1 Dzɔ̌n 2:7 - To kə Kəzə̀ kə̀ Fughu ko

⁷ Fən ghaŋā gho, kən yo dzə̂ lâŋ kə fughu ko Ǹ tɔɔ wo â ghɛ̀; à lò lâŋ kə̀ wii kəla kə ki lô tsəgha dzə — kəla ghɛ̀ ki kwo tsəgha, tɔ̂ɔŋ làŋ kə̀ wii kəla ghɛ̌ fə̀ ki zuw.

1 Dzɔ̌n 2:7 Iomraidhean Croise

Matìo 5:43

Ghɛ̀ n zuw ghəa ghe tɔm naŋā an làŋ kə Musî enyəa, ‘Ghù ki aleləghaa wàazùghù, bàa ghùwkə̀tuw wʉ̂a!’

Dzɔ̌n 13:34

Lâŋ kə̀ fughu kə̀là M̀ fughu wo â ghɛ̀ lò enyəa, ‘E dèe ləgha zo aŋ ghue zɛʼɛ̄ tò aŋghəa Ǹ ləghaa ghɛ a te. Chìa ki aleləghā sugho wàazə̀.’

Kə̀fwàʼ 17:19

Ghe n nì wò Pôl êzəŋ an vʉ̀a kaŋsì an Aleopagùs, luʼu kəla kaŋsì mò bughò kwuū tsəgha a te, dzɛ̀ â wən enyəa, “Ghàʼ mô ləghaa nù alekelê fəgha kela tsʉ̂ è fughu zəla ghù fughuu moʼō ghè zò.

Hibùlù 6:9

Aŋghəa ghàʼ buʼù kə̂aa ko ghəa gho fɛ a waʼāwāʼ, ghàʼ kwo tən nû enyəa ghəa a dzûŋ a lo nû â ghɛ̀, â ghɛ̀ ghəla ghe lo mo ghe ghɛ̀ bəghāsə̄.

1 Dzɔ̌n 2:24

Ghǒom tsughu nlò enyəa, fəgha kəla ghɛ mò zuw alekaʼa nughù wô aŋghəa ghɛ̌ fə̀ boō fughu tsughu â Kə̀lestò, kə doʼò tən a zəŋò ghɛ̀. Abugho kə doʼò tən a zəŋò ghɛ̀, ghɛ lo e ti ghuw ko kə mɔ̀ʼ ghà à ghê Wɛ àsùghò Tsele ù te.

1 Dzɔ̌n 3:11

Wən lò shwaʼ wəla ghɛ̀ mò zuw zîi wo; enyəa sɛ̀ e ləghaa ghue e sɛ̀ zò to waazə̂.

1 Dzɔ̌n 3:2

Waazə̂ ghaŋa gho, sɛ̀ êzəŋ e lo wɛ a Kəzə̀, sɛ̌ yia sô kaam kwo yo fəgha kəla sɛ̀ kê bughò doʼn ghê kò. Yia a kuuwn kwo enyəa abugho Kə̀lestò kè dê wô ghue wo, sɛ̀ kê bɔ̌ɔm lò sugho tǒ wə̄n, tɔŋlo enyəa an tì kə tə ko, sɛ̀ lô wə̄n koʼò ndùw aŋghəa ù lò a te.

1 Dzɔ̌n 3:21

Fən ghaŋa gho, abugho fə̂ŋ tə sɛ̀ tə̀ geēn yo sɛ̀, sɛ̌ fi dô lo nû a vʉ̀a Zə̀ kò,

1 Dzɔ̌n 3:23

Kən lo lâŋ kə̀là ù tsəghàsò tsughu enyəa: Aleboo fughu an zən e Wɛ ù wə̄n ù nùu, Yɛso Kə̀lestò, àsùghò enyəa sɛ̀ e ləghaa ghue e sɛ̀ zo, aŋghəa Kə̀lestò fə̀ dzɛ̂ naŋa.

1 Dzɔ̌n 4:1

Fən ghaŋā gho, kâ nlò e tsoō boom fughu ko â ghî ghən a dzə̀m ghe dzɛ̂ enyəa ghe ki Zuʼ tə Kəzə̀ mò ghɛ̀ kâ ghe bûʼ mɔ̀msò kòʼ tsughu dzə̀ alekele enyəa à Zuʼ tə te tə tə̂əm fughu to Kə̀zə̀ à; tɔŋlo enyəa ghiīshʉ̀ghà ghə agha a dûuw nù am mbī.

1 Dzɔ̌n 4:11

Fən ghaŋa gho, abugho Zə̀ kə fə̀ tɔ̂ʼ ləgha sɛ̀ ènyə, sɛ̀ ki sugho nû aleləghāa ghue e sɛ̀ zò.

1 Dzɔ̌n 4:21

Kən lò lâŋ kə̀là Kə̀lestò fughu sugho â sɛ̀ enyəa, “Ghùw wəla ù ləghaa Zə̀ kò ki aleləghaa sugho waazə̂ ghò.”

1 Dzɔ̌n 4:7

Fən ghaŋa gho, bùghò nlò to sɛ̀ è ləghaa ghue e sɛ̀ zo, nu à ghə̌əŋ tsughuu Kə̀zə̀ enyəa sɛ̀ è ləghaa ghue è sɛ̀ zò. Ghùw wəla ù ləghaa wàazə̀ kwo nù Zə̀ kò, vʉ̀a ù lò sugho wɛ ù Kəzə̀.