1 Dzɔ̌n 2:5 - To kə Kəzə̀ kə̀ Fughu ko

⁵ Ghùw wəla ù kuūwn zuuw â Zə̀ kò, à lǒ ghùw ù te ù kùum kele tsughuu fəgha kə kəla ləgha e Kəzə̀ è lo ghè ko. Ghən lò ghəa ghəla sɛ̀ lo alekele enyəa sɛ̀ à ghê Zə̀ kə̀ lo nû alo kəfəgha ə mɔ̀ʼ:

1 Dzɔ̌n 2:5 Iomraidhean Croise

Lûk 11:28

Yɛso m fwə̀n dzɛ̀ tsùghù enyəa, “Dzɔ̀ lǎam lò ghî ghəla ghe zuw shwaʼ ù Kəzə̀ wò, bwìi ndùw an tsə̀n tə te to.”

Dzɔ̌n 14:21

Ghùw wəla ù zuūw lwâŋ waŋa wo, bɔɔm bwìi ndùw a te, vʉ̀ lô ghùw vʉ̀a ù biso ləghaa mugho. Ghùw wəla ù ləghaa mugho, Bəghà lo ləghaa sùghò wə̄n, mùghò è ləghaa sugho wə̄n, dèe fùghu sùghò ghue waŋā â ghùw ù te.”

Dzɔ̌n 14:23

Yɛso m bɛ̀lɛ̀ ndùw wə̄n enyəa, “Abugho ghùw ləghaa mugho, ù kì alebwiī aŋghəa Ǹ ləghaa a te, bəghà lo e ləghaa sugho wə̄n, ghàʼ kê bughò mughù ghàʼ à ghee.

Dzɔ̌n 15:5

Ǹ lo fəkâʼ, ghɛ̀ yia lo kwêe tò. Ghùw wəla ù lo ghàʼ à wə̄n alo kəfəgha kə mɔ̀ʼ, yìa Ǹ lô sugho ghàʼ à wə̄n, a lǒ wə̄n ù lò aleŋgeē mʉ utwam. Nu buw â mugho ù yo aleghə̂əŋ ghə̀a è li zo.

Dzɔ̌n 6:56

Ghùw wəla ù pfʉ nyòm è ùghùe zaŋā, vʉ̀a ù mʉ sughô kâŋ taŋa to lo ghàʼ à wə̄n, yìa Ǹ lo a zəŋò wə̄n.

Lumà 8:1

Tò aŋghəa e lô êzəŋ, ghùw ù lì kôom bùʼ yò alebɛ mbɛ an tuw kə ghì ghən a dzə̀m ghe lô fəgha ko kə mɔ̀ʼ ghèe ghê Kə̀lestò Yɛso.

1 Kòlentìan 1:30

Nu à lò Kəzə̀ kə fughuu ghɛ â mùghùu zəla ghɛ̀ mughu alo kəfəgha kə mɔ̀ʼ ghɛ̀ à ghê Kə̀lestò Yɛso. Zə̀ kə̀ ŋ ghəən tsughu enyəa sɛ̀ e ki tɔ wo am bàm e Yɛso. Yɛso ŋ ghəəŋ tsughu enyəa sɛ̀ e lo tsəghatsəgha a sə kə Kəzə̀ àsùghò enyəa sɛ̀ e lo ghì a Kəzə̀ à zɔlo gho, zùe sè sùghò tuw u sɛ̀.

2 Kòlentìan 5:17

Ghùw wəla ù lò fəgha ko kə mɔ̀ʼ ghèe Yɛso Kə̀lestò, ù fi lo ghûw ù fughu; ghəa à wii ghə n tsə̀ghà mìaa, à fughu yia a bugho.

2 Kòlentìan 5:21

Kə̀lestò mò ki yo bo è li zo, Zə̀ kə̀ ŋ ghəŋlo è tsughu ù n dòʼò tsùghu tò ghûw ù bǐigh bòʼ ghəa e sɛ̀, enyəa aŋghəa sɛ̀ à ghee təmdzəə̄ŋ kɔʼ, a ke e dzeŋe lo sugho tsəghatsəgha a vʉ̀a Zə̀ kò.

Dzɛ̂ms 2:22

Ghù n tɔ̀ʼ kòʼò a! Fə̀ŋ zəla ù fə̀ gaʼ tsughu a zəŋò Zə̀ kò ndûuw dzə̌əŋ ko ghèe fwàʼ kə wə̄n kə̀ dzûŋ kò. À fə̀ lo am fwàʼ kə wə̄n kə dzûŋ kò è fə̀ dê sə wo enyəa ù kùm gaʼ kpe to nǔ fə̀ŋ a zəŋò Zə̀ kò.

1 Dzɔ̌n 3:24

Ghî ghəla ghe naaŋ lâŋ kə Kə̀zə̀ kò lò alo kəfəgha kə mɔ̀ʼ ghèe ghê Zə̀ ko, Zə̀ chia kə lo sugho ghèe ghee. Ghən lò sugho aŋghəa sɛ̀ kele a te enyəa Zə̀ kə̀ lo sɛ a ghee. Sɛ̀ ghəa ghən fɛ kele bò Zuʼ təla kə fughu â sɛ̀.

1 Dzɔ̌n 4:17

Abugho sɛ̀ kûum ləghaa ghue e sɛ̀ zò, mùghù sugho tò aŋghəa Yɛso fè mughu fɛ a te am mbī, sɛ̀ kê ki yo tsəŋ zo abugho tsuʼ u saʼ u kê kpe wo.

1 Dzɔ̌n 4:18

Tsəŋ è li e yo abugho ghù kùum ləghaa wàazùghù. Kùum kə eləgha kə dzûu nùghùnlò etsəŋ, nu tsəŋ e bughô â fə̀mso ko. Ghùw wəla ù ki tsəŋ zo an ləgha e wə̄n a zəŋò wàazə̀, ki yo kùm kə eləgha ko.

1 Dzɔ̌n 5:2

Sɛ̀ lo alekele enyəa sɛ̀ ləghaa nù wɛ a Kə̀zə̀ ghò abugho sɛ̀ ləghaa Zə̀ ko, naaŋ sùghò làŋ kə wə̄n.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.

2 Dzɔ̌n 1:6

Ləgha zəla Ǹ dzâa fɛ moʼnlò enyəa, sɛ̀ è mughu an lâŋ kə Kəzə̀. Lâŋ kə̀là ghɛ̀ a dzə̀m mò zuw alekaʼa nughù wo, lò enyəa: Ghɛ̀ a dzə̀m ki aleləghaa ghue zɛʼɛ zo tò waazə̂.

Edêe Fughu 12:17

Ŋgəm è tə n daŋso pfʉso kɔʼ unʉghà a zəŋò nùghò vʉ̀, nùghù tsùghù alendùw sôʼ wɛ a wə̄n à li ghən an tsam, ghəla ghe naāŋ lâŋ kə Kəzə̀ kò, mʉa fughuu gùw è Yɛso.

Edêe Fughu 14:12

Zən lò ghəa zəla e dê tsughu enyəa ghî a Kəzə̀ à zɔlɔ a ki alekɔlɔ tsughu təfə̂ŋ, tɔ̂ɔŋ ghì ghəla ghe naāŋ lâŋ kə Kəzə̀ kò, gaʼ sùgho fə̀ŋ è ghee a zəŋò Yɛso.