gaʼ fə̀ŋ a zəŋò Zə̀ kò; tɔ̂ɔŋ Zə̀ kəla kə fə̀ zôom nughu wo wə̄n alo evʉ, naŋa kɔʼ wə̄n alo nsəghanyəgha enyəa to boo zɛʼɛ àsùghò moʼn zɛʼɛ zə e lo a zəŋò Zə̀ kò.

1 Dzɔ̌n 3:23

Kən lo lâŋ kə̀là ù tsəghàsò tsughu enyəa: Aleboo fughu an zən e Wɛ ù wə̄n ù nùu, Yɛso Kə̀lestò, àsùghò enyəa sɛ̀ e ləghaa ghue e sɛ̀ zo, aŋghəa Kə̀lestò fə̀ dzɛ̂ naŋa.

1 Dzɔ̌n 4:11

Fən ghaŋa gho, abugho Zə̀ kə fə̀ tɔ̂ʼ ləgha sɛ̀ ènyə, sɛ̀ ki sugho nû aleləghāa ghue e sɛ̀ zò.

1 Dzɔ̌n 4:21

Kən lò lâŋ kə̀là Kə̀lestò fughu sugho â sɛ̀ enyəa, “Ghùw wəla ù ləghaa Zə̀ kò ki aleləghaa sugho waazə̂ ghò.”